وداع حضرت امام حسین (علیه السلام)

 

سزادور عشقیلن من باش وئرم شمشیر فولاده

 

ولی باش اگمرم جبریله قوم ظلم و بیداده

 

بو قانین وار نیازی سنله بیر کوبنده فریاده

 

بو گون معشوقیله عاشق گرک همرنگ اولا زینب

 

منی سرمست ایدن ساقی ازل گون جام وحدتدن

 

سنی سیراب ائدیب سرچشمه عشق و محبتدن

 

حدف تک بیرجه عشق الله دور باجی بو نهضتدن

 

دایانام من بیر عالم گر سپاه و هنگ اولا زینب

 

اونا دلبند اولان اهل و عیاله پایبند اولماز

 

دچار یار اولان عاشق اسیر هیچ کمند اولماز

 

باجی عشق حقیقی عالمینده چون و چند اولماز

 

دگور شایسته عشقین اهلینه دلتنگ اولا زینب

 

دولوبدور گلستان کربلا سرو و صنوبردن

 

بیتیبدور لاله و نسرین و نرگس خون اصغردن

 

گلور عشقین شمیمی قاسم و عباس و اکبردن

 

بو باغین گوللری لازمدی رنگارنگ اولا زینب

 

بلی سویلر بلایه ، لا دئمز شوریده سر عاشق

 

باش اگمز ذلتیله دشمنه باشدان کچر عاشق

 

وئرر جانانینه جانین ، شیرین بیر سود امر عاشق

 

هامی عشق اهلینه تا بو عمل فرهنگ اولا زینب

 

عواطف عاشقه مانع اولانماز طی راهیندن

 

تجلا گر جمال یار اولا تنها نگاهیندن

 

عبودیتدن اولسون تا علامت سجده گاهیندن

 

گرگ آنندا عبدین بیر نشان سنگ اولا زینب

 

بو گون گرچه گئدوب الدن ابوالفضل علمداریم

 

باتوبدور قانه یتمیش بیر نفر یار وفاداریم

 

شهید اولسامدا چون تاریخیده محو اولماز افکاریم

 

هراسیم یوخ بوتون دنیا مصاف جنگ اولا زینب

 

گرک هموار ائده عاشق طریق عشقی قانیله

 

آلا وصلین متاعین بی محابا نقد جانیله

 

وصاله یول تاپا ترک عیال و خانمانیله

 

صبور اول قویما عشقین کاروانی لنگ اولا زینب

 

سئنا پیمانه جان لیک سنماز عهد و پیمانیم

 

گوتوررم من حجاب اولسا اگر جانانیمه جانیم

 

ئوره ک آئینه سین صیقل وئرر باشدان آخان قانیم

 

گورنمز دل اگر آئینه سینده زنگ اولا زینب

 

شاعر : استاد قاسمپور

 

منبع: کانال مدح و مرثیه

 

************

 

وداع حضرت امام حسین (علیه السلام)

 

چیخدی امام خیمه دن یوز قویدی مقتله

 

بیر قیز یولونی کسدی بنا شرح مقتله

 

عرض ایلدی اماندی بابا گیتمه دایان

 

بو حالیمی بهشتده یاده سالاندا یان

 

ان ذولجناحدن داخی آرامیمی آز آل

 

اگلش یرده منی دیزون اوسته دوباره آل

 

اولما رضا غمونده گوزوم اشکیله دولا

 

نازیله بیر او قولارون آچ بوینوما دولا

 

مطلق علاقه مند اولی بلبل گولن گله

 

بیرده گولر، گولوم منی دیندیر گله گله

 

بو سرعتیله اولما قتاله روانه سن

 

سالما شراره بو دل و جان و روانه سن

 

گورمورسن اشقیا نجه ایلوله قیل و قال؟

 

گتسن شهید ایدر سنی، گیتمه یانمدا قال

 

نه قارداشیم قالوب نه عموم وار نه بیر کسیم

 

بو حالده علاقه می تندن نجه کسیم؟

 

هیچ قیز بلایه دوشمسون عالمده من کیمی

 

سنسیز بولوم پناه اوزومه بیرده من، کیمی؟

 

بو آیرلیق زبسکه شراره سالور دله

 

وجهی ندور که جراتیله گلمیشم دله

 

آیا روادی سن کیمی بیر مهربان آتا

 

گوزدن جهاندا من تک عزیزه قیزین آتا؟

 

بولمم نه قدر عشق محبتده وار اثر

 

قلبیم فراق آدین ایشیدوب بید تک اسر

 

خار فراق برگ گل وصلی گر یارا

 

عالم طبیب اولسا، ساغالماز او بیر یارا

 

بو غنچه لیقدا اولما رضا گل کیمی سولوم

 

اولسون کبود سیلی زجریله صاق صولوم

 

آیا نجه بو دامن وصلوندن ال اوزوم؟

 

بیرده منیم زمانه ده سنسیز گولر اوزوم؟

 

بو وضعیله که ناقه صبریم دوشوب گله

 

ایتموم نه نوعی گردش ایامدن گله

 

بو نسگل اوسته آغلارام عمروم نه قدر وار

 

صحرالری دولانام همیشه مجنون وار

 

شاهی سالولا عزت و اجلالیله یولا

 

سالدی سنی بی بیم یولا، زلفین یولا یولا

 

قوی منده کوی عشقه ادب پرچمین ساچیم

 

فرش ایلیوم یول اوسته اولا فرش ره، ساچیم

 

سنسیز اسیر ایدر بیزی بولم سپاه شام

 

شامون یولون پیاده چکر شامه صبح و شام

 

من سنله بازدید ایدرم قتلگاه آرا

 

سنده خرابه ده گلوب آختار منی بابا

 

رسم وفانی عالم الفتده گوزلرم

 

گئت تیز قیت، یولون بو یول اوسته گوزلرم

 

سنده حسینه عرض ایله دردون نقدر اولا

 

صاحب سخا و کان کرمدور، دیمز او ، لا

 

منبع : مجمع شعرا و مادحین

 

***********

 

وداع حضرت امام حسین(علیه السلام) با حضرت رقیه (سلام الله)

 

قیزیم ایستیرم سیزی ترک ائدم

 

سفر اوسته آغلاما قوی گئدیم

 

منی چوخ یوباتما گرک گئدم

 

سفر اوسته آغلاما قوی گئدیم

 

سنیلن گر‌ک گئده شامه بو

 

گونو قاره خاطری رنجه‌لر

 

اوپه‌جک بو قوللاریوی هله

 

گره طناب شکنجه‌لر

 

ییخاجاق یزیدی دمشقیده

 

یئره ذلّتیله بو پنجه‌لر

 

اولاجاق عمارتی منهدم

 

سفر اوسته آغلاما قوی گئدیم

 

منی ساقی ازل ائیلییب

 

بئله مست بزم الست حق

 

بوغازیم قانیلا مرمّته

 

یئتیشه گرکدی شکست حق

 

سنی قورخما وورسا بو کوفیان

 

آلار انتقامیوی دست حق

 

آرادا خدا اوزودور حَکَم

 

سفر اوسته آغلاما قوی گئدیم

 

آلاسان نتیجه قیزیم گر‌ک

 

سن اوزون بو قانلی قییامیده‌ن

 

سالاسان بنای حکومتِ

 

اُمَوینی نظم و نظامید‌ن

 

بو بلالی باشیمی سن گر‌ک

 

آلاسان حکومت شامیدن

 

اوپه‌سن دوداقیمی دمبدم

 

سفر اوسته آغلاما قوی گئدیم

 

هله گئت گوروم قوروسان نئجه

 

منه بزم تعزیه شامیده

 

سنی دیندیرن گر‌ک آغلییب

 

یانا وای حسین دیه شامیده

 

ائده لعنت آل اُمییه

 

علنی قرا گییه شامیده

 

وورالار هر ائوده قارا علم

 

سفر اوسته آغلاما قوی گئدیم

 

منی چوخ یوباتما گئت عمّو‌وه

 

بیلیسن کی خسته مسافرم

 

نه اوزوم سو ایچمگه طالبم

 

نه ده زنده قالماقا قادرم

 

ولی سو تاپیلسا اگر قیزیم

 

گینه من گتیرمگه حاضرم

 

ائد‌رم سو فکرینی هر قد‌م

 

سفر اوسته آغلاما قوی گئدیم

 

او قیزین سولان یوزونه باخیب

 

یوزه سیل اشگینی باغلادی

 

دیزی اوسته باشینه ال چکیب

 

آتا آغلادی بالا آغلادی

 

بالانین سیلیب گوزونون یاشین

 

یوزون اوپدو بیرده قوجاقلادی

 

دئدی صبر ائله قیزیم ائتمه غم

 

سفر اوسته آغلاما قوی گئدیم

 

شاعر : مرحوم منزوی اردبیلی

 

منبع : مجمع شعرا و مادحین

 

**************

 

وداع حضرت امام حسین (علیه السلام)

 

خموش اولما گوزوم ویر سرشکوه رخصت

 

که گوز یاشیله تاپار مجلس عزا زینت

 

گرکدور اهل عزاده بکایه حال اولسون

 

گوزونده اشک، دلنده غم و ملال اولسون

 

سالون امام حسینین وداعنی یاده

 

آناسی فاطمه گلسون فغان و فریاده

 

او حالی ایله مجسم نظرده شام و سحر

 

اورک گوزیله یوزه متصل توک اشک بصر

 

وداع شاه شهیدان اوخونسا هریرده

 

او یرده حضرت زهرا گلر اوزی درده

 

چوخ آغلادور خانمی بو قضیه معناده

 

صحیحدور بو خبر چون گوروبله رویاده

 

قیامت اولدی او ساعتده آل اطهاره

 

ایدوب او حالت اثر کربلاده کفاره

 

وداع آخر ایدنده شهنشه عالم

 

قیلوبدی زینبون احوالنه نظاره او دم

 

گوروبکه غصه او مظلومه نی ایدوب بی تاب

 

الینی قلبینه قویدی قیلوب بو نوعی خطاب:

 

آغلاما گلمه بیله فریاده زینب آغلاما

 

محنت هجرانی سالما یاده زینب آغلاما

 

صبریوی ویرمه الوندن ایلمه داد و نوا

 

چوخ پریشان اولما، گلمه داده زینب آغلاما

 

سن بو نوعی آغلینده، بس بالالار نیلسون؟

 

صبر قالمور عترت طاهاده زینب آغلاما

 

هیچ کیمون اوز کامیجه سیر ایتمیوب دور زمان

 

یوخ وفا بو بی وفا دنیاده زینب آغلاما

 

سالما تاخیره منی، وقت شهادت گچمسون

 

سر وار بو ظهر عاشوراده زینب آعلاما

 

بو شهادت بیر سعادتدور منه ذات خدا

 

لطف ایدوب بو موقع زیباده زینب آغلاما

 

انبیا و اوصیا و اولیا، غبطه ایدر

 

بو مقامه عالم بالاده زینب آغلاما

 

ممکن اولماز هر کسه بیله مقامی درک ایده

 

کیمدی گور بو رتبه اعلاده زینب آغلاما

 

اختصاصی وار حسینه بو شهادت امرینون

 

فخر ایدر بو منصب والاده زینب آغلاما

 

ایتمشم جانانیله بیع و شرا روز ازل

 

سود کامل واردی بو سوداده زینب آغلاما

 

ایتمرم بیعت یزیده من پیمبر اوغلیم

 

ویرمرم شرع نبی نی باده زینب آغلاما

 

ایلرم نابود اگر من ایستسم بو لشکری

 

اقتداریم واردی بو ایماده زینب آغلاما

 

وار قراریم ذات حقله، غرق اولوب اوز قانیمه

 

امته ویرم نجات عقباده زینب آغلاما

 

کربلا دور بو یرین آدی ندور سعی و صفا

 

کعبه دن اشرفدی چون معناده زینب آغلاما

 

بیله قربان ویرماقی عالمده اوز جدیم خلیل

 

گورمیوبدور عالم رویاده زینب آغلاما

 

هر مصیبت ویرسه یوز، صبر ایت آنام زهرا کیمی

 

اول بلایا چکماقا آماده زینب آغلاما

 

شربت مرگی گرک نوش ایلسونلر بیر به بیر

 

هر وجودیکه گلوب ایجاده زینب آغلاما

 

فکر ایله گور بیر آتان، جدون آنان زهرا هانی؟

 

نولدی قارداشون حسن، سال یاده زینب آغلاما

 

بو حسینونده حساب ایله ئولنرون بیری

 

فرض ایله هیچ دوغمیوب زهراده زینب آغلاما

 

گیت گل اوزلی قیزلاری جمع ایت بلالی باشوه

 

ویر تسلی بو غم عظماده زینب آغلاما

 

قویما چوخ نازلی سکینم آغلاسون مندن صورا

 

گلمه سنده ناله و فریاده زینب آغلاما

 

قویما لیلا نالیه گلسون، اگر چه حقی وار

 

دوغرانوبدور اکبر شهزاده زینب آغلاما

 

ساکت ایت قاسم آناسین، آل شکسته گوگلنی

 

قویما یتسون چوخ غم، اول ناشاده زینب آغلاما

 

باغلیوب گر چه فراتی اشقیا، جاری یوزه

 

ایتمیون گوز یاشی بو صحراده زینب آغلاما

 

ساخلیون بو گوز یاشین زخم وجودیمه سپون

 

تشنه جان ویرم لب دریاده زینب آغلاما

 

بو غزالان حرم دام جفاده بیر به بیر

 

صید اولاندا ظلمیله صیاده زینب آغلاما

 

دشمنیم رحم ایلمز باشسیز قالان اطفالیمه

 

کیمسه اولماز گله امداده زینب آغلاما

 

گوز گوتورمه بو بالالاردان باجی، اوز سینوی

 

قیل سپر تیر غم بی داده زینب آغلاما

 

استراحت گورمه سن بوندانصورا دنیاده سن

 

قید غمدن اولماسان آزاده زینب آغلاما

 

دوش باشیم آردینجا بیر باش کوفه و شامی دولان

 

سیر ظلم ایت فرقه ادناده زینب آغلاما

 

قوی قدم بزم یزیده، سنله بو قانلی باشیم

 

چون گیدر ترسالره ارشاده زینب آغلاما

 

حقیمی ناحقلره بولدورم ایله بزمده

 

من کیمم آنلار بولر ترساده زینب آغلاما

 

لبلریمه خیزران اول دم یزید دون وورار

 

گلمسم گفتاره اول ایذاده زینب آغلاما

 

(ذوقدن) یکسر سالار بزم اهلین اول حالیم ولی

 

ظلمی گلمز دشمنون تعداده زینب آغلاما.

 

شاعر : مرحوم حاج محمد ابراهیم ذوقی

 

منبع: کانال مدح و مرثیه

 

 

***************

 

وداع حضرت امام حسین (علیه السلام)

 

قارداش اماندی بیر دایان گئتمه بیله شتابیله

 

قویما بیزی بو دشتیده محنت بی حسابیله

 

هیچ باجی طاقت ایلمز قارداشینون فراقینه

 

آه وفغان وناله سی اوج ایده عرش طاقینه

 

قارداشی هاردا یولّویوب باجی ئولوم سراغینه

 

سن گیدوسن باجون باخور قلب پُراضطرابیله

 

بیر نظر ایله قیزلارون گور نه دالیجا آغلیور

 

سسلور حرملرون سنی اشگون عذاره باغلیور

 

آیریلقون کباب ایدور قلب جهانی داغلیور

 

گور نه رقیه آغلوری ناله ایدور ربابیله

 

صبر ائله بیر دویونجا من دیگ غمی آلشدیریم

 

بیردم اجازه ویر یانان سینه می من آلشدیریم

 

بو قورویان دوداقلاری حنجریوه یاپشدیریم

 

تا آنامون وصیتون ایلوم عمل منابیله

 

قوی الون اودلی سینه مه آتش وسوز وآهه باخ

 

بیرده دالونجا آغلیان حسرتیله سپاهه باخ

 

بدرقه اشکیلن ایدن عدّه ی بی پناهه باخ

 

دور وبرین آلوبدولار زینب دل کبابیله

 

(راشد) اگر چوخ ایستیسن کرب وبلا زیارتین

 

یاد ائله باجی قارداشین آیریلغین او ساعتین

 

سسلدی باجی صبر ائله وار غم بی نهایتین

 

واردی قاباخدا کوفه نین خطبه سی فتح بابیله

 

شاعر : قربان بیرامی سیس

 

منبع: کانال مدح و مرثیه

 

*******************

 

وداع حضرت امام حسین (علیه السلام)

 

زینبه ببر به بیر اولادینی تاپشوردی حسین

 

ذوالجناح اوسته سوار اولدی امام الثقلین

 

قلب میدانه گیدور قلبی دولی شوریله شِین

 

رَفرَف عشقه مینوب عشقیله میدانه گیدور

 

مستِ جام اَزَلیدور اودی مستانه گیدور

 

روبرو گلدی دوروب ظلمتیلن نور جلی

 

سوزونون اوّلی حمد ایتدی خدای ازلی

 

صورا عرض ایتدی حسینم شَه بین المللی

 

خَلَف حیدرکرّارم و دلبند بتول

 

حجت حاضر حقّم، نوه ختم رسول

 

قاف عشق اوستونون عَنقای قوی شَهپریم

 

کربلا کعبه عشق اولسا اونون سروریم

 

هیکل اَقدسِ اسلامون اوجالموش سَریَم

 

مظهر کوثر و اسرائیله قدر اوغلی منم

 

فارس و فاتحِ خیبر کن و بدر اوغلی منم

 

مشعر و سعی و صفائیله منا اوغلی منم

 

آیت روشن یکتایم و وجهُ الحسنم

 

نصّ قرانیده نور آیه سی شرح اولسا منم

 

مرد هِیجا و یل پیل تنِ صف شکنم

 

قلبِ میدانه بو گون بی کس و تنها گلنم

 

سیزون الدن آپاروب عقلوزی بش گونلوک حیات

 

مست سیز عاریه دنیایه یوخوز فکر ممات

 

آلموسوز قتلیمه سیم و زر و حتی درجات

 

حاصل عمروز اولار باطله خدمت ایلمک

 

دعوی دین ایلیوب دینه خیانت ایلمک

 

مهبط وحی الهی هارا اولموشدی قرار

 

قاب قوسینه کیمی دعوت ایدوب ذات کُبار

 

قابِ قوسینه گیدن شخص کیمه نسبتی وار

 

ای معمّم کیشی لر که چکوسوز رنج مزید

 

حجّت حق منم یا که زنازاده یزید

 

ایتمدی ذرّه حسینون سوزی لشگرده اثر

 

یان یانا دوردی بیابانی عرب الده کَسَر

 

بارالهی نَقَدَر سختیدی ناجنس بَشَر

 

نَقَدَر سوز دیدی سوز قانمیان اعرابه امام

 

عامل کفر و نفاق اولدولا بالمرّه تمام

 

مرد فرد علوی گوردی سوزون فایده سیز

 

پهنهء دشتیده اعرابی گوروب قائده سیز

 

پینه آلنندا چوخی بعضی ولی زائده سیز

 

الده سرنیزه و شمشیرو تبرزین و سنان

 

دوروب آماده کمانداریلری الده کمان

 

لیف خرمائیله دامانیلری باغلی بِله

 

ریشِ پُر مولری آرایش اولور ایستی یِله

 

قصد ادیبلر باتا دین کشتی سی گردابِ گِله

 

دلده آهنگ مخالف مینوب اوخ چلّه سینه

 

اوخشیوب گویده جهنّم یولونون پلّه سینه

 

ال آتوب قبضهء شمشیره چکوب فوری امام

 

مرکبون اوسته شجاعتله ایدوب حال قیام

 

ردّ ایدوب گویده کی پیکانیلری میر انام

 

لشگره ویردی اُوزون قلب صفی ایلدی چاک

 

نوک تیغی کیمه برخورد ایلیوب ایتدی هلاک

 

شاعر : عیسی محرمی

 

 منبع : مجمع شعرا و مادحین

 

*****************

 

وداع حضرت امام حسین (علیه السلام)

 

محضر حقده بلادور باشه باش و جان باجی

 

ایستورم باشدان گچم باشه یته پیمان باجی

 

ایستورم گودالیده با هم اولاخ شمریله مست

 

شمر مست ری ولی من مست صهبای الست

 

منفعل اولسون بو چرخ سفلۀ سفیان پرست

 

مندن ایستور دست بیعت آل بوسفیان باجی

 

عزّت دنیادن ئوتری ایتمرم جنگ و جدل

 

دست بیعت ویرمرم گر ساربانه ویرسم ال

 

قتلگاهه نصف شب زهرا گلنده سنده گل

 

گلمگون امّا رقیّمدن ایله پنهان باجی

 

قزلاریم بی تاب اولوب رمز فراقیمدن منیم

 

چکمور ال بو تشنه قزلار ال ایاقیمدن منیم

 

گل آییر بو نازنین طفلی قوجاقیمدن منیم

 

آز قالور ویرسون قوجاقیمده رقیّه م جان باجی

 

جسمیمی مقتلده عریان گورسن آچما باشوی

 

آغلا آهسته عذاره جاری ایت گوز یاشوی

 

شمره یالوارما خجالت ایلمه قارداشوی

 

نالوه ایتمز توجّه شمر بی ایمان باجی

 

چوخ چتیندور گوندوزومدن بو گجه ظلمی هله

 

ظلمت شبده دچارم ساربان و بجدله

 

پیکریم عریان قالار باشیم دوشر الدن اله

 

باشمی سغد اوغلی یولّار خولیه مهمان باجی

 

ایچمسم بو یولدا شهد ساغر مقصودی من

 

باش ندور تا باش ویروب راضی ایدم معبودی من

 

نیزه باشندا گرک حیران قویام داوودی من

 

نوک نی ده دشمنه تعلیم ایدم قرآن باجی

 

دوغماسیدی گر سنون تک باجی زهرای بتول

 

کربلا پیمانین ایتمزدیم ازل گوندن قبول

 

ای مقام زینبیت صاحبی اولما ملول

 

صبر ایله سر حّد صبره یتمسئن نقصان باجی

 

منبع : مجمع شعرا و مادحین

 

************************

 

وداع حضرت امام حسین (علیه السلام)

 

کربلا دشتنینده عاشورا گونی

 

آز قالیردی باتماقا زهرا گونی

 

حق وباطل اوسته باشلاندی جدل

 

کربلا اولدی گلستان ما حصل

 

کسدیلر اعدا خیامین دوره سین

 

داندیلا مهر و محبت سوره سین

 

بیر طرف یئتمیش نفر آزاده خو

 

بیر طرف سایسیز سپاهیله عدو

 

الده هر کیمسه شهادت نامه سی

 

ایچدی بزم وصلیده قان باده سی

 

کئچدی باش و جانیدن آزاده لر

 

جان وئروب دلدارینه دلداده لر

 

کربلا دشتی اولوب کوه منا

 

تشنه لبلر ایچدیلر آب بقا

 

جانینی تقدیم ائدیب پیر و جوان

 

قالدی یالقیز سرور آزادگان

 

یکه تاز عرصه یوم الست

 

باده قالو بلی دن مست مست

 

ظاهر اولدی وعدگاه وصل یار

 

قالمادی هجرانه قلبینده قرار

 

هر نقدری سسلدی هل من معین

 

تیریله وردی جوابین قوم کین

 

گلدی اخیامه او شاه تشنه کام

 

اهلبیتی سسلدی منی سلام

 

خیمه ده اهل حرم خرد و کبار

 

آلدی شاهین دوره سین پروانه وار

 

وردییلر بیر سس سسه آغلاشدیلار

 

قالمادی بیر کیسمه ده صبر و قرار

 

بیر به بیر آلدی قوجاقه قیزلاری

 

آسمان عصمته اولدوزلاری

 

زینب صدیقه زهرایه نشان

 

گوردی قارداش آیریلر ائتدی فغان

 

سسلدی قربان اولوم گئتمه اخا

 

بیر دایان زینب سنه اولسون فدا

 

گئتمه میش بو قورخلی میدانه تک

 

بیر دولانیم باشیوه پروانه تک

 

شاعر : محمد هوشمند

 

منبع : مجمع شعرا و مادحین

 

******************

 

 وداع حضرت امام حسین (علیه السلام)

 

 وقت او وقت اولدی حسین ترک ائلسون ائللرینی 

 

باغبان ایستدی گورسون سارالان گللرینی 

 

زینبین سسلدی اظهار ائده نسگلرینی 

 

باجیسین خیمه قباقینده گوروب زاروملول 

 

گوگلون آلسون قاباقا گلدی او دلبند بتول 

 

یوزونی دوتدی حسین زینب زهرا شیمه 

 

تاب ائدوبسن دئدی بوچولده هامی رنج وغمه 

 

ای اولان یاور وغمخوار بو اهل حرمه

 

قدرت نطقه باجی فاطمه تک داراسن 

 

منیم ایستگلی باجیم نائبهٔ زهراسن 

 

دئیورم لحظهٔ هجراندا سنه سوزلریمی 

 

قانه غلطان ائلیوب قوه دغا لشگریمی 

 

وئرمیشم حقه فدا اکبریمی اصغریمی 

 

بوبیاباندا گورورسن هامی انصاریم ئولوب 

 

بیر کسیم قالمیوب عباس علمداریم ئولوب 

 

یتمیش عاشق هدف عشقه چاتیبدور بیلوسن 

 

منده کی حال غم افزانی باجی سن گوروسن 

 

عازم جبههٔ جنگم منی الدن وئروسن 

 

آیریلیق وقتیدی زینب دم فرقت یتیشوب 

 

صف عشّاقیده الان منه نوبت یتیشوب 

 

حرم ختم مآبی سنه من تاپشورورام 

 

عترت قلب کبابی سنه من تاپشورورام 

 

بینوا غملی ربابی سنه من تاپشورورام 

 

بیلورم ئولدوره جک آل امیه بالامی 

 

هامیدان چوخ باجی سن گوزله رقیه بالامی 

 

مهِ عصمت باشوا ییغ هامی اولدوزلاریمی 

 

ساخلا سن زیر پرونده بالاجا قیزلاریمی 

 

دای قیتمگ منه یوخ گوزله آدامسیزلاریمی 

 

یوزومه گوزیاشیمی ایندی روان ائتملیم 

 

سن حلال ایله حسینی باجی من گتملیم

 

....سوزوی پایانه یتوردی غرض ارباب حُمام 

 

زینبی دیندیروب القصه دیله گتدی امام 

 

آچدی باب سخنی زینب مرضیه مرام 

 

باخدی باخدی دئدی ای فاطمیه نور دوعین 

 

حرمین سن سن امیدی بیزی تک قویما حسین 

 

هدف پاکوه اصلا دئمورم یتمه اخا 

 

داریخان قلبیمی آماج بلا ائتمه اخا 

 

دم غنیمتدی بیر آز صبر ائله تئز  گتمه اخا 

 

باشوه عترت طاهانی دولاندیر صورا گت 

 

شمع حق سن من پروانه نی یاندیر صورا گت 

 

تنگه دوشموش بومصیباتیده زینب نفسی 

 

اوقَدَر آغلادی انصاره باتوب خسته سسی 

 

داخی سندن صورا بو زینبیون یوخدی کسی 

 

وار باشوندا بیلورم نقشهٔ پیکاروجدل

 

اذن وئر زینب ائده ائتدیگی پیمانه عمل 

 

وقتیدی عهدیمون اوسته گرک ایندی دایانام 

 

کهنه بیر پیر هنون منده وار ای شاه انام 

 

ئوز الیلن توخیوبدور اونی مظلومه آنام 

 

بیر وصیّت ائلیوب مادر غمدیده منه 

 

هر نه زهرا بویوروبدور دئیورم منده سنه 

 

منی آگاه ائلیوب فاطمه غم ساعتینه 

 

بویوروب وقت وداع آغلا حسین محنتینه 

 

کهنه پیراهنی گیدیر بالامون قامتینه 

 

زینبیم درک ائله مجروح آنوین سوزوسازین 

 

آیریلان وقته حرمدن ئوپ حسینون بوغازین 

 

آیریلیق ساعتیدور صبر ائله ای فخر اُمم 

 

قلبیمی درده سالوب موسم هجراندا بوغم 

 

امر زهرادی وداع وقتی بوغازوندن ئوپم 

 

سن دعا ایله حسین زینب غم پروروی 

 

باشووی عرشه طرف دوت قوی ئوپوم حنجرووی 

 

قالخیزوب سمت سمایه باشینی شاه حجاز 

 

سینه وباش آراسی فاصله گورسندی بیر آز 

 

ئوپدی قارداش بوغازین زینب او دم محرم راز 

 

دئدی ایندی یولا دوش دفع ائده الله خطرون 

 

سنی تاپشوردوم حسین حقه سلامت سفرون 

 

ناگران اولما حسین جان علمون ساخلیارام 

 

سینمی نار فراقونده اخا داغلیارام 

 

گلرم مقتله قارداش یارووی باغلیارام 

 

قلبیدن دور ائلدیم روز ازل واهمه نی 

 

وصل جانانه چاتان وقته چاغیر فاطمه نی 

 

(صمدی) یاز بوسوزی دفتره توگ گوزیاشینی 

 

مقتل قارداشا زینب چاتوب آچدی باشینی 

 

باجی اما تانیا بیلمدی ئوز قارداشینی 

 

دئدی قارداش منه سن نغمهٔ هجرانی اوخی 

 

کیم ویروب قلبوون اوسته گوزلیم اوچ پر اوخی 

 

شاعر : صمدی اردبیلی

 

منبع: کانال کنزُ الشُّعَراء

 

********************

 

احوالات وداع حضرت امام حسین (علیه السلام)

 

گینه قراریمی بیر جلوه نگار آپارور

 

نگار جلوه سی معلومیدور قرار آپارور

 

گیوبدی قرمزی قاندان گوزوم ایوینده گزر

 

توان و تابیمی هرلیل و هرنهارآپارور

 

او سرو قدینه باخدوقجا گوزیاشیم توکولور

 

نقدری لذت سرو اولسا جویبار آپارور

 

دوشوب بهار یوزی سری وار طراوتدن

 

نسیم جور خزان نکهت بهارآپارور

 

ووروبلا جسمینه ازبس اوخی اوخ استندن

 

او گلستانه گلن گلدن اوتری خارآپارور

 

چوخ آغلا زینبه چوخ یان حسین تشنه لبه

 

فدا او گوزیاشیوا قلبیدن غبارآپارور

 

حسین غمینده توکن گوزیاشین بو عالمده

 

الینده حشرگهه درشاهوارآپارور

 

قتیل العبره دیوب امته فدا اولدی

 

اودورکه گوزیاشینی درتک نثارآپارور

 

دوتولسا قلبین اگر قلب زینبه بنذز

 

سنی عزا دوتولان بزمه قلب تارآپارور

 

بهار اولاندا چمن زارعشقه فاطمه نی

 

بولودکیمی دوتولان چشم اشکبار آپارو

 

الی قابورقالاریندا شکسته قلبی کیمی

 

حسین ماتمینه  زلف تارمار آپارور

 

گلر عزایه ولی آستانه ده اوتورار

 

گیدنده گوزیاشی  مجلسده هرنه وارآپارور

 

دیرحسینیمون آخروداعینی اوخیون

 

او محنتی دل عالمدن اختیارآپارور

 

دوشنده یاده حسینین همان مقدمه سی 

 

وجود مملکتین اشک سیل وارآپارور

 

گوزوم ایوینده مهیا اولوب امام حسین

 

گیدرجداله طرف الده ذوالفقارآپارور

 

دوروبدی خیمه قاپوسیندا بوینی چکنینده

 

شهادت امرینه وارذوق انتظارآپارور

 

ایچوبدی باده وصلت وصال یارایستر

 

حسینی ساقی وحدت ایدوب خمارآپارور

 

شتابی واردی گیده گیدماقا یوزی یوخدور

 

بلی اوغول الومی دیزدن اختیار آپارور

 

جناب زینبه گزلین وصیتی واردور

 

سبب اودورکه اونی خیمدن کنارآپارور

 

دیر باجی گیدورم باش ویرم جدا باشینا

 

اسیر ایدرسنیده شمربی خمارآپارور

 

قضا کیمی شه دینی اجل دولاندوردی

 

قدرالوم آتینا ایلیوب سوار آپارور

 

بیله گمان ایلمه اولمادی رکاب دوتان

 

یانینجا روح الامینی رکابدارآپارور

 

دیدی رقیه گلوم منده سویلدی گلمه

 

باشیم جداده گیدنده سنیده یارآپارور

 

خرابه ده سنیله بیرده قول بویون اولام

 

منی خرابیه منی زلفینده کی اوتارآپارور

 

نه انقلاب نه اشوب دور دوشوب شامه

 

دیوله شامه حسین کاروانی بار آپارور

 

نه کارواندی که لنگ ایلمز متاعی ندور

 

گمان قضیه زینبدی نوری نارآپارور

 

که یعنی عصمت کبرانی قولاری باغلی

 

یزید مجلسینه شمر بد شعارآپارور

 

شاعر : مرحوم ثریا تبریزی

 

منبع: کانال گنجینه گذشتگان

 

*****************

 

وداع حضرت امام حسین (علیه السلام)

 

قدم قدم ز حرم دور گشتنت سخت است

 

به غربت از حرمت دل بریدنت سخت است

 

تو می روی و دل خواهرت به دنبالت

 

شوم فدات! تماشای رفتنت سخت است

 

تمام زندگی ام ای همه کسِ زینب

 

به جان فاطمه بی یار ماندنت سخت است

 

برای بوسه به زیر گلو بده مهلت

 

شنیده ام که به گودال کشتنت سخت است

 

بپوش زیر زره دستباف زهرا را

 

خبر ز غارت پیراهنِ تنت سخت است

 

به بند چادر و معجر نمی رسد دستی

 

ولی اگر برسد دست دشمنت سخت است

 

چگونه صبر کنم آخرین نگاه ترا

 

وداع دختر و این بوسه چیدنت سخت است

 

به زیر کعب نی و ضربه ماندَنَم آسان

 

به زیر نیزه و شمشیر دیدنت سخت است

 

تمام عمر ترا دیده ام به ندبه ولی

 

به زیر دشنه مناجات خواندنت سخت است

 

چقدر حال تو چون روز آخر مولاست

 

چقدر شیوۀ ((لا حول)) گفتنت سخت است

 

اگر چه چشم تو ما را رها نمی سازد

 

ز روی نیزه بما سر کشیدنت سخت است

 

منبع: کانال مدح و مرثیه 

 

************************

 

وداع حضرت امام حسین (علیه السلام) 

 

آنام اوغلی گیدورسن بیر دایان اهلحرم گلسون

 

وداع ایتسون سنی بو بانوان محترم گلسون

 

قدرعنای وصلتدن لباس وصلتی سویدون

 

یانوخلی قلبیله هجران ایوینده زینبی قویدون

 

عزیزه قزلارین قارداش چوخ ایستردون نه تیزدویدون

 

بلالی گونلریمده بس هرایه کیم دیم گلسون

 

دیمم هرگز گیدوب قارداششهادت فیضینه یتمه

 

بو باشسیز عترتین صحرای غمده بیله ترک ایتمه

 

جلالین هرجه پوزقوندورحسین میدانه تک گیتمه

 

اجازه ویر سنیله بیر قوای منتظم گلسون

 

گل اوزلی قزلارین صاقدا صولوندا عده ثکلا

 

دوشه آردینجا بیر یاندان اخا اوغلی الن لیلا

 

دالینجا دیده گریان صف چکه اطفال مه سیما

 

الوم میدانینه سنله هامی ثابت قدم گلسون

 

یگانه محرم اسرارحق ای کبریا موکب

 

شکسته قلبسن گویا یوخوندی صاحب منصب

 

غم ایتمه غم سپاهیندور امیر لشکرین زینب

 

باجیم کلثومیده ویرم رکابینده علم گلسون

 

دیمه عباس الوب ای لشکری مغلوب اولان سالطان

 

دوتان یوخدور رکابیندان قالوبسان واله و حیران

 

اوزوم اولام جلو دارین باجون زینب سنه قربان

 

دالینجا دیده گریان باغریقان بو قدی خم گلسون

 

سراسر خیملرده ناله و فریاد و شیوندور

 

قیامت عالمی وار گوءیا حشر معین دور

 

بیله که یالواروربو خردا قزلار دست بدامندور

 

دایان اولما رضا آردونجا جمله دیده نم گلسون

 

دوتوب دوروبرین ثکلادی خواهردی یا دختر

 

آچوق باشدان توکولموش ساچدی یا اینکه قرا معجر

 

پریده یوزلره باخسان پوزولموش گلشنه بنزر

 

یری وار نالیه قارداش گلستان ارم گلسون

 

حسین ال چکمرم سندن وارام هرقدرعالمده

 

من اول مرغ (بهارم) داده گلم گلشن غمده

 

منیله اولماقا همناله سوزبزم عالمده

 

یری وار صافی گلسون راجی گلسون محتشم گلسون

 

شاعر : مرحوم بهار تبریزی

 

************************

 

زبانحال حضرت زینب (سلام الله) در وداع حضرت امام حسین (علیه السلام)

 

ای نیر افلاک شرافت آنام اوغلی

 

خورشید سماوات شهادت آنام اوغلی

 

دفترچۀ خلقتده ازل منشی تقدیر

 

عنوانیله بیر کلمه یازوب منشأ تحریر

 

بو کلمه حروف اوسته گله عشق اولی تعبیر

 

وسعت وئره گر ضیق عبارت آنام اوغلی

 

تک عشقده دور جمع رموزات جهانی

 

اوچ حرفینه مخصوصدور اسرار نهانی

 

هر حرف اوز اسرارینه بیر شرح معانی

 

بیر رمزیدی معنادن او صورت آنام اوغلی

 

بس عشقدی خلقتدن اولان علّت غائی

 

منظور محبّتدی چه بَدوی چه نهائی

 

دنیای محبّتده نه شاهی نه گدائی

 

عشق اهلینه بیردور هامی حالت آنام اوغلی

 

سلطان اولا عشق اهلی گدادور درِ عشقه

 

شه دور بیله درگهده گدا کشور عشقه

 

پرگار صفت دور ایلین محور عشقه

 

بُلمز ندی زحمت ندی راحت آنام اوغلی

 

بیر آینه دور عشق که اوندا کَدر اولماز

 

هر جلوه سی وار باخبریندن خبر اولماز

 

هر کیم اثرین گورسه اوزوندن اثر اولماز

 

سنسن همان آئینه حقیقت آنام اوغلی

 

گوستردون او آئینه نی هر پیر و جوانه

 

بیگانه ده اولسیدی سنه اولدی یگانه

 

بیر بیرلرینه سبقت ائدوب باتدیلا قانه

 

آری بودی آئین محبت آنام اوغلی

 

بیر یاندا که اغیار سنه یار اولا جانی

 

آئینۀ باقینی گورنده اولا فانی

 

زینب دگُلم گر ایتورم رسم وفانی

 

امروندن ائدم ذرّه جه غفلت آنام اوغلی

 

هر امریوون اجراسی برادر گوزوم اوسته

 

هر گونه شدایدده داینّام دوزوم اوسته

 

تا واردی غمون دلده وارام ئوز سوزوم اوسته

 

یوخسا ندی آئین اخوت آنام اوغلی

 

گئت فارغ و آسوده دل ای روح و روانیم

 

قوی سنله گئده روح روانیم دل و جانیم

 

سنسیز قالا دنیاده اگر نام و نشانیم

 

دنیاجه وار اوندا غم و حسرت آنام اوغلی

 

گیت لیک یانش گئتمه ره رسم سفردن

 

دیل آینه سین دوتقون اولا قویما کَدَردَن

 

شه زاده خانم قزلاریوی سالما نظردن

 

آغوشیوه آل ایله شفقّت آنام اوغلی

 

گلشنده بُلورسن که قزل گل لر آچاندا

 

سنبل بولودون اشکینه زلف سر آچاندا

 

اَگلَندیری گول سینه ده بلبل پر آچاندا

 

بلبلدی بولار سن گوله نسبت آنام اوغلی

 

قوی سینه سین هجران اودینا داغلیا زینب

 

بو آیریلیقا سس چکه بیر آغلیا زینب

 

اگلش یئره باشون یاراسین باغلیا زینب

 

قیمتلی غنیمتدی بو فرصت آنام اوغلی

 

شاعر : مرحوم ذهنی زاده

 

****************************

 

زبانحال حضرت امام حسین (علیه السلام)

 

در وداع با حضرت زینب (سلام الله)

 

آیریلوق وقتیدی گل آغلاما بیچاره باجی

 

صبردن اوزگه خیال ایتمه ندور چاره باجی

 

باجی قارداش دم هجرانیده درد دل ائداخ

 

قلب تسکینینی درد دلیله حاصل ائداخ

 

آخر عمر وداعی سنیله کامل ائداخ

 

بیرده هیهات که قسمت اولا دیداره باجی

 

فوت اولور وقت شهادت او قدر یوخدی مجال

 

شام هجرانه مبدّل اولاجاق صبح وصال

 

گورماقون بیرده حسینون گورونور امر محال

 

گئدرم بزم سرا پرده ی دلداره باجی

 

خون دل خوان بلادن باجی قسمت دی منه

 

هر بلا گلسه قبول ایله سعادت دی سنه

 

صبری ترک ایلمه مندن بو وصیت دی سنه

 

مشتملدور بو وصیت نچه اسراره باجی

 

یتشور هرکیمه اول که نه قسمت یتشوب

 

قسمت آل پیمبرده شهادت یتشوب

 

دور ایدوب سلسله آخر منه نوبت یتشوب

 

دولانوب هاله یتوب نقطه پرگاره باجی

 

ایستیوب جانیمی بیر مرتبه جانانیم اگر

 

گچمیشم دوست یولوندا اولا مین جانیم اگر

 

گونده مین مرتبه حلقمدن آخا قانیم اگر

 

راضیم حق اوزی شاهد دی بو اقراره باجی

 

یتورور قتله بو صحراده منی قوم جهول

 

باغلانور سلسلیه سلسله تک آل رسول

 

صبره ماُمورسن ای نایب زهرای بتول

 

دستگیر اولسان اگر فرقه اشراره باجی

 

گوره سن ایسّی قوم اوسته دوشوب عریان بدنیم

 

پرتو شعشعه ی شمس اولوب پیرهنیم

 

خاک و خونیله اولا غسل و حنوط و کفنیم

 

خنجر و تیغیله جسمیم اولا صد پاره باجی

 

اوندا راضی دگلم چاک گریبان ایده سن

 

سس چکوب آغلیه سن ناله و افغان ایده سن

 

باش آچوخ زلف سرون یوزده پریشان ایده سن

 

خط ناخن ووراسان صفحه ی رخساره باجی

 

بانوان حرم محترم اطفال صغیر

 

باغلانور قول قولا بی جرم خطا خوار و اسیر

 

یتورور حدّ کماله ستمین شمر شریر

 

غل و زنجیر وورار عابد بیماره باجی

 

کوفه دن شامه کیمی آل علی ناقه سوار

 

دست بسته بوروموش چهره لرین گرد و غبار

 

قویولوب عشق بساطینده ازلدن بو قرار

 

اهل بیتین چکلر شامیده بازاره باجی

 

عشق سوداسیدی جانیله خریدار منم

 

عشق بازاری ایچون رونق بازار منم

 

بلی میدان شهادتده سزاوار منم

 

چکلر نوک جداده باشیمی داره باجی

 

سنه هر چند گراندور بو شهادت خبری

 

لیک وار نخل شهادتده شفاعت ثمری

 

گوز تیکوبدور منه یوخ اؤزگه ده اصلا نظری

 

قویمارام منده ((حقیری)) قالا اودلاره باجی

 

شاعر : حقیر خویی

 

**********************

 

وداع حضرت امام حسین (علیه السلام)

 

اخیامیدن آیریلدی زهرانون او دلبندی

 

بیر خیرداجا قیز قاشدی دالدان بابا سسلندی

 

ای قلبیمون آرامی، گور دیده ترم بابا

 

بیکس بالووام گوزدن قان یاش الرم بابا

 

گئتمه سو آدین والله، بیرده دیمرم بابا

 

هی سسلدی جان بابا، قوللارین آچیب قاشدی

 

گلدی او کفن گئیمیش سلطانه یاخونلاشدی

 

راکب بویانوب قانه، مرکبده آچوب شهپر

 

سرعتله گیدور باشدا، وار شوق علی اکبر

 

بیر سس ایشیدوب سالدی، کشتی خدا لنگر

 

دوندی دالا بیر باخدی، یاشیله دولوب گوزلر

 

گل آغلاما جان بالا، مندن سورا آغلارسان

 

باشسیز بدنیم گورسون میداندا قوجاقلارسان

 

گلدون نیه بس گلدون اولما بالا عطشانسان

 

سو یوخ بابا دردیم وار، چیخمیش عطشیم یاددان

 

آیا ندی؟ بس دردون ده باغریمی ائتدون قان

 

عرض ایلمرم بابا تا دوشمه میسن آتدان

 

شاهین اتگین دوتدی عرض ائتدی یانایانه

 

گوز یاشلی قویوب گئتمه، رحم ائت من نالانه

 

دوشدی آلوب آغوشه اوپدی قوری لبلردن

 

بو اوپدی او القانی، پاک ایلدی پیکردن

 

بیر سوز دئدی یاش توکدی کیپریک سانی گوزلردن

 

یاندیم باباجان یاندیم، ای وای بو بلالردن

 

گئتسون منی دوشمنلر یالقوز گورجئک بابا

 

وای قمچی‌لر آلتیندا شمر اولدورجک بابا

 

دردین دیوب آغلاردی اول قانلی کفن پوشه

 

شاهون غمی دریا تک موج ائتدی گلوب جوشه

 

توپراق ایده اگلشدی محکم باسوب آغوشه

 

ناگه یومولوب گوزلر، دینجلدی گیدوب هوشه

 

بیردن دوروب عرض ائتدی، دردون آلارام بابا

 

مانع دگولم واللاه، گئت آغلامارام بابا

 

الدن منی قویموردون ای دردی اولان دریا

 

ایندی دیوسن دور گئت نه اولدی سبب بابا

 

عرض ایلدی اینجیتدیم عفو ایله منی بابا

 

الان یوخودا گوردوم گلمیشدی آنام زهرا

 

امر ایلدی اینجیتمه مهمانیمی قوی گلسون

 

آغلاتما یول اوستونده جانانیمی قوی گلسون

 

شاعر : منعم اردبیلی

 

************************

 

زبانحال حضرت امام حسین (علیه السلام)

 

در وداع با حضرت زینب (سلام الله)

 

ساعت موعود و هنگام شهادتدور باجی

 

جان ویروب کام آلماقا وقت تجارتدور باجی

 

ایتمیشم جانانیله اوّلده بیر بیع و شری

 

وصلنه اولسون بوغازیمدن آخان قانیم بها

 

قوی گیدوم عشقیله حقّون ایلیوم حقّین ادا

 

سرعتیم بو امره چوخ فیض سعادتدور باجی

 

ایستدی محو ایلسون ناحقّلر حقون حقین

 

رأیت دینی یخوب ورسون ضلالت بیدقین

 

منده جان ویرماقدا گوردوم شرع انور رونقین

 

عمده مقصودیم بو گون دینه حمایتدور باجی

 

دمبدم سینای دلده جلوه ائیلر نور حق

 

جلوه گاه عشقده اولموش وجودیم طور حق

 

من کلیم اللهی ایتدیم طورده منظور حق

 

ورد و ذکریم ربّ اَرِنی دن عبادتدور باجی

 

بو گونون اوضاعنه حاکیدی قرآن مجید

 

کاف و هایا عین و صاد اولموش منیله مستفید

 

کاف عبارت کربلادن ها هلاکت یا یزید

 

عین عطشدن صاد صبریمدن اشارتدور باجی

 

سن ازلده هر بلایه ائتمسن شرکت منه

 

ائیلرم صبری وصیّت ای باجی منده سنه

 

ورسالار قمچی تظلّم ائتمه هرگز دشمنه

 

هر مصیبتدن چتین طعن و شماتتدور باجی

 

گر چه عطشان جان ویروب عبّاس و عون و جعفریم

 

قطعه قطعه دوغرانوب جدیم شبیهی اکبریم

 

اوخلانوب قنداق ایچینده شیر خواره اصغریم

 

سودیگیم خوش منده ده اوندان بشارتدور باجی

 

یتمگه قرب وصال یاره بسکه دلخوشام

 

زخمدن گلشن کیمی آچسا وجودیم گل خوشام

 

سنده اولسان بو بلالی گلشنه بلبل خوشام

 

چون سنون عشقون منه مالا نهایتدور باجی

 

آغلاماسینون غمیله شمر داغلار آغلاسان

 

قوللّارون مندن صورا ظلمیله باغلار آغلاسان

 

حالوه دشمنلریم رحم ائیلر آغلار آغلاسان

 

تا حیاتون وار سنه هر آن قیامتدور باجی

 

سینمی دورت مین خدنگه شامیان آماج ایدر

 

باشمی زیب خدا خرگاهمی تاراج ائدر

 

بانوان عصمتی بیر معجره محتاج ائدر

 

آل سفیانون خیالی قتل و غارتدور باجی

 

نیزه باشندا کسوک باشیم باجی قرآن اوخور

 

قصّه اصحاب کهفی هر زمان هر آن اوخور

 

وَجهُهُ یَبقی وَ کُلُّ مَن عَلَیها فان اوخور

 

اهل حقّه دائما ذکریم تلاوتدور باجی

 

جسممی قرآن کیمی اوراق ائده لّر بند بند

 

قانمی توپراقلارا مسحوق ائدر سُِمّ سمند

 

گوز یاشیله غم یمه ((صحّاف)) ایدر شیرازه بند

 

شغلی آه و ناله مقصودی زیارتدور باجی

 

شاعر : مرحوم صحاف

 

**********************

 

وداع حضرت امام حسین (علیه السلام)

 

ای بتوله نائبه درد و غم چکن باجی

 

گئت حسینیوه گتور کهنه پیرهن باجی

 

آخرین وداعیدور واضحین سنه دیَم

 

یوخدی گلمگیم اودور کهنه کوینک ایسیَم

 

بُلمک ایستسون نیه کهنه پیرهن گیَم

 

سویماسا عدو اولا نعشیمه کفن باجی

 

بادۀ وفائیلن قارداشون اولوبدی مست

 

آخره گرک یته عهد نامۀ الست

 

ایلورم سنی بالا قزلاریما سرپرست

 

من کیمی نوازش ائت اهلبیته سن باجی

 

ترک موطن ایلدوک دوشدوک آیری مشقه بیز

 

عاشقوک گرک یتک شاهراه عشقه بیز

 

ائتمشوک معاهده تا گئدک دمشقه بیز

 

سن سنق کجاوه ده نیزه اوسته من باجی

 

بو خلاصه مطلبه آگه ایلورم سنی

 

نزد اهل بیتده سن اوجالتما شیونی

 

من خیامه گلمرم گوگلون ایستسه منی

 

قتلگاهه ساری گل تلّون اوستن اَن باجی

 

باشیمی گورن زمان نیزه اوسته صبر ایله

 

سینم اولسا تیریلن گر شکسته صبر ایله

 

آتلو دولسا خیمیه دسته دسته صبر ایله

 

هر بلاده صابر اول چخما صبردن باجی

 

کشف حال ائدوم سنه سرنوشتوزی بیلوز

 

یاندیرار بو قلب تک کائناتی نسگلوز

 

شهر کوفه دور سحر ابتداده نسگلوز

 

منده کربلا چولون ایلرم وطن باجی

 

گئتسوز هر یره حسین سرفراز ائدر سیزی

 

خلق اچینده صاحب امتیاز ائدر سیزی

 

کوفه ده کسوک باشیم پیشواز ائدر سیزی

 

بیر عجوزه زن ائدر ظلمنی علن باجی

 

هر مکانیده وارام اهل بیتلن ئوزوم

 

آغلیار ملالوزه نیزه اوسته قان گوزوم

 

وقت یوخیدی صحبته چوخدی قلبده سوزوم

 

شرحیلن چتین یته آخره سخن باجی

 

داد او وقتیدن سنه راه چاره سد اولار

 

قامتون کمان کیمی بیر خمیده قد اولار

 

هر غم و ملالیدن بو غمون اشدّ اولار

 

خارجی دیوب وورار طعنه هر گلن باجی

 

ای شریک محنتیم ای بتوله نور عین

 

حالیمه گرک ائده اهل کوفه شور و شین

 

نیزه اوسته آیۀ کهفی ذکر ائدر حسین

 

حیرته دوشر کسوک باشیمی گورن باجی

 

«انورم» یازوب سنه نوحه ایلرم نوا

 

خلقه دار فانیده یوخدی ذره ای وئفا

 

بو سوزی دئدی همان وقته شاه کربلا

 

ای بتوله نائبه درد و غم چکن باجی

 

شاعر : مرحوم انور

 

************************

 

وداع حضرت امام حسین (علیه السلام)

 

تعجیلیلن گئتمه حسین میدانه صبر ایله

 

سالما بلالی زینبی هجرانه صبر ایله

 

گر چه سنی جذب ایلیوبدور وصل دلدارون

 

گورم حسین عمر ائتمگه یوخ رغبت آثارون

 

آغلار قالوبدور خیمه ده آخر بالالارون

 

کیم سرپرست دور بیر بُلوک طفلانه صبر ایله

 

بیر درد مشکلدور حسینجان محنت هجران

 

هجرانیوه یوخ طاقتیم ای شاه مظلومان

 

سالما فشاره روحیمی رحیم سنه قربان

 

دوندرمه داغلی قلبیمی القانه صبر ایله

 

خیمه سراده اولمادی ممکن ائدم صحبت

 

واردور خیامه گلمگون کشف ائت اولوم راحت

 

بو ساعتوندور جان حسین جان آخرین ساعت

 

بیلدیر اؤرک سرّین منِ نالانه صبر ایله

 

تأخیر قیل قوی اخذ ائدیم توشه جمالوندان

 

پروانه تک من نور آلوم شمع وصالوندان

 

دویدون نه تئز قارداش حسین اهل و عیالوندان

 

سرعتله یولّاندون بیله میدانه صبر ایله

 

غربت مکان سنسن امیدیم تک حسین قارداش

 

گئتسون باجون ایلر نوا نی تک حسین قارداش

 

گیدون ایلیکه کهنه بیر کوینک حسین قارداش

 

بُولدوم همان ساعت دویوبسان جانه صبر ایله

 

گلدی حسین گویا دیله ائتدی بئله گفتار

 

یول گوزلمه زینب خیامه گلمرم زنهار

 

بو ساعت آخر ساعتیمدور آخرین دیدار

 

نزدیکدور عمریم یته پایانه صبر ایله

 

شاعر : مرحوم انور

 

**********************

وداع حضرت امام حسین (علیه السلام)

 

کوی عشقیده شوقیلن بو گون قانه باتماسام برملا باجی

 

قرب حقّیده دشت ایمنه فخر ایدر نجه کربلا باجی

 

ایچمشم بو گون قان شرابینی جرعه جرعه من جام عشقیدن

 

نشئه تاپمارام مست اولماسام هم شراب گلفام عشقدن

 

اولماسام فنا آلمارام بقا اولمارام رها دام عشقیدن

 

زندگانی جاودان ویرور عشقیدن منه بو فنا باجی

 

توکسه ابر غم بارش اَلَم باشیم اوسته هر دم، غم ایتمرم

 

قان فرات تک موج ایدوب داشا دیده ی دلی پر نم ایتمرم

 

هر بلا یتیشسه بو گون منه چشمیم اوسته ابرو خم ایتمرم

 

عالم ازلده بَلی دین سویلَمز داخی حرف لا باجی

 

اونداکی سینار جور و ظلمیلن قانه غرق اولور کشتی نجات

 

بی قرار اولور چرخ نیلگون اختیار ایدر لرزه شش جهت

 

حاملان عرش اختیارینی سلب ایدر بو گون بو عوالمات

 

هم پوزار صفوف ملائکی یر اوزونده کی ماجرا باجی

 

اول زماندا لشکردن آیریلور شمر بی حیا اضطرابیلن

 

قصد ایدر منیم قتلگاهیمی هر قدمده سعی و شتابیلن

 

نه هواده نور فلک قالور نه فلکده ضوء، آفتابیلن

 

وحشته دوشر قدسیان هامی حیرت اوسته هم ماسوا باجی

 

چوم من اولّام اول قتلگاهیده شوقیله او ساعتده ممتحن

 

انبیا حضوریله برملا کشف اولور ندور مثمن و ثمن

 

سس گَلر حق لایزالیدن ایسته بذل ایدوم هر نه ایسته سن

 

حیّ لم یزل فیض ذاتینی ایلیوب منه خون بها باجی

 

اوندا ترک ایدر قارداشون سنون بو جهانیدن هر علایقی

 

وعده ی وصالیله عاشقون ماسوا نه صورتده لایقی

 

بیر باشیملا کشف ایلرم او دم شمر اَلینده سرّ حقایقی

 

اوندا ختم اولار بو حسین ایدن خالقیله بیع و شرا باجی

 

ایمدی قوی گیدوم تشنه جان ویروم تنگه دوشدی وقت شهادتیم

 

وار شهادتیمده رضای حق، حق رضاسی عین سعادتیم

 

آغلاسان اگر شیون ایلمه پوزماسون بو حالون او حالتیم

 

ای باتان بو غرقاب محنته کشتی غمه ناخدا باجی

 

دیشره چخما بو خیمه گاهیدن ای سپهر عصمتده کوکبیم

 

سویلمه علمدار اُلوب علم یاتدی تار و مار اولدی موکبیم

 

گیچمز اول قدر که گورر گوزون ناله و فغانیله مرکبیم

 

خیمیه طرف شاه سیز گَلور مات اولوب ایدر آه و وا باجی

 

اونداکی خبر گَتدی سیزلره، بیر نظاره ایت سن بو توسنه

 

آشکار اولور حالتیم سنه دشمن ایلیوبدور نلر منه

 

قتلگاهه گَلسن قِییت گلن خیمه گاهه، یالوارما دشمنه

 

راضی اولما ایتسون شماتتی بو حسینیوه اشقیا باجی

 

ای حسبده زهرایه نائبه وی نسبده خیرالوری قیزی

 

گرچه صدر اوّلده کتب ایدوب منشیان بزم وفا سیزی

 

من شهید اولاندان صورا ویرون غارت ایتسه دشمن لباسیزی

 

چون دیوبله آل عبا سیزه بسدی سیزلره بیر عبا باجی

 

چکمه غم که خلقتده اولموسان رشک خلد و حورایه ماصدق

 

صفحه ی جمالون صفا ویرور عالمه اوخونسا ورق ورق

 

خیره دور هامی دیده لر سنون عارضوندن آلماز مگر شفق

 

بیله کیم گورونموبدی بیر گوزه شمسیدن به غیر از ضیا باجی

 

چوخ تعجّبیم وار قلم نجه یازدی بو بیاناتی دفتره

 

خامه خام اولور بو یتیمیلن ویرسه دل اگر اوزگه دلبره

 

بو وداعیدن وار تدارکیم عاصیانِ هنگام محشره

 

سن شفیعه سن بو یتیم اوچون، من شفیع روز جزا باجی

 

شاعر : مرحوم عابد

 

*************************

 

وداع حضرت امام حسین (علیه السلام)

 

آیردی آشنالردن سنی بیگانه لر قارداش

 

کول اولدی شمع وصلونده یانان پروانه لر قارداش

 

اوزون مخمور جام وحدت بزم الست ایتدون

 

او ته جرعیله یتمیش بیر نفر سربازی مست ایتدون

 

بنای کاخ دینه ایله ترمیم شکست ایتدون

 

فراموش اولدی تاریخ اُرگَنَن افسانه لر قارداش

 

قیامون گوش تاریخ جهانه یاخشی پند اولدی

 

باخوب ظرفیّت فکریجه هر کس بهره مند اولدی

 

بزیده اگمدون باش آل هاشم سربلند اولدی

 

باش اَکمز بُلدولر دیوانیه فرزانه لر قارداش

 

اَلون قربانیم آل ذوالفقارون باشلا سن جنگی

 

ویر اوز قانونله دانشگاه دینه رشد فرهنگی

 

یوواق قوی دامن اسلامیدن بو لکّه ی ننگی

 

اولا رسوای عالم هندلر مرجانه لر قارداش

 

او قرآن که امانتدور سنه جدّیم پیمبردن

 

اولوب مظلوم او قرآن دولت سفیان کافردن

 

گیدوب داد ایله اولما ناگران قاره لچک لردن

 

باجون زینبده وار چوخ همّت مردانه لر قارداش

 

اُلوب اکبر باشون ساق واضح ایتمه لشکر شرّه

 

بُلَلّر سن اوغولسوزسان امان ویرمَزله بِالمَرّه

 

وقارون پوزما بشّاش اول، اوزون سیندیرما بیر ذرّه

 

مبادا چوخ سویونسون لشکر فتّانه لر قارداش

 

اَلون قوی سینمه قارداش منه صبر ایسته دریا تک

 

اولوم محبوبه صبریله آنام صدّیقه زهرا تک

 

یاناندا خیمه لر شهپر آچوم همّتلی عنقا تک

 

سیخیلسون سایَمه بو سویگُلی دردانه لر قارداش

 

آیردوق هر مصیباتی ازل گون مو به مو سنلن

 

قوشولدی لیلی منلن، اکبر خورشیدرو سنلن

 

رقیّه مندن اولدی، اصغر خونین گلو سنلن

 

سنه صحرای غم چاتدی منه ویرانه لر قارداش

 

گئجه لر قویمارام تا کیپریگیم دوشسون گوزوم اوسته

 

هر امره عهده دار اولسام دایانّام اوز سوزوم اوسته

 

رقیَّن یاتماسا یرده یری واردور گوزوم اوسته

 

علاوه زلفینه توز قونسا زینب شانه لر قارداش

 

بُلور گیتماقلیقون هر سوز بُلن قیز دیده گریاندور

 

سو جامین گیزلَدوب، اظهار دردیندن پشیماندور

 

دیولّر بو سوسوزلوق هجر اودوندان مین یول آساندور

 

نه سن گیت، نه سو ایستور بو یانان پروانه لر قارداش

 

آلاردون مسلمون هر گون قیزین آغوشه نازیله

 

اُپردون یوز گوزیندن لطف و مهر دلنوازیله

 

اونی دیندیرمه میش گیتمه باخور سوز و گدازیله

 

نه تیز چخدی یادوندان عادت روزانه لر قارداش

 

یاشیل یا قرمزی مَخمَل دوتالّار جلد قرآنه

 

گرک قرآن ناطقده گِیینسون رخت شاهانه

 

گِیورسن کهنه پیراهن باخور قیزلار یانا یانه

 

کیمه قسمتدی بس بو خلعت شاهانه لر قارداش

 

سنی ویرّم قسم ای دخت زهرا شاه عطشانه

 

یِتور سن (منزوینون) درد پنهانین او سلطانه

 

دِنَن لطفیله یازسون دائماً شعر ادیبانه

 

مذمّت ایتمسون تا عیب جو بیگانه لر قارداش

 

شاعر : مرحوم منزوی

 

************************

 

وداع حضرت امام حسین (علیه السلام)

 

فریاد او وقتیدن که گوروب زینب حزین

 

میدانیدن یارالی امام هدی گلور

 

گل پیکری دولوبدی سراسر یارائیله

 

هر بیر نفس چکور یارالاردان دِما گلور

 

باشی یارالیدور آتاسی مرتضی کیمی

 

آنّیندا داش یاراسی دل مصطفی گلور

 

عرض ایتدی گل باشون یاراسین باغلیوم حسین

 

من تک یاراوی باغلاماقا کیم سزا گلور

 

سن تک بلالی قارداش اولار نه جهانیده

 

من تک نه بیر باجی اولا صاحب وفا گلور

 

آلدی خبر حسین گلوسن بیرده خیمیه

 

ایتدی اشاره باشیله، معناسی لا گلور

 

یعنی آنام باجی منیم اولماز قِییتماقیم

 

امن اولسا آشیانینه مرغ قطا گلور

 

گیتدیم، گوزیوی تیکمه یولا، یول گوزتلمه

 

هیهات بیرده خیمیه بو مبتلا گلور

 

بوردا گورنمه سن گوره سن شهر کوفه ده

 

باشیم اولوبدی زینت نوکِ جدا گلور

 

زینب دیدی حسین آنامین وار سفارشی

 

ایتسن قبول قلبیمه بی حد صفا گلور

 

سویلوب اُپم بوغازیوی آخِر وداعیده

 

اُپسم اله رضایت خیرُ النّسا گلور

 

ویردی جواب قیل آنامین امرینه عمل

 

زهرا رضایتیله رضای خدا گلور

 

اُپدی اجازه سیله حسینین بوغازینی

 

بوردا ظهوره منظره ی غمفزا گلور

 

بو صحنیه باخوردی رقیّه کناریدن

 

گوردی بو آیریلیق گوزه پرماجرا گلور

 

بو حالتیله که باباسی آیریلوب گیدر

 

بیرده چتین خیامه شه کربلا گلور

 

گلدی بلالی عمّه سینون دوتدی دامنین

 

گفتاره عمّه سیله او نازلی بالا گلور

 

عرض ایتدی اُپدون عمّه بابامین بوغازینی

 

چوخ پرملال خاطره بو مایُری گلور

 

سالدون او حالیله که بابامی بیبی یولا

 

بولدوم محال بیرده امام هدی گلور

 

معلوم اولان که بیرده قِییتمز منیم بابام

 

اوندا بلالی باشیمیزه نه بلا گلور

 

باشسیز قالان عیالینه کیم عمّه باش چکر

 

کیملر حمایت ایتماقا اوندانصورا گلور

 

کیم دردیمه یتر، گوزیمون یاشینی سیلر

 

درمان درد ایتماقا الده دوا گلور

 

رافتله کیم چکر منی آغوشه جان کیمی

 

کیم بو شکسته گوگلونی آلماقلیقا گلور

 

الدن گیدور وفالی بابام، کیم بابام کیمی

 

سایه بلالی باشیمون اوسته سالا گلور

 

کیم نازیمی چکر، کیمه ناز ایلرم بویور

 

کیم غم گونونده حالیمه دلدن یانا گلور

 

زینب بویوردی من چکرم نازیوی اوزوم

 

مندن نیازِ ناز اولا سندن سزا گلور

 

سن ناز ایله منده سنون نازیوی چکوم

 

ناز ایتسه نازدانه نه قدری بجا گلور

 

بیکس بابان گیدنده سنی تاپشیروب منه

 

عیناً عمل وصیّتینه جابجا گلور

 

سندن بیر آن گل اوزلی قیزیم گوز گوتورمرم

 

منّتدی جانه هرنه یولوندا بلا گلور

 

قارداش بالاسین عمّه لر عالمده چوخ سویر

 

بو عرض حالیمه بیبی لر آشنا گلور

 

من تک وفالی عمّه اولار نه جهانیده

 

سن تک نه بیر وفالی صفالی بالا گلور

 

من تک نه دل ویرن اولی قارداش بالاسینه

 

سن تک نه عالمه دل آلان دلربا گلور

 

بیله اوزون ایتورمه هله عمّن اُلمیوب

 

غملر سنی تاپاندا بیبون غمزدا گلور

 

زهرا باخیشلی گوزلرون آز دولدوروب بوشات

 

سن آغلینده نای دلیمدن نوا گلور

 

ای مه جبین سنی گوزون اوستونده ساخلارام

 

سنلن ایشیق بو گوزلریمه مه لقا گلور

 

گیتمه گوزومدن آهوی چین و ختای عشق

 

گوز تیرینه نشان ایده اهل خطا گلور

 

سنده بلالیسان بالا منده بلالیم

 

سندن منه صفا، منه سندن وفا گلور

 

کرب و بلا بلاسی یتر باشه، باشیوه

 

شاماتیده وقایع ویرانسرا گلور

 

تائب تدارک ایله محرّم عزاسینی

 

آماده اول عزایه که ماه عزا گلور

 

تائب بو دل لری سنه دل صاحبی ویروب

 

علّت اودور سوزون قلمه چوخ رسا گلور

 

آغلار حسینه صدقیله دنیاده آغلاسان

 

محشر گونی شفاعتیوه مصطفی گلور

 

شاعر : مرحوم تائب

 

************************

 

وداع حضرت امام حسین (علیه السلام)

 

منیم پناهیم امید‌گاهیم

 

دایان حسینیم سنه سوزوم وار

 

اوپوم ایاقون یانان دوداقون

 

امان حسینیم سنه سوزوم وار

 

دایان براد‌ر عزیز ماد‌ر

 

گلیر دالینجا پیاده زینب

 

هارا گئدیرسن؟ شتاب ائدیرسن

 

قالوبدی بحربلاده زینب

 

نه چاره ائیلیم یانیر بو قلبیم

 

چکیبدی درد زیاده زینب

 

وداع آخر توقف ائت بیر

 

زمان حسینیم سنه سوزوم وار

 

باجووا لطف ائت بیر آز دایان گئت

 

اماندی قارداش آماندی ئوللم

 

گوزومده یاشیم آغاردی باشیم

 

غمیم بیلیرسن گراندی ئوللم

 

اؤییلدی قدیم، یارالی قلبیم

 

خد‌نگ ظلمه نشاندیر ئوللم

 

ترحم ائیله آتیوا وئرمه

 

عنان حسینیم سنه سوزوم وار

 

بو غمده قیزلار غمه گرفتار

 

حرمسراده قالیبدیر آغلار

 

او فوجی آیا بو چولده تنها

 

بلالی زینب نه نوعی ساخلار

 

تعجبیم وار مگر آتالار

 

بالالارینی بو نحوی یوخلار

 

کومکلری یوخ، بلالری چوخ

 

اینان حسینیم سنه سوزوم وار

 

اگربراد‌ر قییتماقین وار

 

او کهنه کوینک ندیر بد‌نده

 

ئورک سیخیلدی ایویم ییخیلدی

 

او کوین‌گی سن آلیب گینده

 

منه بس اولدی، مشخص اولدی

 

سنی سویارلار یقین ئولنده

 

همیشه مغموم همیشه مظلوم

 

اولان حسینیم سنه سوزوم وار

 

قیزون رقیه دیینده عمه

 

هانی بابام بس ائدیم نه چاره

 

نئجه دئییم من گئدیبدیر الان

 

خیامه گلمز بابون دوباره

 

او باغری قانلار او آغلیانلار

 

بالالاروندور ائدیر نظاره

 

آتیب گئدیرسن اولارا سن سن

 

گمان حسینیم سنه سوزوم وار

 

شاعر : مرحوم انور

 

**************************

 

وداع حضرت امام حسین (علیه السلام)

 

روز محشرون عکسین ، هر زمان قلم چکدی

 

بیر حسین بیر عاشورا ، بیر بولوک حرم چکدی

 

کربلا چولون لشکر دولدوروب قیامتدور

 

خیمه لر قباقینده هولناک حکایتدور

 

آیریلور حسین زینب آخرین ساعتدور

 

شه گیدر حرم قویماز چوخ بیوک مصیبتدور

 

بو کشاکش آفاقه پرده الم چکدی

 

نشر اولور بو محشردن اوتری خلق ایچون محشر

 

نور عین زهرایه تنگیدی جهان یکسر

 

ساخلیوب اونی یولدان دامنین دوتان اللر

 

قویمیور سوار اولسون ذوالجناحه اول سرور

 

متصل رکاب اوسته قوزانوب قدم چکدی

 

گوده خازن جنت حضرتین یولون گوزلر

 

الده دوتموش حوریلر قسم قسم شربتلر

 

رزمگهده ذوالجوشن اوغلی سویلیور خنجر

 

قتلگاهده زهرا فرش ایدور یره معجر

 

اهل عالم لاهوت ضجه دمبدم چکدی

 

مشفقانه دیللرلن رام ایدوب اوشاقلاری

 

ایستدی سوار اولسون گیتسون عرصیه ساری

 

دوتدی مرکبون کلثوم اول شهون جلوداری

 

فضه ده رکاب آلدی میندوروب او بی یاری

 

زینب اولدی پرچم دار زلفدن علم چکدی

 

ایتمسیدی میناده گر حسین اوگون امداد

 

اولمازیدی اسماعیل حکم ذبحدن آزاد

 

گلمزیدی دنیایه او ذبیحیدن اولاد

 

خاتم النبی دن ده نه تولد ومیلاد

 

بو مقامه اوز جدین خون محترم چکدی

 

گورسنوب هلال غم برج چرخ اخضردن

 

یحیوی یازوب نوحه خلعت آلدی حیدردن

 

قلب اوینده بیر چشمه روشن اولدی کوثردن

 

دامدی نوک مژگاندان قطره قطره گوزلردن

 

تپراق اوستونه نقش روزه ی ارم چکدی

 

شاعر : مرحوم یحیوی

 

*****************************

 

وداع حضرت امام حسین (علیه السلام)

 

نجه که اخگر سوزان خواصّ آب دوتانماز

 

اونون کیمی کج اولان دل، رهِ صواب دوتانماز

 

ره صواب او یولدور حسین او یولدا ویروب جان

 

مقام شامِخ قرآنی هر کتاب دوتانماز

 

بولود کیمی گوزوم آغلار آدی گَلنده حسینون

 

بهار فصلی بو خاصیّتی سحاب دوتانماز

 

نقدر ساقی محنت می غم ایلیه تقطیر

 

منیم گوزوم یاشی تک صاف بیر شراب دوتانماز

 

حسینه، زینبه چوخلار یازوب رثا و مدیحه

 

ولیک شیخ دوتان طرزی فکر شباب دوتانماز

 

یازار چوخ اهل قلم سرگذشت دخت بتولی

 

گونون مقامینی امّا گلوب رَباب دوتانماز

 

بولار نه سوزدی که یازولّار شمر زینبی سویدی

 

شغال بی هنر عالمده شیر غاب دوتانماز

 

دیولّه زلفینی سالدی یوزه علی قیزی زینب

 

علی قیزی یوزینه زلفینی نقاب دوتانماز

 

او هانسی گوزدی که ناموس حق جمالینه باخسون

 

جمال زینبه آئینه ی آفتاب دوتانماز

 

دیمه اوزین ایتوروب سربرهنه مقتله گیتدی

 

اَسَنده یِل جبلِ راسخ، اضطراب دوتانماز

 

فقط علی قیزی بیر دفعه باشینی اوزی آچدی

 

بلی قرار اود اوستونده کی کباب دوتانماز

 

او ساعتی که گوروردی گیدور قتاله حسینی

 

گوروب باش آچماسا دل سینه سینده تاب دوتانماز

 

بُلوردی قارداشی صاقدور هنوز دور خیامی

 

خیال معجریله قوم بی حجاب دوتانماز

 

خیام عصمته نامحرمان کوفه گَلَنمز

 

لیوث بیشه ی هیجا یِرین کِلاب دوتانماز

 

گوتوردی معجرینی زلف مشکبارینی آچدی

 

اوزین نظیر او زلفه عبیر ناب دوتانماز

 

حجاز شاهی باخور گوردی صاق صولا متحیّر

 

اورکده کی سوزه دل کلمه ی خطاب دوتانماز

 

آت ایستَماقدی خیالی ولی دینَمّوری واضح

 

مخاطب عترت اطهاری اول جناب دوتانماز

 

نه اوغلی وار گَتوره مرکبین، نه قارداشی عبّاس

 

قرار گوردی داخی دخت برتُراب دوتانماز

 

اوزی گیدوبدی خانم مرکب امامی گَتوردی

 

ولی رکابین او خورشید احتجاب دوتانماز

 

اگر سوار اولا قارداش اُلوم آتینا عیاندور

 

دیزینده طاقتی اولماز، باجی رکاب دوتانماز

 

امین وحی رکابین دوتوب که خادم اولاندا

 

رکاب شاهی خانم ایلیوب شتاب دوتانماز

 

خیاله گَلسه خطر رسمدور بو، ختم دوتالّار

 

برینده اولسا ولی حال انقلاب دوتانماز

 

دیلین، دوداقین ایله سوزش عطش قورودوبدور

 

دالینجا ختم فتحنا قیزی رباب دوتانماز

 

سکینه سپدی سرشکیله بیر گلاب دالینجا

 

جهان گَل اولسا فلک ایله بیر گلاب دوتانماز

 

رقیّه چشمه ی چشمیله رهگذاره سو سپدی

 

فرات او چشمه یانندا اوزین سراب دوتانماز

 

هلال زینب آچوب چتر آه شبه باشی اوسته

 

او چتری بیر شهه بیرده بو نُه قُباب دوتانماز

 

گوزینده گوز یاشی دریا کیمی گَلوب ایله موجه

 

که نُه فلک اوزین اول بحریده حباب دوتانماز

 

مخدّرات حجازین نواسی دشت عراقی

 

ایله دوتوب که اونی نغمه ی رباب دوتانماز

 

نه اَل چکور بالا قیزلار، نه داغ دیده خانیملار

 

اودور شتاب او سلطان مستطاب دوتانماز

 

اَلین اَیاقین اوپور رخت قاره اوغلی اَُلنلر

 

بُلولّه گیتسه ذَهابه، داخی اَیاب دوتانماز

 

آناسی سسلوری، گُل قیزلاری دیور بابا گیتمه

 

قویوب آنانی بالا حرفین انتخاب دوتانماز

 

فنون شعره (حسینی) هنوز دگل مسلّط

 

اودور که سوزلرینی لولو خوشاب دوتانماز

 

 شاعر : مرحوم حسینی سعدی زمان

 

****************************

وداع آخر

 

وقت ظهر اولوب یتیشدی عمریمون زوالی زینب

 

دور ایاقه گیت خیامه ای باشی بلالی زینب

 

شرط اوّل وفادور ماسوانی گوزدن آتماق

 

باش ویروب سرِ سِنانه حق یولوندا باش اوجاتماق

 

اهل عشقه خوشدی بیله ایستی قوملار اوسته یاتماق

 

گیچمیشم بوباش و جاندان مست عشق اولالی زینب

 

گلشن وفاده سینم رنگرنگ گل آچوبدور

 

مین دیلیله زخم جسمیم شرح حاله دل آچوبدور

 

قلبیمی دَلوب گیچوب اوخ باب درد دل آچوبدور

 

وار یارام سیزیلدیاندا اوزگه بیر مَقالی زینب

 

قسمت ایئتدیلر بلانی بیله دوشدی طرح قسمت

 

اوچ‌گون اوچ گیجه چکوم من ایستی قوملار اوسته زحمت

 

ییق باشوا وار باشوندا قِرخه‌دین عزالی زینب

 

من بویانمشام بو قانه باری سن بویانما باجی

 

چوخ یانوب یانقلی قلبون بیر علاوه یانما باجی

 

قالدی باشسیز اهل‌بیتیم دورما گیئت دایانما باجی

 

قویما چولّلرده داغیلسون قارداشون عیالی زینب

 

ایمدی باش آچوب حرملر تا جانیندا جان وار آغلار

 

دیلده نغمه حسینی متّصل سیزیلدار آغلار

 

سنکه گلمیسن سکینه‌م ساکت اولماز آغلار آغلار

 

ضعف ایدوب دوشر نفسدن گُل کیمی سارالی زینب

 

گیت اسیرلیق لباسین اهل‌بیتیمه گییندیر

 

ناقیه اوزون اولاری استراحتیله میندیر

 

خورداجا اوشاقلاریمی چوخ محبّتیله دیندیر

 

سالگلن منیم باشیم تک باشه مین خیالی زینب

 

باجی بیله یولما زلفون غم بساطین ایمدی قورما

 

وار هواده چوخ حرارت بوگون ایستی سینده دورما

 

گیئت من اولمِیونجه هرگز گل یوزیوه سیلی وورما

 

وورما سیلی ایئتمه نیلی سن او رنگ آلی زینب

 

باشیم اوسته آچما باشون دور و برده واردی دشمن

 

یامنیم گوزومی باغلا گورمیوم باجی سنی من

 

یا یانیمدا وورما باخما بو یارالی جسمیمه سن

 

گورمیوم سنون او حالون گورمه‌سن بوحالی زینب

 

موج بحر خونِ جسمیم تا آشوبدی باشدان آغلا

 

سنده بیر دقیقه چکمه اَل بو قانلو باشدان آغلا

 

تا منیم جانیمدا جان‌وار آغلاسان یاواشدان آغلا

 

دوزمرم سسون ایئشیتسه کوفه‌نون رِجالی زینب

 

بو بلالی باشیمون چون باشه یتمیوب بلاسی

 

شمر الینده خنجریله وار بیر اوزگه ماجراسی

 

باشیمی کسر یانوندا یوخ او ظالمون حیاسی

 

بیحیانی سینم اوسته گورمه‌سن حیالی زینب

 

گیت دیزون قوجاقلا اگلش وئرمه حالتیوه تغییر

 

اوندا که باشیم کسیلدی باشه یئتدی امر تقدیر

 

سسلرم جدا باشندا من اوجا سسیله تکبیر

 

اوندادور تدارکون گور شامه کربلالی زینب

 

شاعر : مرحوم هندی

 

************************

 

وداع حضرت امام حسین (علیه السلام)

 

دیگرم شوری به آب و گل رسید

 

وقت میدان داری این دل رسید

 

موقع پا در رکاب آوردن است

 

اسب عشرت را سواری کردن است

 

تنگ شد دل، ساقی از روی صواب

 

زین می عشرت مرا پر کن رکاب

 

کز سر مستی، سبک سازم عنان

 

سرگران بر لشکر مطلب زنان

 

روی در میدان این دفتر کنم

 

شرح میدان رفتن شه، سر کنم

 

باز گویم آن شه دنیا و دین

 

سرور و سرحلقه ی اهل یقین

 

چونکه خود را یکه و تنها بدید

 

خویشتن را دور از آن تن ها بدید

 

قد برای رفتن از جا، راست کرد

 

هر تدارک خاطرش می خواست کرد

 

پا نهاد از روی همت در رکاب

 

کرد با اسب از سر شفقت، خطاب

 

کای سبک پر ذوالجناح تیز تک

 

گرد نعلت سرمه ی چشم ملک

 

ای سماوی جلوه قدسی خرام

 

ای ز مبداء تا معادت نیم گام

 

ای به صورت کرده طی آب و گل

 

وی به معنی پویه ات، در جان و دل

 

ای به رفتار از تفکر تیزتر

 

وز براق عقل، چابک خیزتر

 

رو به کوی دوست، منهاج من ست

 

دیده وا کن وقت معراج من ست

 

بد به شب معراج آن گیتی فروز

 

ای عجب معراج من باشد به روز

 

تو براق آسمان پیمای من

 

روز عاشورا، شب اسرای من

 

بس حقوقا کز منت بر ذمت است

 

ای سمت نازم، زمان همت است

 

کز میان دشمنم آری برون

 

رو به کوی دوست گردی رهنمون

 

پس به چالاکی به پشت زین نشست

 

این بگفت و برد سوی تیغ، دست

 

ای مشعشع ذوالفقار دل شکاف

 

مدتی شد تا که ماندی در غلاف

 

آنقدر در جای خود کردی درنگ

 

تا گرفت آیینه ی اسلام، زنگ

 

هان و هان ای جوهر خاکستری

 

زنگ این آیینه می باید بری

 

من کنم زنگ از تو پاک، ای تابناک

 

کن تو این آیینه را از زنگ پاک

 

من تو را صیقل دهم از آگهی

 

تا تو این آیینه را صیقل دهی

 

شد چو بیمار از حرارت ناشکیب

 

مصلحت را خون ازو، ریزد طبیب

 

چونکه فاسد گشت خون اندر مزاج

 

نیشتر باشد به کار اندر علاج

 

در مزاج کفر شد، خون بیشتر

 

سر برآور، ای خدا را نیشتر

 

خواهرش بر سینه و بر سر زنان

 

رفت تا گیرد برادر را عنان

 

سیل اشکش بست بر شه، راه را

 

دود آهش کرد حیران، شاه را

 

در قفای شاه رفتی هر زمان

 

بانگ مهلا مهلنش بر آسمان

 

کای سوار سرگران کم کن شتاب

 

جان من، لختی سبک تر زن رکاب

 

تو ببوسم آن رخ دلجوی تو

 

تا ببویم آن شکنج موی تو

 

شه سراپا گرم شوق و مست ناز

 

گوشه ی چشمی به آن سو کرد باز

 

دید مشکین موئی از جنس زنان

 

بر فلک دستی و دستی بر عنان

 

زن مگو، مرد آفرین روزگار

 

زن مگو، بنت الجلال، اخت الوقار

 

زن مگو، خاک درش نقش جبین

 

زن مگو دست خدا در آستین

 

باز دل بر عقل می گیرد عنان

 

اهل دل را آتش اندر جان زنان

 

می دراند پرده، اهل راز را

 

می زند با ما مخالف، ساز را

 

پنجه اندر جامه ی جان می برد

 

صبر و طاقت را گریبان می درد

 

هر زمان هنگامه یی سر می کند

 

گر کنم منعش، فزونتر می کند

 

اندر این مطلب، عنان از من گرفت

 

من از او گوش، او زبان از من گرفت

 

می کند مستی به آواز بلند

 

کاینقدر در پرده مطلب تا به چند؟

 

سرخوش از صهبای آگاهی شدم

 

دیگر اینجا زینب اللهی شدم

 

مدعی گو کم کن این افسانه را

 

پند بی حاصل مده دیوانه را

 

کار عاقل رازها بنهفتن است

 

کار دیوانه، پریشان گفتن است

 

خشت بر دریا زدن بی حاصل است

 

مشت بر سندان، نه کار عاقل است

 

لیکن اندر مشرب فرزانگان

 

همرهی صعب ست با دیوانگان

 

همرهی به، عقل صاحب شرع را

 

تا از جوییم اصل و فرع را

 

همتی باید قدم در راه، زن

 

صاحب آن، خواه مرد و خواه زن

 

غیرتی باید به مقصد ره نورد

 

خانه پرداز جهان، چه زن چه مرد

 

شرط راه آمد، نمودن قطع راه

 

بر سر رهرو چه معجر، چه کلاه

 

پس ز جان بر خواهر استقبال کرد

 

تا رخش بوسد، الف را دال کرد

 

همچو جان خود، در آغوشش کشید

 

این سخن آهسته بر گوشش کشید

 

کای عنان گیر من آیا زینبی؟

 

یا که آه دردمندان در شبی؟

 

پیش پای شوق، زنجیری مکن

 

راه عشق است این عنانگیری مکن

 

با تو هستم جان خواهر، همسفر

 

تو به پا این راه را کوبی، من به سر

 

خانه سوزان را تو صاحبخانه باش

 

با زنان در همرهی مردانه باش

 

جان خواهر در غمم زاری مکن

 

با صدا بهرم عزاداری مکن

 

معجر از سر، پرده از رخ وامکن

 

آفتاب و ماه را رسوا مکن

 

هست بر من ناگوار و ناپسند

 

از تو زینب گر صدا گردد بلند

 

هر چه باشد تو علی را دختری

 

ماده شیرا، کی کم از شیر نری؟

 

با زبان زینبی شاه آنچه گفت

 

با حسینی گوش، زینب می شنفت

 

با حسینی لب هر آنچ او گفت راز

 

شد به گوش زینبی بشنید باز

 

گوش عشق، آری زبان خواهد ز عشق

 

فهم عشق آری بیان خواهد ز عشق

 

با زبان دیگر این آواز نیست

 

گوش دیگر، محرم اسرار نیست

 

ای سخن گو، لحظه یی خاموش باش

 

ای زبان، از پای تا سر گوش باش

 

تا ببینم از سر صدق و صواب

 

شاه را زینب چه می گوید جواب؟

 

گفت زینب در جواب، آن شاه را

 

کای فروزان کرده مهر و ماه را

 

عشق را از یک مشیمه زاده ایم

 

لب به یک پستان غم بنهاده ایم

 

تربیت بوده ست بر یک دوشمان

 

پرورش در جیب یک آغوشمان

 

تا کنیم این راه را مستانه طی

 

هر دو از یک جام خوردستیم می

 

هر دو در انجام طاعت کاملیم

 

هر یکی امر دگر را حاملیم

 

تو شهادت جستی ای سبط رسول

 

من اسیری را به جان کردم قبول

 

خودنمایی کن که طاقت طاق شد

 

جان، تجلی تو را مشتاق شد

 

حالتی زین به، برای سیر نیست

 

خود نمایی کن در اینجا غیر نیست

 

شرحی ای صدر جهان، این سینه را

 

عکسی ای دارای حسن، آئینه را

 

قابل اسرار دید آن سینه را

 

مستعد جلوه، آن آیینه را

 

ملک هستی منهدم یکباره کرد

 

پرده ی پندار او را پاره کرد

 

معنی اندر لوح صورت، نقش بست

 

آنچه از جان خواست، اندر دل نشست

 

خیمه زد در ملک جانش شاه غیب

 

شسته شد ز آب یقینش زنگ ریب

 

معنی خود را به چشم خویش دید

 

صورت آینده راه از پیش دید

 

آفتابی کرد در زینب ظهور

 

ذره یی زآن، آتش وادی طور

 

شد عیان در طور جانش رایتی

 

خر موسی صعقا زآن آیتی

 

عین زینب دید زینب را به عین

 

بلکه با عین حسین عین حسین

 

طلعت جان را به چشم جسم دید

 

در سراپای مسما اسم دید

 

غیب بین گردید با چشم شهود

 

خواند بر لوح وفا، نقش عهود

 

دید تابی در خود و بی تاب شد

 

دیده ی خورشید بین پر آب شد

 

صورت حالش پریشانی گرفت

 

دست بی تابی به پیشانی گرفت

 

خواست تا بر خرمن جنس زنان

 

آتش اندازد اناالاعلی زنان

 

دید شه لب را به دندان می گزد

 

کز تو اینجا پرده داری می سزد

 

رخ ز بی تابی، نمی تابی چرا؟

 

در حضور دوست، بی تابی چرا؟

 

کرد خودداری ولی تابش نبود

 

ظریفیت در خورد آن آبش نبود

 

از تجلی های آن سرو سهی

 

خواست تا زینب کند قالب تهی

 

سایه سان بر پای آن پاک اوفتاد

 

صیحه زن غش کرد و بر خاک اوفتاد

 

از رکاب ای شهسوار حق پرست

 

پای خالی کن که زینب شد ز دست

 

شد پیاده، بر زمین زانو نهاد

 

بر سر زانو، سر بانو نهاد

 

پس در آغوشش نشانید و نشست

 

دست بر دل زد، دل آوردش به دست

 

گفتگو کردند با هم متصل

 

این به آن و آن به این، از راه دل

 

دیگر اینجا گفتگو را راه نیست

 

پرده افکندند و کس را راه نیست.

 

شاعر : مرحوم استاد میرزا نورالله عمان سامانی

 

سخنان حضرت اباعبدالله الحسین (علیه السلام) در وداع آخر

 

ما در این وادی، قبول ابتلا خواهیم کرد

 

کربلا را عالَم «قالُوا بلی» خواهیم کرد

 

ما برانگیزیم شور روز محشر در جهان

 

قامت شور قیامت، بس به پا خواهیم کرد

 

وادی «لَم یَزرَعی» را از صفای جوی خون

 

گلشنی شاداب و دشتی باصفا خواهیم کرد

 

بر سر عهدیم و پیمانِ الستِ خویشتن

 

موبه‌مو آن عهد و پیمان را وفا خواهیم کرد

 

نقد جان در کف خریداریم بر کالای غم

 

ما در این بازار، سودا با خدا خواهیم کرد

 

ما ز یُمن خون هفتاد و دو قربانیّ دین

 

این منای عشق را رشک منا خواهیم کرد

 

وز جلای خونِ شفّاف گلوی خویشتن

 

طفّ را آیینه ی باطن‌نما خواهیم کرد

 

هفت گام از سینه کش رفتن به روی خاک و خون

 

با صفا سعی است مر سعی و صفا خواهیم کرد

 

با هزاران سرفرازی، سرفراز از نیزه‌ها

 

رو به سوی بارگاه کبریا خواهیم کرد

 

دست‌هایی که پی بیعت ز ما خواهد یزید

 

ما به دست ساربان از تن، جدا خواهیم کرد

 

ساربان نشناسد از حق منکران را گوئیا

 

ما همانیم و همان جود و سخا خواهیم کرد

 

دست پاک ما نگیرد، دست ناپاکان به دست

 

ما حساب پاک و ناپاکان، سوا خواهیم کرد

 

بَر کَنیم از تن لباس سلطنت تا پیرهن

 

قامت گل را ز خار و خس قبا خواهیم کرد

 

نوحِ طوفان بلایم، ناخدایی زخم‌دار

 

جان‌ به کشتیّ نجات خود، فدا خواهیم کرد

 

از پس قتلم در این طوفان به دشت کربلا

 

گر خدا خواهد خدا را ناخدا خواهیم کرد

 

نازِ بالش در خورِ شأنِ سر شوریده نیست

 

بالش از خاکسترِ مطبخ‌سرا خواهیم کرد

 

آن سراپرده که تار و پودش از گیسوی حور

 

طعمۀ آتش به دست اشقیا خواهیم کرد

 

 دست و پا بسته غزالان حرم را در کمند

 

زیر پای اسب صیادان رها خواهیم کرد

 

با سر ببریده، در کاخ یزید می‌گسار

 

یادی از یحیی در آن طشت طلا خواهیم کرد

 

تا نچیند دست گلچینی گل از گلزار ما

 

آنچه بر آید ز دستی دست و پا خواهیم کرد

 

تا عجل گفتار ما یک دو کلامی بیش نیست

 

هر چه را گفتیم بی چون و چرا خواهیم کرد

 

ما ز دنیای شما و هر چه باشد اندر آن

 

اختیارِ یک کفن از بوریا خواهیم کرد

 

کو سلیمان؟ تا تماشای سلیمانی کند

 

دیو را انگشت و انگشتر، عطا خواهیم کرد

 

از جفای آشنای بدتر از بیگانگان

 

آشنایی با همه بی آشنا خواهیم کرد

 

بجدل از ما گر بریده ما بپیوندیم و بس

 

 ما کَرَم افزون ز امید و رجا خواهیم کرد

 

چرخ اگر امروز، بر کامم نگردد، باک نیست

 

باش تا فردا که گردون، زیر پا خواهیم کرد

 

سلطنت بر مردم دنیا ندارد ارزشی

 

حکمرانی بر قلوب ماسوا خواهیم کرد

 

لاجَرَم با تَرکِ تاج و تخت و مُلک مستعار

 

شهریاران را بر این درگه، گدا خواهیم کرد

 

مُصحَفِ اوراق بر خاک سیه پاشیده را

 

آیه آیه سوره سوره جمع ما خواهیم کرد

 

شاعر : مرحوم حاج عبدالعظیم ذهنی‌زاده تبریزی

 

**********************************

 

وداع حضرت امام حسین (علیه السلام)

 

یتوبدی وقت شهادت باجی خداحافظ

 

بو سن بو آل رسالت باجی خداحافظ

 

زوال وقتی اولور چون شهادت امری تمام

 

گللّه خیمه لره اشقیای کوفه و شام

 

وئرلّه لشگره فرمان سَنان و شمر لعین

 

وورالّا خیمه و خرگاهیمه شراره ی کین

 

اَلولاناندا چیخون خیمه دن کناره باجی

 

هامی چوله داغیلون یوز قویون فراره باجی

 

اؤزون او حالده بیمارین اول پرستاری

 

چکوب کناره چک اوتدان کناره بیماری

 

طناب ظلمه سیزی باغلیوب ائده لّر اسیر

 

ائدر مفارقتیم اهل بیتیمه تأثیر

 

خصوص نازلی سکینم منه چوخ الفتی وار

 

اونا بولورسن اؤزون قلبیمون محبتی وار

 

ائدن زماندا فراقیمده ناله و زاری

 

آلوب قوجاقه اؤزون وئر او طفله دلداری

 

دئسه بابام هانی بس هاردادور علی اکبر

 

سؤله ائدوبدی آتان قارداشون حجازه سفر

 

منی خیاله سالوب آغلیاندا وئر تسکین

 

دئمه یتیم اولوبسان سولوبدی گل رنگین

 

خرابه ده گجه لر آج سوسوز قوری یرده

 

صباحه تک ائده جاق ناله هجر اکبرده

 

او قدر گوشه ی ویرانه ده بو طفل یتیم

 

آتا دیر ائدر آخرده جانینی تسلیم

 

غریب عیالیمه مندن صورا پرستار اول

 

گئدونجه شامه هامی اهل بیته غمخوار اول

 

دگوبدی بیربیره بو سؤزده عترت اطهار

 

آلوب آرایه او سلطانی خورداجا بالالار

 

یاپیشدی دامنینه عرض ائدوب سکینهٔ زار

 

اماندی هر یره گتسن منی یانونجا آپار

 

منی آیرما اؤزوندن قالانمارام سنسیز

 

قرار خیمه ده سنسیز دوتانمارام هرگز

 

اگرچه گلمز الیمدن ائدم سنه امداد

 

او قدر عجز ائده بولّم که رحم ائدر جلّاد

 

اگر سنون قاباقوندا وورانمارام شمشیر

 

ولی باشارّام ائدم جانیمی نشانه ی تیر

 

دوشوب یانونجا پیاده سوار تک گئدرم

 

سنون یولوندا بابا جانیمی نثار ائدرم

 

دالینجا ئولماقا گتسن قاچا قاچا گلّم

 

که بیر دقیقه سنی گورمسم یقین ئولّم

 

منیم اولوبدی یریم دائماً قوجاقوندا

 

نه نوع تاب ائده بولّم غم فراقوندا

 

قسم حیاتوه کیم مایه ی حیاتیمدور

 

الیمده دور اتگون باعث نجاتیمدور

 

محالیدور بوراخام من بو دامنون گئده سن

 

مگر انوب یره آتدان بو طفلی شاد ائده سن

 

زمانه یاندوراجاق آتش فراقه منی

 

قرار سابقیله بیرده آل قوجاقه منی

 

ترحّم ایله گوزومدن آخان بو گؤزیاشیما

 

او مرحمت الوی بیرجه چک منیم باشیما

 

او ظلمی کیم ائده جاق شمر دون عیاندی منه

 

یتیمیلیق غمی هر دردیدن گراندی منه

 

گتور دوداقلاریوی قوی بو تشنه لبلریمه

 

یتیملر کیمی ال چک باشیما تل لریمه

 

نقدر لطف ائده سن بو رقیّه یه یریدور

 

زمان عزّتیمین چون زمان آخریدور

 

زمان عزّتیمی ذلّته مبدّل ائدر

 

منه بلالری سندن صورا محوّل ائدر

 

نه اینکه باشیمه کیمسه وفادن ال چکمز

 

ئولونجه شمر ستمگر جفادن ال چکمز

 

غرض بالالارین اول شاه او چولده ترک ائتدی

 

قتال لشگر اشراره قصد ائدوب گتدی

 

شاعر : مرحوم حقیر خوئی

 

*******************************

 

وداع حضرت امام حسین (علیه السلام)

 

حسین ای زینبین جانی امان قارداش، دایان گتمه

 

گئدیب آغلاتما زهرانی امان قارداش، دایان گتمه

 

قضا سرپنجه‌سین آچمیش قد‌ر چنگالی آماده

 

کمینونده دوروب دشمن، بو صحرای غم افزاده

 

مقدّر امره یوخ چاره، اوزوم بیللم بو دنیاده

 

و لکن گتمه بیر آنی، امان قارداش دایان گتمه

 

زمانه زینبی بوکدو، اولونجه بیر سیَه رخته

 

چتین موقعدی رحم ایله، بو بیر عدّه قرا بخته

 

اگر چاره‌پذیر اواسا گئدیب سالما ایشی سخته

 

سیه‌پوش ائتمه دنیانی، امان قارداش دایان گتمه

 

باشوندا بیلمیر‌م هرگز بو نه شور و نه سودادور

 

گورورسن کربلا دشتی سراسر دشت غوغادور

 

بو قوم بی‌حیا قارداش همان بی‌شرم اعدادور

 

اوغولسوز قویدی لیلانی، امان قارداش دایان گتمه

 

بلالی زینبم قارداش، بلاد‌ن منصبیم واردور

 

رموز درد و محنتله، بیر عُمده مکتبیم واردور

 

دالونجا گلمییمد‌ن بیل، اوره‌کده مطلبیم واردور

 

ائشیت بو سوز افغانی، امان قارداش دایان گتمه

 

قدم ساخلا، آنام اوغلو، اگرچه اولماسا زحمت

 

بو آخر وقتی صحراده، ائد‌ک بیر مجلس خلوت

 

باجی قارداش باجون اولسون، حسینیم ائیلیک صحبت

 

واریمدیر عرض پنهانی، امان قارداش دایان گتمه

 

گتیر بوسه ائدیم اوّل مبارک اللروندن من

 

اوپوم اوندان سورا قارداش گَلوی اطهروندن من

 

اوپن وقته سالیم یاده، او تشنه لب‌لروندن من

 

آنام زهرای نالانی، امان قارداش دایان گتمه

 

مصیبت موجینه غرقم، زبس بو اشتیاقوندن

 

اوپم هئچ بیلمیر‌م قارداش الوندان یا دوداقوندن

 

اجازه وئر منه بوسه ائدیم بیرده ایاقوندن

 

او خاک پاک قربانی، امان قارداش دایان گتمه

 

دگیل بیجا گوزوم یاشین، فلک القانه دوند‌رسه

 

او اشک چشمیله دنیا، اوزون توفانه دوند‌رسه

 

باجی نیلیر گوره قارداش، یوزون میدانه دوند‌رسه

 

همین دنیای ویرانی، امان قارداش دایان گتمه

 

زبسکی محنت هجرون من بی‌یاره چوخ چوخدور

 

آنام زهرایه آند اولسون،داخی سینمده یئر یوخدور

 

گئد‌ن گلمز بو میدانه، گورور‌‌م نیزه ‌دیر اوخدور

 

قوشون دوتموش بیابانی، امان قارداش دایان گتمه

 

شاعر : مرحوم یحیوی

 

**************************************

 

وداع حضرت امام حسین (علیه السلام)

 

حسین سندن سورا زینب قالار آواره آی قارداش

 

گونوم قاره اولار دگسه سنه بیر یاره آی قارداش

 

بو چولده   قانه غرق اولدی وفالی لشکرون گیتمه

 

بو چولده قاسمون  یاتدی  أولوبدی اکبرون گیتمه

 

بو چولده اوخلانوب قارداش الونده اصغرون گیتمه

 

ابوالفضلین غمی عرشه چکوبدی قاره آی قارداش

 

آتورسان   زینبین  داشین  وصال دلبره  خاطر

 

منی  قویما  آدامسیز ای  امیدیم  اکبره  خاطر

 

حرم اهلی یاشار راحت بو دوزدی رهبره خاطر

 

حرم اولسا اگر باشسیز قالار آواره آی قارداش

 

سنون خوش حالووه قارداش گیدورسن بزم دلداره

 

ولی   سندن  سورا   زینب  اولار بختی گونی قاره

 

اسارت بندی بوینوندا   گزر    صحرانی   آواره

 

بو درده کیم ایدر آیا جهاندا چاره آی قارداش

 

حسین  اصغر ویران   لشکر سنه رحم ایلمز قارداش

 

اوتوز مین لشکر اولدی تک سنی یخماقه حاضرباش

 

قوتارسا   اوخ   سنه  لشکر  بو دعواده ویراللار داش

 

یارا سایسیز ویرار لشکر گل کراره آی قارداش

 

بو لشکر اهلی سرتاسر رذیل و پست و جاهل دی

 

بولاردی  بندۀ  درهم   جفاکار  و   سیه دل دی

 

بولار مرجانه نون اوغلی   دیین  آئینه  قائل دی

 

بولار دین خدائیلن چیخوب پیکاره آی قارداش

 

حسینجان گیتمه میدانه بولار خصم ولایتدی

 

بولار  کان  خیانتدی   دیانت سیز جماعتدی

 

بولاردی کلب  سفیانی  بولار   مأمور غارتدی

 

بولار دینین ساتانلاردی نچه دیناره آی قارداش

 

سنی گورسه اگر یالقوز آلار اطرافووی دشمن

 

سلیمانی   سالار دلدن   سپاه  پست اهریمن

 

بولار بدر و احد قانین آلار بو دشتیده سندن

 

سنون گول جسمووی ایلر بولار صدپاره آی قارداش

 

جهاندا ای کرم شاهی   سنون تک بیر غریب اولماز

 

شهادت   امری بی شبهه   هر انسانه  نصیب اولماز

 

ولی سندن سورا قارداش منه یاخجی طبیب اولماز

 

مریض عشقه هیچ یاندا تاپیلماز  چاره  آی قاارداش

 

دیدون  الان کی  قیزلارین آلوم زیب و زرین یکسر

 

دیدون کی   زیوره   خاطر   ویرار  قیزلاری غارتگر

 

حسین سندن سورا یعنی قوپار بو عرصه ده محشر

 

دگر   قمچی  بو صحراده   بالا قیزلاره آی قارداش

 

بیابانی عرب قارداش خیامه گلسه بیر لشکر

 

مروری صبریمی آلدی منه   رحم آی رهبر

 

اوتوز مین لشکرون آیا قباقینده باجون نیلر

 

گیدر الدن علی اکبر ،آلان گوشواره آی قارداش

 

باجی قارداشلیقین رختین بو صحراده سویوب گیتمه

 

حسین من دویمادیم سندن اخا مندن دویوب گیتمه

 

سنی   زهرا    ننم جانی  منی باشسیز قویوب گیتمه

 

اولا   لعنت   سنی   مندن    آلان غدّاره آی قارداش

 

شاعر : نوید آسال اردبیلی

 

******************************

 

وداع آخر حضرت امام حسین (علیه السلام)

 

دوشوبدی باشیمه شوق لقای یار باجی

 

آلوبدی وعده ی وصل الدن اختیار باجی

 

دوام یوخدی بو دار فناده سابقدن

 

بئله مدار ائلیوب چرخ کجمدار باجی

 

نه قالدی شیر خدایه نه قارداشیم حسنه

 

نه مصطفایه وفا ائتدی روزگار باجی

 

نه اولیایه ثبات اولدی دار دنیاده

 

نه انبیایه بو دهر ائتدی اعتبار باجی

 

اجل سالوب باشیما سایه یتدی آخره عمر

 

یتوب خزان توکنوب رونق بهار باجی

 

گل ایمدی بیر نچه کلمه وصیّتیم سنه وار

 

ائشیت قبول ائله ای یار غمگسار باجی

 

ازل گونیمده بلایه اؤزوم بلا دئمیشم

 

بلادن عاشق حقّ ایلمز فرار باجی

 

شهادت عهدینه اوّلده وئرمیشم میثاق

 

که قتلی عشقه قویوبلار ازل قرار باجی

 

گرک بوگون باشیمی شمره ایلیم تسلیم

 

دوروب یولومدا نه مدّتدی انتظار باجی

 

اسیر اولماقا زنجیر عشقیلن کمره

 

کمال همّتیله باغلا استوار باجی

 

مقام صبرده دور وئرگیلن قضایه رضا

 

سن اولما دایرهٔ صبریدن کنار باجی

 

باشیم سِنان سَنانه گچر تلاوت ائدر

 

که سرّ عشق اولا عالمده آشکار باجی

 

جدا باشیندا اولور گون کیمی باشیم مشهور

 

شریعت امری تاپار گون تک اشتهار باجی

 

کنایه وار باش اوجاتماقدا رأیت اسلام

 

بلند اولوب دوتا مرکزده حق قرار باجی

 

گلور ظهوره تاپار عشق رتبه ی عالی

 

گئدنده شامه عیالیم شتر سوار باجی

 

اسیر روم وجش تک دیار شامه کیمی

 

چکلّه قافله ی عشقی بیر قطار باجی

 

هر ایکی نشأده قویماز ذلیل و خوار اولسون

 

«حقیر» نوکریمی لطف کردگار باجی

 

شاعر : مرحوم حقیر خوئی

 

***************************

 

پندیات ترکی و گریز به وداع حضرت امام حسین (علیه السلام)

 

دنیا بویی مصحف اولا قرآن اولا بولمز

 

عامل اونا محشر گونی گریان اولا بولمز

 

مقصودخدا خلقت ابناء بشردن

 

تسبیح و عبادتدی بوکتمان اولا بولمز

 

حقین نمازین قیلماسا هرکیم اولوراولسون

 

کافردی گلوب دشمن شیطان اولا بولمز

 

چوخ واردی مسلمان بوزمان اهل جهاندان

 

امّا بریسی بوذر و سلمان اولا بولمز

 

چو خلاردیرعالمده منم عهدیمه پابند

 

چکسن محکه حافظ پیمان اولا بولمز

 

نقاش جهان گر چکه تصویر دل آرا

 

زیبا اولی لیک یوسف کنعان اولا بولمز

 

سندیرما آجی دیللریلن قلب رئوفی

 

هر قلب که سنسا اونا درمان اولا بولمز

 

دنیاده آتا هم آنیه ایله سن احسان

 

قرآن بویوروب ایله بیراحسان اولا بولمز

 

دنیایه گلوب عاشق اولان چوخدی سایولسا

 

عشق اوسته بیری یارینه قربان اولا بولمز

 

جانلار اولا عالمده حسین جانینه قربان

 

هر کیمسه گلوب شاه شهیدان اولا بولمز

 

بیر نهضته ال آچدی ایدوب زنده بو دینی

 

قان ویردی دیریدی ایله بیرقان اولا بولمز

 

عشق اوسته انالحق دیدی دشمن قاباغیندا

 

هیچ کیمده بیله قوّۀ ایمان اولا بولمز

 

آزادی و آزادگی سرمشقی ویروبدی

 

تا اهل جهان وار بیله عنوان اولا بولمز

 

یوزدن یوخاری پیروجوان ویردی بودینه

 

اکبرکیمی نورس گل خندان اولابولمز

 

بیر سود امرین ایلدی قربان الی اوسته

 

اعلان ایلیوب عشقنی نقصان اولا بولمز

 

اوزدی الینی ما ملکیندن ره دینده

 

جان بذل ایدنه بولدی که سامان اولابولمز

 

ایلوبدی وداع سالدی یولون تا ره عشقی

 

طی ایتسون ایله بیر ره شایان اولا بولمز

 

ایستردی گیده سسلدی زینب سنه قربان

 

سن تک بریسی عازم میدان اولا بولمز

 

بیر لحظه دایان امرینی اجرا ایلیوم گیت

 

زهراآنامون امریدی پنهان اولا بولمز

 

ویر رخصت اخا زینبه اوپسون بوغازوندان

 

قانه اولاسان اوند ا که غلطان اولا بولمز

 

یازنوحه وی«عدلی»دیمه پیراولدی وجودیم

 

مندن آقاما بیرقوجا دربان اولا بولمز

 

شاعر : حاج اصغر فرشچی ( عدلی تبریزی )

 

**************************

 

وداع حضرت امام حسین (علیه السلام)

 

حسرتیله او تشنه لب خوردا اوشاقلارا باخور

 

ایستوری گیزلده ولی، اشگی دایانموری آخور

 

آه سکینه یاندیرور، قلب شریفینی یاخور

 

بیر ایله مهربان آتا، نازلی بالادن آیریلور

 

باشلیوب آل مصطفی، داد و فغان و شور و شین

 

یانمش اورگلیلر چکر، قلبیدن آه آتشین

 

وجهی بود که حضرت خیرالانامه جانشین

 

نائبه ستم کش خیر نسادن آیریلور

 

مجملی مطلبین بودور، سوزده چوخ اولماسین صداع

 

منده نه وار او نطق دل، سنده نه حال استماع

 

کیم بولوری نه آیریلیق؟ کیم بولوری نجه وداع؟

 

کیم بولوری که کیم نچه حور لقادن آیریلور

 

تکمیشدی حسینه گوز، جمله داغ دیده لر

 

گوردی وداع شاهی تا محنت و غم کشیده لر

 

یاسه دونوب امیدلر، اشکیله دولدی دیده لر

 

قلبه رجوع ایدن باخوب گوردی رجادن آیریلور

 

مانع اولوب بیوکلره عفت و عصمت و حیا

 

لیک اوشاقلار آغلادی، باشلادی شیون و نوا

 

قلب حسینه گور نجه ایتمز اثر بو ماجرا

 

بیر دولی خیمه ناله واابتادن آیریلور

 

بعضی ساچین یولور، وورور بعضیسی باشه سینیه

 

بعضی دیور اسارتی، گورمه روا سکینیه

 

گل بیزی تازه دن بابا، قیتر آپار مدینیه

 

حب وطن مگر اهل وفادن آیریلور

 

بعضی کناردن باخور، بعضی گلور قوجاقینه

 

بعضی دوتور الین اوپور، بعضی دوشور ایاقینه

 

مشگل اولور صغیر اوشاق، دوزسون آتا فراقنه

 

هانسی بالانی گر فلک قویسا آتادن آیریلور

 

نه آنالار کنارده، آه و نوادن ال چکور

 

نه بالالار کنار اولور، چنگ ردادن ال چکور

 

آل عبا نه دامنین بوشلور، عبادن ال چکور

 

اهل کسا نه خامس آل عبادن آیریلور

 

قارداشینی قوجاقلادی باجی بیر اضطرابیله

 

سویلدی کسمه الفتون زینب دل کبابیله

 

عزم ایدوسن ئولوم یولون، سن که بئله شتابیله

 

روح بدندن آیریلور، جسم قوادن آیریلور

 

ویردی جواب شاه دین، صبر ایله فرقتیمده دوز

 

عمر یتوبدور آخره، مندن آنام باجی ال اوز

 

خوش گونه اهل دل اولان، حسرت اولور گجه گونوز

 

اهل ولا اولان مگر درد و بلادن آیریلور

 

(شانی) عزیزیوین دلین روز وداع داغلادون

 

سیل سرشگون عارضه گوردیله خلق باغلادون

 

یعنی (صحافیله) ایله قول بویون اولدون آغلادون

 

یاد ایلدون حسین نجه آل عبادن آیریلور

 

شعراء : مرحومین شانی و صحاف

 

******************************

 

وداع حضرت امام حسین (علیه السلام)

 

 با دختر سه‌ ساله‌ اش حضرت رقیّه (سلام الله)

 

آغلاما ای گلشن عشقه هزاره قوی گیدیم

 

دوش قوجاقیمدن یره ای ماهپاره قوی گیدیم

 

آز یاپیشدیر سینمه سوزیله یانمیش سینه‌نی

 

چک دوداقیمدن دوداقون بیله یاندیرما منی

 

من سنه بیر بوسه بوشلی٬شامیده گورّم سنی

 

اوپ نقدری اوردا اوپسون یاره یاره قوی گیدیم

 

حیدره خاطر دالیجا مسجده قاچدی ننم

 

سنده گلدون مندن اوتری قلبیده درد و الم

 

سن منیم خیردا آنامسان من گرک آتدان انم

 

حرمتون واجبدی زهرا تک بو زاره قوی گئدیم

 

گون که آخشام چاقی باتدی من بویاندیم قانیمه

 

آی چیخاندا سنده چیخ سرّین دیمه نسوانیمه

 

ساخلارام سینمده یر گل قتلگهده یانیمه

 

گوزلرم اوردا بالام جانی دوباره قوی گیدیم

 

ایندیدن عمّون کیمی اورگش فراقه گئت‌بالا

 

دوش قوجاقیمدن سونه سوزِ علاقه گئت‌بالا

 

اللها خاطر سنی آلدیم قوجاقه گئت‌بالا

 

آغلیوب چوخ سالما بابانی فشاره قوی گئدیم

 

هامّوزی تاپشورمیشام اللهه من تک‌تک قیزیم

 

سن بولورسن که آنام گوزلور منی گویچک قیزیم

 

اللی ایلدی حسرتم زهرایه سن ال‌چک قیزیم

 

رحم ایله گوزیاشیمه باخ انکساره قوی گئدیم

 

سَنکه دلداره بو آز سنّیله چوخ وابسته سن

 

چرپینور قلبون سینونده قوش کیمی دلخسته‌سن

 

بو نه عالمدور هله من گئتمه‌میش جان اوسته‌سن

 

جان وئرور گویا قفسده بیر قناره قوی گئدیم

 

*******************************

 

زبانحال حضرت امام حسین (علیه السلام)

 

با حضرت زینب کبری (سلام الله) هنگام وداع

 

قتلگاهده قارداشون حسین

 

اولسـا شمـرله روبـرو باجی

 

تار زلفـووی توکمه عارضه

 

یولما ساچلارون موبمو باجی

 

هر باشون که عشقی ابتلاسی

 

وار باشه یتمین بیر بلاسی‌وار

 

هر کسـون منـه اقتداسی‌وار

 

قانیلن ایـدر شستشو بـاجی

 

منکـه گلمشم نشـر حکمته

 

وار تحمّولـوم هـر مـصیبته

 

چوخ لزومی‌وار اهل دعوته

 

طبع بردبار حُسْن خو باجی

 

وار سنون بیوک بیر مَتانتون

 

صبـر و طاقتـون استقامتون

 

حالیمی گوروب پوزما حالتون

 

شیـوۀ رضـا بودی بو باجی

 

عاشقون گرک فکری باز اولا

 

شرح هجـردن بی‌نیـاز اولا

 

عیش خوش اودور بزم راز اولا

 

بی‌تکلـم و گفتگــو باجـی

 

عشق سرکشون چوخ مرامی‌وار

 

آیری نشئه‌سی آیری جامی‌وار

 

هـارداکیم تَجَرُّد مقامی‌وار

 

بی‌بهـادی جام و سَبو باجی

 

قتلگه دیمه گلستاندی بو

 

طُور جَلوه‌ئی دِلستاندی بـو

 

صدر مکتب امتحاندی بو

 

طرح حلّ اولور حیّ هو باجی

 

من بـو گلشنه ایلـرم روان

 

نهر نَحْردن چشمه‌چشمه قان

 

هاردا گورموسن بیله باغبان

 

بیلـه آبیـار بیـله جـو باجی

 

هاردا من دوشوب جان ایدم فدا

 

جُوی خوندن اولمارام جدا

 

مقصدیـم بودور ایتمیم اَدا

 

صون نمازیمی بی‌وضو باجی

 

من بیـوک فرامینـه حاملم

 

رُشـد فکــرده فـرد کاملـم

 

شُکروار که بـو لطفه شاملم

 

ویرموری منه کیمسه سو باجی

 

اود دوشه اگر خیمگاهیمه

 

همعِنــان اولا سـوز آهیمـه

 

یوخ دخالتـی طـیّ راهیمه

 

نعــرۀ «اَلا حَــرِّقو » باجـی

 

اوندا که چخار خُلْددن آنام

 

آغلیوب دیر وای عزیز بالام

 

اوندا بول که ختم اولدی قتل‌عام

 

اولدی شوکتون زیر و رو باجی

 

اوندا صبر قیل طعن دشمنه

 

گلمسون گران هر جفاسنه

 

باشیم اوسته گل‌گور نجه منه

 

ایستی قوم اولوب پَرّقو باجی

 

گورنه یاتمشام خواب نازیلن

 

دلخوشام فقط بیـر نمازیلن

 

ایلـرم بیـوک بیـر نیازیلن

 

خیــر امّتــی آرزو باجــی

 

باش یارا بوتون عضو تن یارا

 

جمله طول و عرض بدن یارا

 

اوخ یاروب گیچوب حدّدن یارا

 

قـان آخار چوله سوبسو باجی

 

گورسن اکبریم غرق یاره‌دور

 

تــاروپود تـن پـاره پاره‌دور

 

منحصر بفرد بیر بو چاره‌دور

 

تــار زلفلـه قیـل رُفو باجی

 

پـاره پیـرهن بـار جان اولور

 

بارماقیمدا گوزدن نهان اولور

 

سهـم غـارت سـاربان اولور

 

چوخدی بوردا سرّ مگو باجی

 

پاک‌ای هـدف عشـق بی‌نظر

 

شـام و کوفـه‌‌دن ایلمـز حَذَر

 

یارون آختاران چوللری گزر

 

سوبه‌سو باجی کوبه‌کو باجی

 

نیزه‌نی باشیم نَخل طور ایدر

 

صحن مَطبخی غرق نور ایدر

 

هاردا من اولام حق ظهورایدر

 

گوسترر اوزون رنگ رو باجی

 

رهبرم هامـی اهل خِیره من

 

فرق قویمارام یار و غیره من

 

باش چکم گرک پیر دِیره من

 

بی‌ثمـر دگل جستجـو باجی

 

حشـرده منــم قـاسم نَعیم

 

منده‌ دور اوگـون امر مستقیم

 

پیــر درگهیم« هنـدی» قدیم

 

قویمـارام اولا زردرو بـاجی

 

شاعر : مرحوم هندی

 

*************************

 

وداع حضرت امام حسین (علیه السلام)

 

از خیمه گه تا قتلگهه شاه شهیدان می رود

 

زینب صدایش می کند با چشم گریان می رود

 

گفتا تَوَقّف یا اخی گفتا بیا زهرای من

 

بر فدیه گاه عشق حسین،لب تشنه قربان می رود

 

در چشم عاشق ها کذا اهل حرم بیگانه شد

 

پروانه ها پر می زند شمع فروزان می رود

 

قرآن ناطق می رود تا منجی قرآن شود

 

اما ز پشتش کو به کو سی جزءِ قرآن می رود

 

محبوبه خیرالنساء سر چشمهٔ حجب و حیا

 

گفت ای رقیه چاره نی از جسم ها جان می رود

 

برنامه را تنظیم کرد حشمت بر او تعظیم کرد

 

با جاه عشق وعاشقی ره را سلیمان می رود

 

هفتادو یک گل داشته آورد وبر جانان فروخت

 

این گلفروش با صفا حاشا پشیمان می رود

 

جانان به بزم عاشقان دعوت نموده یار را

 

عاشق مصمّم گشته با سیمای خندان می رود

 

روح وروان فاطمه در دل کلام ربّنا

 

در جنت الاعلاء شود مهمان شتابان می رود

 

کوثر صدایش می کند زمزم دعایش می کند

 

جانان ندایش می کند محبوب جانان می رود

 

زهرای اطهر منتظر سقای کوثر منتظر

 

حورا سراسر منتظر مولای رضوان می رود

 

خود را «معزی»روزوشب در زندگی آماده کن

 

یک یک به زیر خاک همه خوبان می رود

 

شاعر : معزی اردبیلی

 

وداع آخر

 

بهر تکمیل وداع آخرین

 

شه سوار اسب شد بر پشت زین

 

زد به پهلوی فرس، نیش رکاب

 

تا شود از وصل جانان کامیاب

 

از حیات عاریت بیزار بود

 

بر سرش شوق لقای یار بود

 

دید از جا می نجنبد ذوالجناح

 

دور دارد دور دارد گام ذلت فلاح

 

بانگ زد کی رفرف معراج من

 

ای به فرقت از شرافت تاج من

 

دور از تن، جامه ی شیری مکن

 

ورطه ی عشق است، گه گیری مکن

 

گاه جولان است رو رو پیشتر

 

تا به جنت نیست گامی بیشتر

 

تو به عمرت غزوه ها را دیده ای

 

از چه امروز این چنین ترسیده ای

 

ذوالجناح شاه اقلیم حجاز

 

پس زبان بی زبانی کرد باز

 

کی هزاران جان من قربان تو

 

عالم و آدم فدای جان تو

 

عالم ذرات چون ایجاد شد

 

هر کسی پابند استعداد شد

 

در میان جمله اوهام و عقول

 

خود نمودم خوی حیوانی قبول

 

تا چنین روزی تو گردی صاحبم

 

من شوم مرکب، تو گردی راکبم

 

باکم از این فرقه خونخوار نیست

 

شیر را از روبهان زینهار نیست

 

در دو عالم باشدم این افتخار

 

که به پشتم عرش حق دارد قرار

 

لیک ای مولای بی همتای من

 

دخترت افتاده روی پای من

 

بسته ی من بسته ی موئی شده

 

پای بندم تار گیسوئی شده

 

چشم گردون گریه بر حالش کند

 

بشکند دستی که پامالش کتد

 

اندر آن دم شاه دین از پشت زین

 

دیده حق بین فکند اندر زمین

 

دید بانوئی ز خیل کودکان

 

بسته بر پای فرس راه توان

 

با شتاب از پشت زین آمد به زیر

 

آسمانی بر زمین شد جای گیر

 

دختر خود را سر زانو نشاند

 

بر رخش آبی ز چشم تر فشاند

 

گفت بابا مانع کارم مشو

 

نو گل من خوار گلزارم مشو

 

دخترم خون در دل بابا نکن

 

مطلبی داری بگو پروا نکن

 

راه عشق است این عنانگیری چرا؟

 

میزنی آتش چرا بر جان مرا؟

 

دختر شه با نوایی جان گداز

 

عرض کرد ای خسرو ملک حجاز

 

در فلان منزل که ماءوامان بدی

 

باخبر از کشتن مسلم شدی

 

قلب پاکت شد از آن غم ریش ریش

 

دخترش را خواندی اندر نزد خویش

 

دست رافت برکشیدی بر سرش

 

تسلیت گفتی شها بر مادرش

 

ای همایون قبله ارباب جود

 

پرسش حال یتیمان از تو بود

 

بعد تو پرسد که از احوال من؟

 

یا که واقف می شود از حال من؟

 

آخر ای سرچشمه لطف عمیم

 

می شوم من ساعت دیگر یتیم

 

برکش اکنون دست رافت بر سرم

 

حالیا جزو یتیمان بشمرم

 

شه ز رویش اشک حسرت پاک کرد

 

آتش اندر خرمن افلاک کرد

 

از فغانش جامه طاقت درید

 

دست رافت بر سر دختر کشید

 

گفت بابا خیز و سوی خیمه شو

 

هم صدا با مادر و با عمه شو

 

غم مخور زینب بود غمخوار تو

 

هست او در هر مصیبت یار تو

 

اشگریزان آن غریب تشنه کام

 

گفت با دختر علیکن السلام

 

اندرین جا خامه ی طاقت شکست

 

طوطی طبع (عظامی) لب ببست.

 

شاعر : مرحوم سید علی قائمی متخلص به عظامی

 

*****************

 

وداع حضرت امام حسین (علیه السلام)

 

نقدر ساقی غم، ساغر شراب دوتار

 

او قدر دردیله الفت، بو دل خراب دوتار

 

آلوبدی قلبیمین اوستین، قرا بولود کیمی غم

 

بهارده چمن اوستین نجه سحاب دوتار

 

من ایستورم غمیله الفت ایتمیوم، اما

 

منیله الفت او، چون باوفا صحاب دوتار

 

محبت اهلنه درد و غمین، محبتی وار

 

بولوب که راحت آتار، اهل دل عذاب دوتار

 

حسینه باخ نجه گوزدن هامی جهانی آتار

 

رضای یاری مقدم، او مستطاب دوتار

 

حرملرینی اوتوزمین جماعت ایچره توکور

 

گیدور ئولوم یولونا، مرکبین شتاب دوتار

 

بونون وداعنه عصرین امامی چوخ آغلار

 

اگر چه یاسنی هر یرده شیخ و شاب دوتار

 

نجه وداعیدی؟ نه آیرلیق؟ نه هنگامه؟

 

یازیلسا شرحی، هامی عالمی کتاب دوتار

 

سوسوز امام گیدور، قزلاری ایله آغلور

 

سوسوزلوق اولماسا روی زمینی آب دوتار

 

علاوه آیریلقین وار اوزینده ایله بیر اود

 

او مشتعل اولا، اود طاق نه قباب دوتار

 

ابوتراب بویوردی وداع اولان یرده

 

سرشگ اولماسا، شعله یقین تراب دوتار

 

حسین ایستوری گیتسون، اوشاقلار ال چکمور

 

عباسین عاتکه سی، دامنین رباب دوتار

 

سو یوخدی دولدوروب اشگیله گوز پیاله سینی

 

سکینه سی عوض شیشه گلاب، دوتار

 

یولا سالاندا باجی قارداشین مسافرته

 

بیر الده آئینه، بیر الده جام آب دوتار

 

ولی بو امره خانم زینبون یولی یوخیدی

 

بو باره دن دلنی غصه، بی حساب دوتار

 

یولا دوشنده مسافر آلوب، اوپر قرآن

 

بو رسم عالمی منظور، اول جناب دوتار

 

قویار دوداقلارینی فخر ساجدین یوزینه

 

دوباره تشنه لبی، تبدن التهاب دوتار

 

باخار بو رسمدی آئینیه دوشنده یولا

 

مسافریکه اوزاق بیر سفر صواب دوتار

 

شهید عشقده، مرآت حق نمایه باخار

 

جمال یاری گورر، قلبین انقلاب دوتار

 

که یعنی حسرتیله زین العابدین یوزینه

 

باخار، ایکی یولا توشه او پور و باب دوتار

 

باجیسی گوردی حسین، چوخ باخور اویان بویانا

 

گوزینی حسرت اوزیله سرشگ ناب دوتار

 

دئدی حسین بئله حسرتیله صاق و صولا باخما

 

بو خسته قلبیم او باخماقدان اضطراب دوتار

 

سنی بو حالیله یالقوز گورنده، یاشلی گوزوم

 

مگر شکسته گوگل اوز یرینده تاب دوتار؟

 

غم ایتمه قالمیوب عباس و اکبر و قاسم

 

مکدر اولما، سنه زینبون رکاب دوتار

 

باخوب فراته طرف، چکمه آهی آه اوسته

 

لوای عشقی بو کلثوم دلکباب دوتار

 

هوا چوخ ایستی دی، بو سهلدور سوسوزلوق وار

 

علاوه گون یوزیوی تاب آفتاب دوتار

 

باشی اوسته چتر کیمی دود آهی آچارام

 

گونون قباقینی آخر، او احتجاب دوتار

 

یازاندا (شانی) بو در خوشابی(خوشخوانه)

 

خجالتندن اوزین لوءلوء خوشاب دوتار

 

شاعر : مرحوم استاد حسین شانی

 

**************************

 

زبانحال حضرت امام حسین (علیه السلام)

 

با حضرت زینب کبری (سلام الله) هنگام وداع 

 

گوره سن گر منی عریان گینه صبر ایله باجی

 

اولموشام قانیمه غلطان گینه صبر ایله باجی

 

یازیلیب لوح بلاده منه اولماق سنه صبر

 

حق یولوندا گرک ایتماخ ستم دشمنه صبر

 

باخ ولی ایله باخان وقته بو پیراهنه صبر

 

که اولور پارهء پیکان گینه صبر ایله باجی

 

نقش صبریله گرک سینوی منقوش ایده سن

 

نقد جانیله جفا جامین آلیب نوش ایده سن

 

کعبه قبریده گر یتسه فراموش ایده سن

 

زحمت خار مغیلان گینه صبر ایله باجی

 

نجه کی وقت خزان شور دل بلبل اولور

 

مهربان باجیه قارداش اولومی نسگیل اولور

 

سییما بیله کمک سیز قالا چوخ نسگیل اولور

 

سهل دور جان ورم عطشان گینه صبر ایله باجی

 

باجی بو عرصده من ظلمیله قانه باتارام

 

قانیمی اکبریمین قانینه آخر قاتارام

 

خاک و خون ایچره دوشوب شوقیله راحت یاتارام

 

اولورام خاکیله یکسان گینه صبر ایله باجی

 

زینبیم آغلاما چوخ تاب ایله گلمه دله سن

 

ویر رضا امر قضایه باجی ایتمه گله سن

 

دستهء درد و غم و محنته سرسلسله سن

 

شامه شومه کیمی اولسان گینه صبر ایله باجی

 

فوت اولور وقت شهادت یتیشوب حکم قضا

 

ال گوتور تا که گیدوم ایمدی خداحافظ اولا

 

من گیدندن صورا بو سن باجی بو دشت بلا

 

خیمه گاهون اولا سوزان گینه صبر ایله باجی

 

قتلگاه ایچره گورنده بو حسین قارداشوی

 

زینبیم آغلاسان آغلا یوزه توک گوز یاشوی

 

آچما اما باجی دشمنلر ایچینده باشوی

 

زلفوی ایلمه افشان گینه صبر ایله باجی

 

اولدورللر منی ایلله سنی ناقه سوار

 

شام شومه آپارور شمر لعین طرفه قطار

 

آل طاهانی گوررسن کی اولور خرد و کبار

 

سینه سوزان و پریشان گینه صبر ایله باجی

 

چکجاق دور فلک جمله گذرگاهه سنی

 

دستگیر ایلیه جاق دشمن بد خواهه سنی

 

تاپشوررام سنه اطفالیمی اللهه سنی

 

سنسن امید یتیمان گینه صبر ایله باجی

 

جان سنون جان منیم اطفالیمون ای جان عزیز

 

جان ویرندن صورا من اودلاناسوز آتشه سیز

 

ووراجاق قوم عدو ایلسوز اول وقته گریز

 

جانب دشت بیابان گینه صبر ایله باجی

 

سن گرک عابد بیماره پرستار اولاسان

 

غم گونی لیلی غم پروره غمخوار اولاسان

 

خیردا اطفالیمه شام ایچره هوادار اولاسان

 

چکه سن رنج فراوان گینه صبر ایله باجی

 

کوچه و بامیده صف صف دورا گر قوم عنید

 

منی اولدورماق ایچون ایلیه لر عشرت و عید

 

خیزران چوبی آلاندا اله ظلمیله یزید

 

اولا منظور بو دندان گینه صبر ایله باجی

 

(هندی) روسیهون واردی زیارت هوسی

 

کربلاده وار امیدی اولا آخر نفسی

 

دیه بو وردی چیخا صفحهء افلاکه سیی

 

گوره سن گر منی عریان گینه صبر ایله باجی

 

شاعر : مرحوم هندی

 

 

****************************

 

زبانحال حضرت زینب کبری (سلام الله)

 

در آخرین وداع حضرت امام حسین (علیه السلام)

 

حسیـن تعجیللن گئتمه ایاق ساخلا دایان قارداش

 

دالونجه گورگوزوم یاشی نجه اولموش روان قارداش

 

دوشوبدور جانیمه رعشه گلوبدور خاطریم درده

 

گوزوم یاشـی آخار آمال کاریم نقش اولور یئرده

 

بویور قارداش گوروم گئتسن گلورسن خیمیه بیرده

 

و یا اینکه امان وئرمز سنه بو کوفیان قارداش

 

سنـه زحمتدی عرض ائتسم من نالانی بیر دیندیر

 

و یا کی تک به تک بو جمع سرگردانی بیر دیندیر

 

جوان اوغلی اولوب قلبی یانوب لیلانی بیر دیندیر

 

یاخوندی آیریلا روحی ائده تسلیم جان قارداش

 

شرار نار هجرانه وروب بیله اتک گئتمه

 

سنی یالقوز گوروب روحیم گلور آردونجه تک گئتمه

 

یول اوسته صف چکوب هشتاده تک قاره لئچک گئتمه

 

دولان بیر اهل بیتون گور نجه ایلر فغان قارداش

 

سکینه مرغ بسمل تک حسین چوخ اضطراب ایلر

 

اونون اول مضطرب حالی منی بی‌صبر و تاب ایلر

 

ایله حسرت باخور آغلور ئوره‌‌ک باشین کباب ایلر

 

تسلـی وئـر اولا آرام بلکـه بیـر زمان قارداش

 

آنام زهرادن ازل گون دؤزوم سرمشقنی آلدیم

 

جهاندا هر غمه دؤزدوم عجب دور اؤلمدیم قالدیم

 

اولوم میداننـه آخر سنی عطشان یولا سالدیم

 

منیم تک بیر مصیبت‌کش وئرن یوخدور نشان قارداش

 

آتام رحلت ائدن گوندن اگر چه شور و شینیم وار

 

حسین ایله حسن تک من دیردیم نور عینیم‌وار

 

حسن کی گئتدی دنیادن دئدیم قارداش حسینیم وار

 

گئدورسن سنده بس نیلوم من بی‌خانمان قارداش

 

دایان اطرافوی بیرده حسین اهل حرم دوتسون

 

دئمه‌ شه سن سپاهون یوخ سنی نامحترم دوتسون

 

اجازه وئرقباقنده باجین زینب علم دوتسون

 

شکسته گورمسون حالون باخاندا کوفیان قارداش

 

بو قدری بی‌پناه عورت اوشاق غربت ولایتدی

 

بدنلر بیـد تک لرزان حسین گویا قیامتدی

 

سنی اؤلدورسه‌لربوللم بو قومون قصدی غارتدی

 

نه باشلاردا قالار معجر نه رخت بانوان قارداش

 

شاعر : مرحوم شهاب

 

 

وداع حضرت امام حسین (علیه السلام)

 

گل ای جفای فلکدن قدی کمان زینب

 

زمین ماریه ده زار و ناتوان زینب

 

گیدن دمشقه کیمی شمر شوم النده اسیر

 

دیار کوفه ده زنجیره باغلانان زینب

 

بو گورماقیم سنی چون آخرین وداعیمدور

 

دوباره گوماقا یوخدور داخی گمان زینب

 

سنیله وعده دیدار محشره قالدی

 

بیله مدار ایلدی دور آسمان زینب

 

وصیتیم بودی صبر ایله ای وفا کانی

 

گلنده قتلیم ایچون شمریله سنان زینب

 

گورنده شمر گلور الده خنجر خونخوار

 

مباد یالواراسان شمره الامان زینب

 

اوزوم بلانی قبول ایتموشم ازل گوندن

 

گلور ظهوره بو گون بیر به بیر عیان زینب

 

کسر بو گون باشیمی شمر یدی ضربتیله

 

گرک ویرم ره جاناندا تشنه جان زینب

 

اوز اختیاریمیله ویرموشم قضایه رضا

 

بلایه سینه می ویرم اوزم نشان زینب

 

دوشر بو گل بدنیم پاره پاره صحرایه

 

اولور بو قانلی باشیم زینت سنان زینب

 

عیالیمی سنه تاپشوردوم ای حیا کانی

 

یتیم اوشاقلارا غمخوار و پاسبان زینب

 

بلا نقدر گلور سن بلایه صبر ایله

 

وفالی عاشقی ایلله امتحان زینب

 

ملول اولما اگر شام پرجفاده سنه

 

خرابه یر ویره لر منزل و مکان زینب

 

اگرچه شمر آپارا مجلس یزیده سنی

 

مباد ترک ایده سن صبری بیر زمان زینب

 

او وقت خرمن صبر و قراره ویرما شرر

 

ویراندا لبلریمه چوب خیزران زینب

 

شفاعتیم گچه جاقدور (حقیره) محشرده

 

اولوب مقدمه شامه نوحه خوان زینب

 

شاعر : مرحوم حقیر خویی

 

 

**************************

 

وداع حضرت امام حسین (علیه السّلام)

 

ای گوهر گنجینۀ عصمت باجی زینب

 

بانوی سراپردۀ عفت باجی زینب

 

چون یازدی قضا دفترینه منشی تقدیر

 

دیباچه ده بیر کلمۀ عشق ایلدی تحریر

 

بیر حرفینه معنا گتوروب ایلدی تفسیر

 

مضمونی اولوب سرّ شهادت باجی زینب

 

درج ایلدی بیر کلمه ده اوچ حرفله اسرار

 

تا اوّل حرف عشقدن عین اولدی پدیدار

 

رمزیله عطش سرّین ایدوب غیبدن اظهار

 

گوستردی او معنا بیله صورت باجی زینب

 

عین اولدی عیان شینه اولوب قافده ملحق

 

تأویل اولونوب قتله یتر عاشق مطلق

 

هم قتل شهادتدن اولوب عشق آدی مشتقّ

 

بو عشق منیله دوتوب اُلفت باجی زینب

 

بو سرّ ازلدن اوزی بیر سرّیدی مستور

 

من عشقی عیان ایلدیم آفاقده مشهور

 

معشوق بو مطلبده گوروب بیر منی منظور

 

بو منصب اولوب بیر منه قسمت باجی زینب

 

ایستر منی عالمده بلا ، منده بلانی

 

ترک ایلمرم کوی محبّتده وفانی

 

کیمدور ره معشوقده ویرسون سر و جانی

 

عاشقده بودور رسم محبّت باجی زینب

 

عهدیم بودی جانانمله کوی وفاده

 

لب تشنه یتم قتله بوگون کرب و بلاده

 

من قتلی قبول ایلمشم قالوا بلاده

 

احیا اولا تا دین و شریعت باجی زینب

 

اوّل قدم عشقده باغلاندی بو پیمان

 

عاشق قویان آدین ایلسون ترک سر و جان

 

ایستر سه اگر باشیمله جانیمی جانان

 

جانویرمگه وار جانیمه منّت باجی زینب

 

تسلیم و رضا اول باجی تقدیر و قضایه

 

ثابت قدم اول عشقده صبر ایله بلایه

 

مخصوصدور عالمده بلا اهل ولایه

 

عاشقلر ایچوندور بو کرامت باجی زینب

 

سنسن باجی مندن صورا سر خیل اُسرایه

 

تاپشوردوم امانت سنیده ظِلّ خدایه

 

چون دوست منی دعوت ایدوب بزم لقایه

 

لازمدی ایدم منده اجابت باجی زینب

 

گورسن یتورور قتله منی فرقۀ اشرار

 

یا حنجریمه شمر قویوب خنجر خونخوار

 

صبر ایله چتیندور بو مصیبت باجی اغیار

 

طعن ایلیه یا اینکه شماتت باجی زینب

 

گورجک که دوشوب معرکه ده پیکریم عریان

 

ایتمه اوجادان شیونیله ناله و افغان

 

صبر ایله مبادا ایده سن چاک گریبان

 

وُرما یوزیوه ناخن حسرت باجی زینب

 

هر کیمسه منی یاده سالوب ایلیه فریاد

 

البتّه جهنمدّن اونی ایلرم آزاد

 

مندن بو «حقیر» امّته وار حشرده امداد

 

دستیمده دی طومار شفاعت باجی زینب

 

شاعر : مرحوم حقیر خویی

 

*********************

 

وداع حضرت امام حسین (علیه السلام)

 

امین وحی بر آن تشنه گر رکاب نگیرد

 

قرار در لب کوثر ابوتراب نگیرد

 

برادری که به اسب اجل کنند سوارش

 

ز آهن اردل خواهر بود رکاب نگیرد

 

فشاند دختر زهرا به راه شاه گلابی

 

که آسمان ز گُلی آن چُنان گلاب نگیرد

 

گشود طرّه و مه را به زیر ابر نهان کرد

 

زنی که آئینه بر رویش آفتاب نگیرد

 

جهان شراره بگیرد ز نور مهر جمالش

 

اگر ز پرده ی عصمت به رخ نقاب نگیرد

 

لبش ز سوز عطش خشک گشته جای عجب نیست

 

به شاه ختمِ فَتَحنا اگر رباب نگیرد

 

رقیّه آب بپاشید ز اشک چشمه ی چشمش

 

فرات در خور آن چشمه خود سراب نگیرد

 

شاعر : مرحوم حسینی سعدی زمان

 

*******************

 

وداع حضرت امام حسین (علیه السلام) 

 

ایتمیشم ایجاب دعوت حیّ اعلادن باجی

 

وقت اولوبدور آیریلام من آل طاهادن باجی

 

آختاروردوم عالم هجراندا چوخداندور وصال

 

ایلیم اغیاریدن گیزلین نگاره کشف حال

 

آچمیشام تیریله ایمدی اوج وصله پرّ و بال

 

تا ایدم پرواز اعلایه بو سفلادن باجی

 

قارداشون بایِعدی باجی، مشتری ذات خدا

 

جان ثمن مثمن وصال خالق ارض و سما

 

گرم اولوب بازار محنت باشلانوب بِیع و شِری

 

ویرسم باش یتمرم سوده بو سوداده باجی

 

ثبت ایدن گون بو گونون وضعین مشیّت خامه سی

 

انبیانی حیرته سالدی بلا هنگامه سی

 

گوردولر بیر کهنه کوینک دور شهنشه جامه سی

 

شانه خالی ایتدیلر بیله قضایادن باجی

 

انبیا و اولیادن ویرمدی بیر کس بلا

 

من دیدیم بیر تک بلا گَلدی ظهوره هر بلا

 

سن شریکیم سن، محلّ امتحانیم کربلا

 

قائل لفظ بلی قاچماز بلایادن باجی

 

من او گون گوردوم ایدن بو باب عشقی افتتاح

 

باش گرک ویرسون باجی تا پیروی تاپسون فلاح

 

حرمتین حتک ایلین لر قانینی بُلسون مباح

 

مصدر اولسون لفظ ثاراللهه معنادن باجی

 

ایمدی تصمیم ایتمیشم اوز عهدیمون ایفاسینه

 

قانیمیله سو ویرم تا کربلا صحراسینه

 

ساچلاری اَلده آنام گَلسون حسینون یاسینه

 

ناله سی افلاکه اوج ایتسون بو صحرادن باجی

 

صبریمی الدن آلوب شوق حضور بزم یار

 

دوغرانوب اکبر، اَلوب قارداشلاریم، یوخ غمگسار

 

من غریبی ذوالجناحه ایمدی کیم ایلر سوار

 

بو کومکسیز دوشمسون تاخیرده دعوادن باجی

 

ای آنام زهرا عزیزی توکمه گوزدن گوزیاشون

 

آغلیوب آغلاتما بیر بیله یارالی قارداشون

 

ویرمه الدن اوز وقارون، صبر ایله آچما باشون

 

دوز، دایان هر ظلم گورسن قوم اعدادن باجی

 

آغلاما، باخما یارالی باشیمه، گوز یاشیمه

 

هاشمیّاته خبر ایله یغشسون باشیمه

 

قویما داد ایتسون، تسلّی ویر بنات هاشیمه

 

تک به تک آگاه ایله اجر شکیبادن باجی

 

خیمه دن چخما کناره، عجز قیلما دشمنه

 

قولّارون باغلانسا صبر ایت، گلمه داد و شیونه

 

گر سنه اولسا شمادت چوه موثّردور منه

 

یوخ بیوک بیر غم منه بو درد عظمادن باجی

 

آی آتام شیر خدانونشیره بنزر دختری

 

شیردور شیر ایستر اولسون ماده سی یا کیم نری

 

جلوه گر سندن گرک اولسون شئون حیدری

 

سن کیمی بیر قیز گرک اول شیر هیجادن باجی

 

قدرت ا..َ. دور آتان ای قدرت یکتا قیزی

 

عصمت ا..َ. دور آنان ای عصمت کبری قیزی

 

باشین آچماز، زلفینی یولماز باجی زهرا قیزی

 

سن که سرمشق آلموسان صبرونده زهرادن باجی

 

تشنه لب قانه بویانسام بو لب دریاده من

 

خار و خسدن جسمیمه باد صبا ایتسه کفن

 

موج اشکون گوزده تشبیه ایلمه دریایه سن

 

گورمسون دشمن گوزی گوهر او دریادن باجی

 

رسمدور آغلار او کس که قلبینی غم داغلاسا

 

نیز ده من آغلارام امّا رقیّم آغلاسا

 

آغلاسون قویما بالام دشمن قولونی باغلاسا

 

چوخ علاقم وار اونا سایر صبایادن باجی

 

روحیم اینجیر گر او طفل ناتوانیم اینجیسه

 

دلده قالماز طاقتیم روح روانیم اینجیسه

 

جانیمه زحمتدی چوخ آرام جانیم اینجیسه

 

بیر دقیقه گوز گوتورمه اول دل آرادن باجی

 

سرپرستی سن سن ای باجی بو باشسیز عترتین

 

قوی منه منّت اگر چکسن سکینه زحمتین

 

قویما نیلی ایلسون سیلی صفیّه صورتین

 

با لطافتدور یوزی چون برگ رعنادن باجی

 

گَل الیندن آل منی بو قیزلارین، تیز سال یولا

 

قویما امّا قیزلاریم مندن صورا زلفین یولا

 

باغلانور گورسن نوامیس نبوّت قول قولا

 

قویما یالوارسونلا شمره خوف ایذادن باجی

 

سوگُلیمدور، قلبیمون آرامیدور نازلی رباب

 

بسلنوبدور نازیله ایتمز قوری یرلرده خواب

 

سینوه آل جان تک ای آرام جان بوتراب

 

قیل نوازش، اوپ لب لعل شکرخادن باجی

 

اول مواظب بانوان مُلک عزّ و جاهیدن

 

قویما چخسونلار کناره باش آچوخ خرگاهیدن

 

گرچه شهزاده دوزنمز آیری دوشسه شاهیدن

 

سن ولی سس قویما چخسون آل قُربادن باجی

 

گُلشنه باد سموم اسسه عیاندور گُل سولار

 

هکذا قلبه مصیبت یوز ویرنده گوز دولار

 

داغ دیده، نوجوان مرده، آچار باش، ساچ یولار

 

یوخ مذمّت هر عمل باش ویرسه ثکلادن باجی

 

سن ولی جِدّیّتونله ایله چوخ چوخ اهتمام

 

قویما لیلانون ایشیتسون ناله سین قوم ظلام

 

هم منیم روحیم سیزیلدار،‌هم گُلر اشرار شام

 

وای اوغول وای ناله سی اوج ایتسه لیلادن باجی

 

آغلاما اطفالیمی آغلاتما، دولدورما گوزون

 

چوخ مصیبت وار قاباقدا ایمدیدن یورما گوزون

 

هر مصیبتده شهامت گوستَرون، یکسر دوزون

 

صبره شیرین دور ثمر شهد مصفّادن باجی

 

راس سعدیّ زمان شوریله چوخ پرشوردور

 

اوز اَلیمله چکدیقی زحمتلره ماجوردور

 

قویمارام ذلّتده قالسون، خدمتی منظوردور

 

سهمی واردور عزّت دنیا و عقبادن باجی

 

شاعر : مرحوم حسینی سعدی زمان

 

*********************

 

وداع حضرت امام حسین (علیه السّلام) و گریز به قتلگاه

 

وقت او وقت اولدی حسین ترک ائلسون ائللرینی

 

باغبان ایستدی گورسون سارالان گللرینی

 

زینبین سسلدی اظهار ائده نسگلرینی

 

باجیسین خیمه قباقینده گوروب زار و ملول

 

گوگلون آلسون قاباقا گلدی او دلبند بتول

 

یوزونی دوتدی حسین زینب زهرا شیَمَه

 

تاب ائدوبسن دئدی بوچولده هامی رنج وغمه

 

ای اولان یاور وغمخوار بو اهل حرمه

 

قدرت نطقه باجی فاطمه تک داراسن

 

منیم ایستگلی باجیم نائبهٔ زهراسن

 

دئیورم لحظهٔ هجراندا سنه سوزلریمی

 

قانه غلطان ائلیوب قوم دغا لشگریمی

 

وئرمیشم حقّه فدا اکبریمی اصغریمی

 

بو بیاباندا گورورسن هامی انصاریم ئولوب

 

بیر کسیم قالمیوب عباس علمداریم ئولوب

 

یتمیش عاشق هدف عشقه چاتیبدور بیلوسن

 

منده کی حال غم افزانی باجی سن گوروسن

 

عازم جبههٔ جنگم منی الدن وئروسن

 

آیریلیق وقتیدی زینب دم فرقت یتیشوب

 

صف عشّاقیده الان منه نوبت یتیشوب

 

حرم ختم مآبی سنه من تاپشورورام

 

عترت قلب کبابی سنه من تاپشورورام

 

بینوا غملی ربابی سنه من تاپشورورام

 

بیلورم ئولدوره جک آل اُمیّه بالامی

 

هامیدان چوخ باجی سن گوزله رقیّه بالامی

 

مهِ عصمت باشوا ییغ هامی اولدوزلاریمی

 

ساخلا سن زیر پرونده بالاجا قیزلاریمی

 

دای قیتمک منه یوخ گوزله آدامسیزلاریمی

 

یوزومه گوزیاشیمی ایندی روان ائتملیم

 

سن حلال ایله حسینی باجی من گتملیم

 

سوزوی پایانه یتوردی غرض ارباب حُمام

 

زینبی دیندیروب القصّه دیله گَتدی امام

 

آچدی باب سخنی زینب مرضیه مرام

 

باخدی باخدی دئدی ای فاطمیه نور دوعین

 

حرمین سن سن امیدی بیزی تک قویما حسین

 

هدف پاکوه اصلاً دئمورم یتمه اخا

 

داریخان قلبیمی آماج بلا ائتمه اخا

 

دم غنیمتدی بیر آز صبر ائله تئز گِتمه اخا

 

باشوه عترت طاهانی دولاندیر صورا گت

 

شمع حق سن من پروانه نی یاندیر صورا گت

 

تنگه دوشموش بومصیباتیده زینب نفسی

 

او قَدَر آغلادی انصاره باتوب خسته سسی

 

داخی سندن صورا بو زینبیون یوخدی کسی

 

وار باشوندا بیلورم نقشهٔ پیکاروجدل

 

اذن وئر زینب ائده ائتدیگی پیمانه عمل

 

وقتیدی عهدیمون اوسته گرک ایندی دایانام

 

کهنه بیر پیر هنون منده وار ای شاه انام

 

ئوز الیلن توخیوبدور اونی مظلومه آنام

 

بیر وصیّت ائلیوب مادر غمدیده منه

 

هر نه زهرا بویوروبدور دئیورم منده سنه

 

منی آگاه ائلیوب فاطمه غم ساعتینه

 

بویوروب وقت وداع آغلا حسین محنتینه

 

کهنه پیراهنی گیدیر بالامون قامتینه

 

زینبیم درک ائله مجروح آنوین سوز و سازین

 

آیریلان وقته حرمدن ئوپ حسینون بوغازین

 

آیریلیق ساعتیدور صبر ائله ای فخر اُمم

 

قلبیمی درده سالوب موسم هجراندا بوغم

 

امر زهرادی وداع وقتی بوغازوندن ئوپم

 

سن دعا ایله حسین زینب غم پروروی

 

باشووی عرشه طرف دوت قوی ئوپوم حنجرووی

 

قالخیزوب سمت سمایه باشینی شاه حجاز

 

سینه و باش آراسی فاصله گورسندی بیر آز

 

ئوپدی قارداش بوغازین زینب او دم محرم راز

 

دئدی ایندی یولا دوش دفع ائده الله خطرون

 

سنی تاپشوردوم حسین حقّه سلامت سفرون

 

ناگران اولما حسین جان علمون ساخلیارام

 

سینمی نار فراقونده اخا داغلیارام

 

گلرم مقتله قارداش یارووی باغلیارام

 

قلبیدن دور ائلدیم روز ازل واهمه نی

 

وصل جانانه چاتان وقته چاغیر فاطمه نی

 

ای قلم یاز بوسوزی دفتره توگ گوزیاشینی

 

مقتل قارداشا زینب چاتوب آچدی باشینی

 

باجی اما تانیا بیلمدی ئوز قارداشینی

 

دئدی ای گلشنینه باد مخالف اسیلن

 

دور باجون زینبی دیندیر باشی دالدان کسیلن

 

ای کریما نیه غارت اولونوب پیرهنون

 

تکّه تکّه داغیلوب مقتله عضو بدنون

 

گون اذیت ائلیورجسموه یوخدور کفنون

 

گور نه اندازه آتوب قوم دغا جسموه داش

 

سنی بو حاله سالانون ائوى ويران اولا كاش

 

حبذالله ره تقواده اولوب هر عملون

 

یتیشوب حیطه ی عشقونده مسلّم اجلون

 

باشووى شمر كسوب بس هانى جسمونده الون

 

اى هَزار علوى نغمه ى هجرانى اوخى

 

كيم ويروب قلبوون اوسته گوزلیم اوچ پر اوخی

 

«صمدی» صاحب عصرون بوگوزل امرینه باخ

 

وی وداع روضه سینی شرح وئرن اجرينه باخ

 

اى يازان وى اوخيان زينبيمون صبرينه باخ

 

كلّ عشّاقه وارى زين ابون مرحمتی

 

ايكى دنيانى سالوب حیرته والا سِمَتی

 

شاعر : نادرصمدی اردبیلی

 

****************************

 

وداع حضرت امام حسین (علیه السلام)

 

دولوب غمیله گوگل یوخدی بیر نفر غمخوار

 

بو غملریله ایدوم دردیمی کیمه اظهار

 

دولوبدی قانه گوگل درد و غصه و غمدن

 

گواهدور اوزی بو حاله واقف الاسرار

 

بلا کمندینه صیاد غم سالوبدی منی

 

قضا الی منی آهو کیمین ایدوبدی شکار

 

گرک سرشکمیله دم به دم ویرم صیقل

 

دوتوبدی آئینه قلبی بسکه زنگ غبار

 

گیجه صباحه کیمی آغلارام یانار جگریم

 

انیسدور منه پروین و ثابت و سیار

 

نه عمردور که بیله دویموشام حیاتیمدن

 

ایدوبدی خلق آرا بو چرخ کینه جو منی خوار

 

آلیدی جانیمی کاش ایندی قابض الارواح

 

فراق باشه یتیدی اولیدی وصل نگار

 

نه عصردور که بیله پایمال اولوب اسلام

 

تفاخر ایلوری اسلامه فرقه زنار

 

شریعت نبویده قویوبلا چوخ بدعت

 

یاخوندی قهره گله حی واحد قهار

 

قویوب بو بدعتی اولده دشمن ملعون

 

وروبدی درگه خیرالورایه ظلمیله نار

 

قاپی آلشدی یانوب یاندی حضرت زهرا

 

شرار آهیله کون و مکانه سالدی شرار

 

شکست اولوبدی قولی محسنی شهید اولدی

 

الینده قولدا واریدی او ظلمدن آثار

 

دینمورم نجه عرض ایلیوم دیلم یانسون

 

قاپی یاناندا کچوب بطنینه دمیر مسمار

 

رواج دینیدی صبر ایلیوب خانم دوزدی

 

اونا نه قدر جفا ایتدی قوم کج رفتار

 

همین بو دینیدن اوتری ایدنده طاعت حق

 

بویاندی سجده ده القانه حیدر کرار

 

همین بو دینیدن اوتری شهادته یتوشوب

 

عیال حضرت یاسین جمله خرد و کبار

 

همین بو دینیدن اوتری شهنشه حرمین

 

عیالینی گوتوروبدور وطندن اولدی کنار

 

دیار کرب و بلاده کمکلر اولدی شهید

 

قالوبدی یالقوز او شاهنشه فلک دربار

 

گلوبدی خیمه لره ایتسون اهلبیتی وداع

 

چخوب خیامیدن اول دمده عترت اطهار

 

احاطه ایتدیلر اطرافینی او مظلومین

 

توکوبله اشک بصر همچو لولو شهوار

 

تمام ، ایتدی وداع اهل بیت اطهاری

 

گلوب حضوره او دم زینب خجسته شعار

 

دیدی حسین هامونی بیر به بیر وداع ایلدون

 

گلمیوبدوله بو خیمه ده ایکی بالا وار

 

تواضع ایله بویور ایتگیلن وداع اولاری

 

اولاردا بس که عطش قویمیوبدی صبر و قرار

 

قباقجا زینب کبرای دالیجا شاه شهید

 

اولوب او خیمیه داخل به دیده خونبار

 

گوروب قویوبلا قوری توپراقا اورکلرینی

 

یاتوبلا یوزلری اوسته به حال زار و نزار

 

او ایکی طفلی ازل سسلیوب خانم زینب

 

جواب گلمدی اولموبلا خوابیدن بیدار

 

یتوبدی زینب . الیله ویروبدی بیر حرکت

 

بو غصه دن یری وار گر جهانه دوشسه شرار

 

باخوب نه گوردی عطشدن اولوبله هر ایکیسی

 

اولوبدی دیده لرینده ایشخلی گوندوزی تار

 

یانا یانا قیدوب عابدین ، خیمه سینه

 

بالخ کیمین چابالور گوردی عابد بیمار

 

مریض امام گورنده غریب آتاسی گلور

 

بویوردی حضرت گلثومه اول امام فکار

 

گل عمه جان منه اول تکیه گاه بیر دوزلیم

 

گلور عیادتیمه سبط احمد مختار

 

ایدوبدی عمه سینه تکیه دوردی اگلشدی

 

یتشدی خیمیه تا اینکه سید الاخیار

 

سوال ایتدی او دم کیف حال یا ولدی

 

مریض امام ،ایدوب حمد قادر و قهار

 

دیدی بو قومیله اولدی ایشوز هارا منجر

 

جواب ویردی او دمده امام عرش و وقار

 

بوگون اوغول اولارا قالب اولدی چون شیطان

 

اولوندی جنگ الولاندی رزمگاهیده نار

 

بویاندی قانینه بیر جمع بیزدن اولدی شهید

 

نچه برابر اولارداندا اولدی موته دچار

 

ایشتدی تا بو سوزی توکدی گوزیاشین سجاد

 

غریب آتاسینه یوز دوتدی باشلادی گفتار

 

دیدی بابا هانی بس جدیمون حبیبی حبیب

 

جواب ویردی اوغول اولدوروب اونی اشرار

 

سوال قیلدی هانی مسلم و بریر و زهیر

 

امام کلمه موتی ایدوب گینه تکرار

 

ددی بابا دئیورم بس هانی عموم عباس

 

جواب ویردی باتوب قانه اول سپهسالار

 

یانا یانا سورشوب نولدی بس جوان قاسم

 

بویوردی ظلمیله اولدی شهید او لاله عذار

 

علی اکبر شهزاده نی ایدنده سوال

 

امام دینمدی اشکین توکوب چو ابر بهار

 

بویوردی بیر سنیله مندن اوزگه بول بو قدر

 

ذکور طایفه سی قالمیوبدی بیر دیار

 

او قدر آغلادی غش ایتدی سید سجاد

 

گلنده هوشه او بیمار خسته و تبدار

 

دیدی دور عمه منه بیر قلج گتور بیر عصا

 

ددی قلنج و عصانی نیدورسن ای بیمار

 

جواب ویردی آتام تک قالوب بو صحراده

 

بابام حسینه گیدوب ایلیوم بو جانی نثار

 

ایشتدی تا بو سوزی پادشاه عرش مقام

 

بویوردی ایتمه اوغول سن بو مطلبه اسرار

 

منی بو چولده بو گون اولدورله اهل جفا

 

گیدونجه شامه سن اول اهل بیتیمه غمخوار

 

مریض امامی وداع ایتدی خیمه دن چخدی

 

مدار عالم امکانه نقطه پرگار

 

بویوردی کیمدی منیم ذولجناحیمی گتوره

 

من غریبه بو صحراده قالمیوب انصار

 

گلوب حضورینه علیا مکرمه زینب

 

ددی کی ای آدی سلطان اوزی غریب دیار

 

ندور سبب منی بو نوع یاندروب یاخوسان

 

کمکلر اولدی حسین وار نه بیر معین و نه یار

 

خانم اوزی او زمان ذولجناحی حاضر ایدوب

 

وفالی قارداشین ایتدی اولوم آتینا سوار

 

غرض امام حسین آیریلوب حرملردن

 

گیدردی گاه باخاردی او سید الا برار

 

دوباره چگنینون اوستندن ایلیوبدی نظر

 

گوروب چکوبدوله صف ، یکسر عترت اطهار

 

دوروبلا خیمه قباقینده آغلیولا تمام

 

ولی گلور دالیجا بی قرار ، زینب زار

 

امام دوردی بویوردی آنام باجی زینب

 

بو گلماقوندا بیان ایله نه مرامون وار

 

جواب ویردی خانم ، زینبون سنه قربان

 

بو گلماقومدا منیم واردی بیر سوزوم زینهار

 

باخوردی خیمه ده اهل حرم اودور علت

 

اورکده کی سوزومی ایتمدیم سنه اظهار

 

بویور گوروم گلوسن بیرده بو خیامه طرف

 

و یا گلنمسن ایله بو مطلبه اقرار

 

امام اولدی گلو گیر کثرت غمدن

 

توکوب سرشگ بصر اولدی عارضی گلنار

 

اشاره ئیله بویوردی گلنمرم داخی من

 

من اولم اول گله سن اهلبیتیمه غمخوار

 

سالوبدی وحشته بو سوز ولیه الهی

 

خدنگ محنته قلب شریفی اولدی دچار

 

دیدی کی قوی عمل ایلوم آنام وصیتینه

 

اجازه ویر بوغازوندان اوپوم من بی یار

 

قویوبدی بیر الینی قارداشین عمامه سینه

 

محاسینین بیر الینده دوتوبدی زینب زار

 

آلوب اجازه پیمبر اوپن یری اوپد

 

ولی قویوب او یره شمر خنجر خونخوار

 

باجی قیتدی خیامه دوشوب یولا،قارداش

 

یتشدی رزمگه پر بلایه اول سردار

 

مدار عالم امکان و قطب کون و مکان

 

دوتوبدی دایره رزمگاه غمده قرار

 

نه قدر ایلدی اتمام حجت اول سرور

 

عناده دوردولا یکسر او ملت بی عار

 

بلند صوتیله اول بویوردی بیر تکبیر

 

غلافدن او زمان چکدی تیغ آتشبار

 

ایدوبدی حمله داغتدی صفوف اعدانی

 

قارشدی بیر بیره لشگر سنوب یمین و یسار

 

زبس یانوردی عطشدن او عین آب حیات

 

فراته یوز چووروبدی او مطلع الانوار

 

موکلان فراته ایدوبدی بیر حمله

 

بسان مور و ملخ اهل کوفه ایتدی فرار

 

سویی گورنده سالوب یادینه علمدارین

 

توکوب سرشک بصر اول شه بلند تبار

 

اگر چه مستیدی جام الستیدن او زمان

 

دوباره ساقی غم ویردی ساغر سرشار

 

فراته داخل اولوب دولدوروب ایکی اوجین

 

خیآل ایدوب اولا سیراب صاحب الانهار

 

دل پیمبره بیر اود وروب (حصین نمیر)

 

قویوب کمانه بیر اوخ اول لعین بدکردار

 

هواده اوخ پر آچوب آه یا امام زمان

 

او اوخ بهشتیده زهرادن آلدی صبر و قرار

 

امامه قانیله سو ویردی دگدی آغزیندان

 

ترحم ایلمیوبدور حسینه اول غدار

 

چکوب چخاتدی اوخی آغزی قانیله دولدی

 

تعجبم نجه صبر ایتدی خالق جبار

 

دل و دوداقی یارالاندی قان اولوب جاری

 

الینده قانه دونوب سو ، قارشدی سوئیله ثار

 

امامی قویمادلار سو ایچه یانوب قلبی

 

عطشدن آهی دوروبدور هواده کاالاتسار

 

(حسینی) صدقیله دوت دامن حسینی مدام

 

اوزی شفاعت ایدر باخما چوخ گناهون وار

 

علی اکبرینه ویر قسم او مظلومی

 

نصیب ایده اولاسان قبرینه بو ایل زوار

 

شاعر : مرحوم حسینی سعدی زمان

 
 
 
 

 

اين مطلب 7533 بار مشاهده شده است