احوالات حضرت رقیه (سلام الله)

بشنو از راوی که گوید دیدم اندر کارزار

پنج ساله یک پیاده ، شصت ساله یک سوار

این یکی کودک ولی دریای عقل و معرفت

آن یکی پیر کهن لیکن شرور روزگار

این درایمان بی مثل آن در جهالت بی نظیر

این در اوج بینوائی آن در اوج اقتدار

چون ستون خیمهٔ شیطان ، درشت آن بی ادب

چون نخ شیرازهٔ قرآن ، ظریف این باوقار

این غریب بینوا درگیر شد با آن غراب

دفعتا دیدم به دور از چشم عقل وانتظار

تازیانه بر هوا رفت و فرود آمد سریع

بر زمین افتاد با یک ضربه آن والا تبار

رفت ضارب در پی آزار مظلومی دگر

از زمین برخاست چون یک شاخه گل آن بیقرار

بار دیگر پشت اسبی ظالمی دیگر رسید

اسب زد باسینه بر پیشانی آن طفل زار

باز هم افتاد لیک این دفعه دیگر برنخاست

اختران از آسمان گفتند جان ای خاکسار

آن شقی نقش زمینت ای گل زهرا نکرد

سورهٔ اخلاص را انداخت روی ریگزار

باادب باید ز دست و پای تو بوسند خلق

نی که ضربت بر سر و رویت زنند این اهل نار

دیدهٔ زهرا که در بالین او دیدار داشت

شیوهّ جنّات تجری تحتها الانهار داشت

شاعر : استاد شاهی اردبیلی

منبع : مجمع شعرا و مادحین

 
-----------------
 

در مدح حضرت زینب کبری (سلام الله)

شجاعت قطره دور، دریادی زینب

و دریا لفظ دور، معنادی زینب

قولی باغلانسادا مشگل گشادور

و شرح نصّ کرّمنادی زینب

خانم زهرا کیمی اطیبدی زینب

ستون خانۀ مکتبدی زینب

صلابتده ، عبادتده ، شرفده

علی دن درس آلان زینبدی زینب

باش اندیرسون ندن افلاکه زینب

ئوزی منسوبدور لولاکه زینب

خرابه منزله گر چه سیخیلدی

سیغیشماز عالم ادراکه زینب

خانم زینبده کی فضل و کمالی

دوشونمز فهم قادر درک عالی

فقط الله بیلور کیمدور او خاتون

و علم الله حسبی من سوالی

یازیب گویلرده تکبیر آه زینب

ائدیب کفاری تحقیر آه زینب

علی المرتضانین ذوالفقارین

قیلیب یوز دفعه تفسیر آه زینب

حسین دین خدانی قائم ائتدی

خانم زینب او دینی دائم ائتدی

او، کُبری جوهره، عُلیا جنابه

ندن بیلمم شماتت، لائم ائتدی

اگر چه تیره شد ایام زینب

درخشد تا قیامت نام زینب

لِوجه الله گذشت از دار و دنیا

به وجه الله رسد اکرام زینب

چه می شد یارب ار زینب نبودی

نبودی زینب ار یارب نبودی

اگر زینب نمی شد منجی دین

مرام و مذهب و مکتب نبودی

چو اندر کوفه زینب را شکستند

دعای نیمۀ شب را شکستند

علی را پشت خم کردند از این غم

سماوات محدب را شکستند

فلک لرزید چون در بزم باده

به استخفاف او کردند اراده

من از طعن عبیدالله چه گویم

ابویحیی به او فرمود اباده

تو ای زینب تو ای روح کرامات

که او صاف کمالت هست با لذات

شفاعت کن به «شاهی» ، تا نگویند

تو قادر ، نوکرت غرق مصیبات

شاعر : شاهی اردبیلی

منبع : مجمع شعرا و مادحین

 

---------------------

 

در مدح حضرت فاطمه زهرا (سلام الله)

ای عالم اسلامین صبحونده صفا زهرا

امدادایله اسلامه یافاطمه یا زهرا

ای احمد مختارین دلبسته ودلخواهی

گون،عرش جلالونده بیر نقطه دی واللهی

گون نقطه اولان یرده آیدان نه دیسین شاهی

شاهی سنی وصف ایللر نه شیخ وشهنشاهی

سنسیز نیه لازمدی شعر وشعرا زهرا

سن صبح ولایت سن،سن عمر امامت سن

سن روح کرامت سن،سن عین عبادت سن

سن کوثر رحمت سن،سن جوهر عصمت سن

سیلی سنه نئیلر سن،باشدان باشا غیرت سن

قلبوندی  سنون مکه،دردوندی منا زهرا

ای گویلره یردن چوخ آوازه سالان احسن

سن آتشه امر ایتسون اول گلشن، اولار گلشن

بسدور سنه بو منصب ای قلبی یانان غمدن

سلطان شهیدانی سن تربیت ایتدون سن

سن محشر کبراسن یا کرب وبلا، زهرا؟

حمدون سنون ای حضرت احیای نماز ایتدی

لله که دیدون لرزه صحرای حجاز ایتدی

آلنون که یره قویدون یئر گویلره ناز ایتدی

کسدی یولووی امت،گوستردی جفا زهرا

آلنوندا یازیلمیش خط،فجر آیه سینه تایدی

سفرونده داغیلمیش دوز،جبریل آپاران پایدی

محرابیده که مهرون، اون دورد گیجه لیک آیدی

هر مسلک وهر مذهب سنسیز اولا رسوایدی

هم شرط اجابت سن،هم شرط دعا زهرا

شاعر : شاهی اردبیلی

 

****************

 

عرض ارادت به حضرت امام حسین (علیه السلام)

سبک : از نگاه یاران به یاران ندا می رسد

 

ای دوداقی روح مسیحا مسیحا حسین

 

ای وجودی حکمت سراپا سراپا حسین

 

ای ذبیح اعظم معظم مکّرم حسین

 

ياحسین حسین جان حسین جان حسين جان حسين

 

فضل دور شرف دور قیامون قعودون سنون

 

مات ائدوب سمانی سجودون سجودون سنون

 

کعبه‌دور وجودون وجودون وجودون سنون

 

زائروندی عرش معلاّ معلاّ حسین

 

لبلرون عطشدن یانوب ای شهنشاه دین

 

غنچه‌لر او عطشان دوداقه دیور آفرین

 

سن دیینده هل من معین ای سوسوز نازنین

 

سسلنور ملک‌لر، سمِعنا، اطعنا حسین

 

سن سووا باخاندا اوزاقدان اوزاقدان آقا

 

عالمی ائدورسن پریشان پریشان آقا

 

آلنوا دوزولمیش قیزیل قان قیزیل قان آقا

 

قطره قطره سویلور فتحنا فتحنا حسین

 

یا حسین قاپوندا گدادور گدادور شهان

 

لبلرونده کوثر نهاندور نهاندور نهان

 

دوردمین اوخ نه بیلسین که سینون جناندور جنان

 

اول جهاندا اولسون اورکلر فدا یا حسین

 

چشم قبله راز و نیازون نیازونده دور

 

قدر قاب قوسین نمازون نمازونده دور

 

جان عشق و عرفان مبارک بوغازونده دور

 

اول بوغازه قربان احبا احبا حسین

 

شاعر : شاهی اردبیلی

 

***********************

 

حضرت زینب کبری (سلام الله)

 

گلنده زینب آدی آغلارام سحاب کیمین

 

سحاب کیمدی رسول فلک رکاب کیمین

 

گلنده زینب آدی مرتضی ورار سینه

 

توکر امام زمان گوزیاشین گلاب کیمین

 

گلنده زینب آدی تپراق اوسته یل سورونر

 

ارور فشار مصیبتدن آتش آب کیمین

 

گلنده زینب آدی رشته میثلی یانماسا قلب

 

او قلبی آت چوله بیر کاسه شراب کیمین

 

گورنده صفحه کاغذده ثبت اولوب زینب

 

الولانار اورگیم اود دوتان کیتاب کیمین

 

دینده زینب او قان که منیم گوزومدن آخور

 

روادی سوزلریمی ائتسه در ناب کیمین

 

بیندی گوهری زرگر بیندیم اشکیمی من

 

او انتخاب اولا حاشا بو انتخاب کیمین

 

شاعر : استاد شاهی اردبیلی 

 

 

************************

 

در احوالات حضرت رقیه (سلام الله)

 

ساده سوز یعنی او قیز ایلشدی یرده آغلادی

 

هم ئوزی اولدی نواگر هم نواگر کولگه سی

 

اوندا بیر اوخ تلی آلتیندان ایکی ال قوزانوب

 

گلدی سس گل ای قزیم ای عرشه زیور کولگه سی

 

وحشتیلن هی باخوب اطرافه تیتررسن ندن

 

تیترمه قورخما نه منکر وار نه منکر کولگه سی

 

واهمه ائتمه یاتوب بوردا عمون عباسده

 

امنیده ساخلار سنی قولسوز غضنفر کولگه سی

 

تا نظر سالدی او سولموش یاسمن اول صحنیه

 

تاپدی بیر حالت که گولدن اولدی خوشتر کولگه سی

 

کاه مثلی تیترین اندامی اولدی کوه تک

 

دوردی بیر جراتله که گورسندی حیدر کولگه سی

 

اول اوجالمیش قوللارا وئردی اوزاقدان بیر سلام

 

سویلدی یا رب بابامدور یا مصور کولگه سی

 

شاعر : استاد شاهی

 

********************

 

در مدح حضرت فاطمه زهرا (سلام الله)

 

سن چراغ رهنماسن جانلارایا فاطمه

 

سن سیز انسان غرق اولار عصیانلارایا یافاطمه

 

سن منه بیر یول بویورسون ای گدای درگهیمم

 

تاابد ناز ایلرم سلطانلارا یافاطمه

 

بیرپارا وجدان سنی دنیاده مظلوم ایلدی

 

لعنت اولسون بیر پارا وجدانلارا یافاطمه

 

مرحبا سویلرملک لرغبطه ایلرجبرئیل

 

ماتمونده آغلیان انسانلارا یافاطمه

 

سبز ریحانلار دوشر تپراقه بیربیر زرد اولار

 

گر دئسم سیلی سوزین ریحانلارایا فاطمه

 

فاطمه تعریف اولان مجلسده قانلارجوش ماسا

 

قوی توکولسون یوخدی ارزش قانلارا یافاطمه

 

قلبوه قربان اولوم کی اوخشورقلبون سنون

 

کربلاده دوغرانان قربانلارایا فاطمه

 

مذهب روح اولماساسن فاتح اول مذهبه

 

سن سیزایمان لکه دور دامانلاریافاطمه

 

بیر گون اولسیدی اجازت کلمه دیوارودر

 

اودوراردی دفتر دیوانلارا یافاطمه

 

دعوت جناته باخماز آدیون عطشانلاری

 

اولسا قسمت تربتون عطشانلارا یافاطمه

 

شوق درگاهنده دور روحیم بینمور

 

بیر کبوتر کی دوشوب زندانلارا یافاطمه

 

غیبی ده گریان ائدوربدورغملرون لاهوتی ده

 

منده قوشدوم روحیمی گریانلارا یافاطمه

 

شاعر : استاد عسگر شاهی اردبیلی

 

*******************

 

در مدح حضرت امام حسین (علیه السلام) 

 

رئوس سلسله ى انبيا حسينه فدا

 

مفسرين کتاب خدا حسينه فدا

 

فقيه و مجتهدو مقتدا حسينه فدا

 

اکا بر حرم کبريا حسينه فدا

 

نمازه عاشق اولان اصفيا حسينه فدا

 

بلور سينه ى اهل صفا حسينه فدا

 

فروغ ديده ى اهل عزا حسينه فدا

 

اولار کى غيببه اولوب آشنا حسينه فدا

 

اولارکى عرشده آچمش لوا حسينه فدا

 

حسين دئيور او قلب کى ياليتنا حسينه فدا

 

خلاصه ما خلق و ماسوا حسينه فدا

 

حسيندى دولت قرآنى پايدار ائلليين

 

حسيندى حرمتينه جدى افتخار ائلليين

 

حسيندى قاشلارينا غبطه ذوالفقار ائليين

 

حسيندى ياره لرى ذکرى يار يار ائليين

 

حسيندى حلقينه زينب جانين نثار ائليين

 

حسيندى وحدتى کثرتده آشکار ائليين

 

حسيندى آلنينى مرآت کردگار ائليين

 

حسيندى دوردمين اوخا لطف بيشمار ائليين

 

حسيندى خامه ى «شاهينى» زرنگار ائليين

 

حسيندى حضرت زهرانى سوگوار ائليين

 

حسيندى آتش نمرودى لاله زار ائليين

 

حسيندى فانى مالايرانى وار ائليين

 

يرى حسينه فدا لايرى حسينه فدا

 

مليک و مالک يوم جزا حسيندى حسين

 

شفيع مطلق اهل عزا حسيندى حسين

 

مفاد و معنى عرش استوا حسيندى حسين

 

عطا حسيندى حسين هل اتى حسيندى حسين

 

وئرن سمالره دوققوزنما حسيندى حسين

 

آچان بهشتده سگيز سرا حسيندى حسين

 

کلامى وحى آدى روح خدا حسيندى حسين

 

ئوزى سوسوز ئوزى بحربقا حسيندى حسين

 

نمازى واجب ائدن محتوا حسيندى حسين

 

اوروجدا جلوه قيلان کبريا حسيندى حسين

 

معين و منتقم و من يشا حسيندى حسين

 

دوداقى جان بوغازى دلگشا حسيندى حسين

 

اوزى بشر اوزى خير الورا حسيندى حسين

 

ياراسى کعبه قانى کيميا حسيندى حسين

 

صفا حسيندى حسين مصطفى حسيندى حسين

 

صفا حسينه فدا مصطفى حسينه فدا

 

شاعر : استاد شاهی اردبیلی

 

*******************

 

حضرت امام حسین (علیه السلام)

 

حسین مریدینه دوزخ ندی عذاب ندی

 

حسینه آغلیانا محشر و حساب ندی

 

سیلردی روح الامین قان حسینین آلنوننان

 

دییردی ایندی توشوندوم کی آفتاب ندی

 

بونوندا یوخدی نظیری خدای منان تک

 

اگر او لیس کمثله دی بو جناب ندی

 

حسین غمینده ایکی قطره اشک بازاره

 

گتور که مشتری درک ایلسون گلاب ندی

 

حسینی هیچ بنی آدمیله ایتمه قیاس

 

که بحر جنبش ائدن عرصه ده حباب ندی

 

حسین غمینده ویرون رشته ی کلامی منه

 

که مستمع گوره درّ اصیل و ناب ندی

 

منیم قریحمه شهپر ویروب حسینون آدی

 

منیم قریحم اوچان جوّیده عقاب ندی

 

کلاس عشق حسین توشدوغی چوخور یردی

 

یازیل او مکتبه گور سؤز ندی کتاب ندی

 

طنابه باغلا منی دشت کربلایه سوری

 

خیر سوروننم اوزوم عشقیلن طناب ندی

 

چوخ انقلاب گوروبسن ولی دیینده حسین

 

وجود زینبه بیر باخ گور انقلاب ندی

 

ساچین یولاردی دییردی باخور عدو قارداش

 

بورون بو ساچلارا گورسونله رخت خواب ندی

 

شاعر : استاد شاهی اردبیلی

 
 

 

اين مطلب 3108 بار مشاهده شده است