احوالات امان نامه و شجاعت حضرت ابوالفضل (علیه السلام)

گلمیشم سیزدن بو صحراده حمایت ایلییم

مظهر   قدرت   یزیده   اخذ  بیعت  ایلییم

سیزلره منصب ویروب صاحب جلالت ایلییم

غیرت و وجدانی هم بی جا مرامی بوشلیون

صاحب اجلال اولون تشنه امامی بوشلیون

تا او نادان صوتینی درک ایله دی سقای دین

بیر سویوخ تر شرمیدن دوتدی منور صورتین

تا بو جریانی اشیتدی سرور خلد برین

محضر والاسینه عباسی دعوت ایله دی

حیدری لحنیلن اول شیری نصیحت ایله دی

امر ایدوب  گیت  تلین  اوسته  ویر قولاق  گفتارینه

گر صلاحون اولسا  ویر بیعت  الین  سالارینه

راضی اولما پیکرون قارداش بویانسین ثارینه

آلدی رخصت  محضر سالاریدن  سردار  عشق

تلین اوسته عازم اولدی غیضیلن رخسار عشق

کیم گوروب وقرین دیدی تل اوسته  شیر  نر گلور

یا کی قافی ترک ایدوب عنقای زیبا پر گلور

مرحبی    ئولدورمگه   یا  فاتح  خیبر  گلور

هیبت عباسی گورجک شمر بیلدی مطلبی

بیلدی بیر دنیایه ویرمز تار موی زینبی

گورجگین  اول  ابلهی  پور غیور  مرتضا

سسلدی ای پست و انتر کاسه لیس بی حیا

سن ندن باعث اولوبسان آل حیدر قو رخوشا

اذنیم اولسیدی سالاردیم جسمووی بیر حالته

شیریلر  گورسیدی  اندامون  دوشردی وحشته

من  علینون  اوغلیام  ام البنینه  دلبرم

لشکریم یتمیش نفردور لشکره سر لشکرم

عالمین سلطانی اولسامدا  حسینه  نوکرم

دست بیعت بو جهانداهر پلیده ویرمرم

اصغرون بند قماتین مین یزیده ویرمرم

سرور و شاهیم حسیندور عشقیمه سلطان حسین

روحیمه ریحان حسیندور دردیمه درمان حسین

قان  دیور  رگلرده هردم  آدووه  قربان  حسین

مکتب عشاقیده شوری حسیندن آلمیشام

بدر  آل  هاشمم  نوری  حسیندن آلمیشام

شاعر : کربلایی نوید آسال اردبیلی

منبع : مجمع شعرا و مادحین

-----------------

وصیت امیرالمومنین حضرت علی (علیه السلام)

یتیشدی وقت وصالیم  قیزیم خداحافظ

قوتاردی درد و ملالیم قیزیم خداحافظ

اجل  تَری  دوزولوب   زینبیم   عذاریمده

غم  ایندی مسکن ایدوب قلب داغداریمده

بو  خوشدی  حیدره کی محضر نگاریمده

بویاندی   قانه  جمالیم    قیزیم  خداحافظ

جهاندا  دوشمدیم   آیری  طریق تقوادن

گلوبدی   عدلیمه    احسن مقام  بالادن

عدالتیم   منی   آخر   سالوبدی  یارادن

بودور  دلیل   قتالیم   قیزیم   خداحافظ

دیدیم گرک کی اوزوم کشف راز ایدم زینب

فقیری   جامعه ده   سرفراز   ایدم    زینب

غنی  و   مستحقی   هم   طراز  ایدم زینب

بوییدی  دلده خیالیم  قیزیم  خداحافظ

گوز آچمیشام   بو  جهانه  حریم  جاناندا

بو آتمیش اوچ ایلی گزدیم سبیل سبحاندا

بویاندی  قانه   یوزوم  بیت پاک رحماندا

بودور دلیل   کمالیم   قیزیم   خداحافظ

حکومت  ایلمیشم   بش ایل  اهل اسلامه

تفاوت   اولمادی   حکمیمده  خاصیلن عامه

همیشه   وصله لی   جامه  گیردیم اندامه

مدالیدی  منه شالیم  قیزیم خداحافظ

بو   امته  من   امامم   وصی   پیغمبر

اوزوم   کی   واقف   شرعم مسائلی ازبر

ولی  بو   شهریده گور زینب ای وفاپرور

حرام اولوبدی حلالیم قیزیم خداحافظ

ایلیکی اولدی باشیم طعمه تیغ برانه

چاتوبدی شهره خبرمرتضاباتوب قانه

آخوبدی قانی   علینون  حریم منانه

داغیلدی  جاه وجلالیم قیزیم خداحافظ

ایدوبدی خلق تعجب کی بونه جریاندی

گلوبدی مسجده  حیدر، مگرمسلماندی

بو سوزلری اشیدندن سینمده طوفاندی

یتوبدی عرشه  ملالیم قیزیم خداحافظ

بو کوفه  اهلی قیزیم بی وفا جماعتدی

بولاردی    بنده  زر     فاقد   دیانتدی

بولاردی دشمن قرآن  عدوی نهضتدی

بولاردی   قاتل آلیم قیزیم خداحافظ

جهاندا  حضرت حقدن نشانیم زینب

قیامته کیمی دین  پاسبانیم   زینب

شهید  راه   حقم   جاودانیم   زینب

یوخومدی وقت زوالیم قیزیم خداحافظ

اوحیدری کی   اورک نار  غمله  داغلاردی

یتیم اوشاقلاری زینب کیمین قوجاخلاردی

توکنده   اشک  اولار  مرتضاده    آغلاردی

بوییدی حسن خصالیم قیزیم خداحافظ

بوگون حضور حقه چون روانیدور حیدر

وصال   یاره چاتور   شادمانیدور  حیدر

ولی   یتیمیلرون    ناگرانیدور    حیدر

غمینیدور اودی حالیم قیزیم خداحافظ

حکومتیمده  اولوبدور کیمون  حقی فانی

بوبیرسوزی منه سویله سنی حسین جانی

آخوبدی هانسی گناه اوسته فرقیمون قانی

کیمیله واردی جدالیم قیزیم خداحافظ

قیزیم قسم   اولا   پیغمبرون    رسالتینه

بیرعمری سعی ایلدیم دینیمون صیانتینه

قلیجدا   ویرمیشام   اللهیمون   رضایتینه

عدوله یوخدی مقالیم قیزیم خداحافظ

شاعر : کربلایی نوید آسال اردبیلی

منبع : مجمع شعرا و مادحین

--------------------------

احوالات حضرت زینب کبری (سلام الله) در اربعین

سووشا مین ایل اگر سولماز حسینون چمنی

گوزیاشیملان چمن معرفته سو ویرنم

یوخدی عقلونده دوام درک ایده سن منصبیمی

مکتب عشقیده مریم لره درس اورگدنم

طلقا زاده منم فاطمه مظهر زینب

مکرووی ماخلقه همتیلن بیلدیرنم

سنه تعظیم ایلیور بت کیمی گر ملت شام

سن بت اولسون من علینون قیزیام بت شکنم

سوزلریم گلدی گران حاکم جباره حسین

دیدی حد ستمی عالمه من گورسدنم

ویردی مسکن بیزه بیر مسجد ویرانی یزید

سنه خاطر او خرابه یری مسکن ایدنم

آه او وقتدن کی گلوب منزلیمه قانلی باشون

دیدی بیر قیز بابا ،جان باشووه قربان ویرنم

اوپدی قانلی لبووی یومدی قرا گوزلرینی

او ئولنده باشینا خاک خرابه سپنم

بالاجا پیکرینی قبره اوزوم قویدوم اوگون

اوز الیمنن بالامون اوستونه تپراق توکنم

سن ئولنده سورا بیر دفعه حسین گولممیشم

او گولن وقته ولی ناقه لره اوسته گولنم

شام ویرانی رقیه وطن ایتدی اوزونه

او قیزی ترک ایلیوب کرب و بلایه گلنم

بیر دعا ایله حسین منده ئولوم راحت اولوم

سن گیدوبسن ولی من دهریده ویلان گزنم

زینبون داشینی عالمده آتوبسان قارداش

قویوب آواره منی حقه چاتوبسان قارداش

فوج آلام و بلا قارداش اگوبدی بلیمی

سرمیشم قبروون اوسته بو آغارمیش تلیمی

بیر گون عرضینده منیم یدی جوان یاریم ئولوب

نهرین اوستونده شرافتلی علمداریم ئولوب

سارالان گلشنه بیر یولدا صفا ویر قارداش

بو یورولمیش باجووا بیرده صدا ویر قارداش

زهریلی بیر سه پر اوخ کاسه صبری جالادی

اصغر تشنه لبین گول بوغازین پارچالادی

رسمیدور حرمت ایدر صاحب خانه قوناقا

قاسمی با خبر ایت گلدی عروسی اطاقا

ای (نوید)شکر ایله سن خالق دنیایه بوگون

سنی نوکرایلیوب حضرت زهرایه بوگون

شاعر : کربلایی نوید آسال اردبیلی

---------------------

احوالات حضرت امام حسین (علیه السلام)

چوخ   وقاریلن  دایاندی  سینه میدانیده

زورق  کفری   حسین  غرق ایلیوب طوفانیده

سعدین اوغلی گوردی یوخ ذره توان عدوانیده

گوردی تپراقه سالانمز اول شهی اون مین نفر

ویردی  بیر دستور  فوری لشکره اول بد سیر

ترک پیکار ایله دی خنجر ویران سربازیلر

ناگهان   اولدی مسلح   جمله    تیر اندازیلر

چرخه باخ نور حقه یاره ویرور سگ بازیلر

اوخ یاغور گویدن ترابه بارش نیسان کیمین

پیکرینده یر ویرور اوخلاره شه مهمان کیمین

اعتنا      ایتمور   حسین   افغان    نور عینینه

انبیانی    مات   ایدوب    مولا    ادای    دینینه

دورت مین اوخلی پیرهندن قان سوزور نعلینینه

سوزدوگیجن قان یوزی بشاش اولور یاللعجب

عشق   بی همتاسینه حیران قالوب شط العرب

یوسفی گورجک کسوب نسوان مصری اللرین

اول قدر مبهوت اولوب  بیلموب   جراحت   شدتین

چون گوریدی باشی   اوسته  دلبرین سلطان دین

بیلمیوردی هیچ یارا هاردان دگور گول پیکره

آری   مین یوسف  گرک نوکر اولا بو رهبره

اصغرون حلقین بولن اوخ ناگهان دوشدی یولا

دوز گلور مقصوده ساری دونمیور ساق وصولا

آری   باجادی    اگر زهرا   خانم   زلفون یولا

ای   قلم   بو مطلبون قلب جهانی داغلادی

سینه دن دگمیش او پیکانه کورک قان آغلادی

صالح آدلی بیر دنی آلدی اله اوز نیزه سین

ویردی پهلوی حسیندن ناله ایتدی یا و سین

آلدی اول نیزه امام شیعیانون    طاقتین

زینیدن دوشدی یره عالم حسینیم وای دیدی

کربلایه   فاطمه گلدی بالام لایلای  دیدی

شاعر : نوید آسال اردبیلی

------------------

احوالات شهادت حضرت زهرا (سلام الله)

گون اوگون اولدی غرض فاطمه نی شاه جنان

سینه سی یاره لی تابوته قویوبدور نگران

گتیروب یاسمنین دفن ایلیه ناله کنان

قویدی تابوتی یره سالدی احبانی یولا

دیدی زهرانی گرک حیدر أوزی قبره قویا

هره بیر سمته گیدوب قالدی علی شیرخدا

گوزلریندن توکولور صورتینه اشک عزا

دیدی بیر کلمه فقط دلبرینه شاه ولا

دیدی زهرا بو گجه سنده علینون داشین آت

یورولوبسان بیلیم قبریده گیت راحت یات

یری وار ارض و سما ناله و افغان ایلیه

اچا باش روح الامین گوزیاشینی قان ایلیه

ایستدی عرشی علی فرشیده پنهان ایلیه

هجر زهرا اوزمان لرزه سالوب صبر ایوینه

قویدی حیدر یارالی دلبرینی قبر ایوینه

اوتوروب قبرینون اوسته ایلیور آه و فغان

دیدی خلق ایلمیوردی منی ای کاش یارادان

بو غمون فاطمه جان قلبیمی بولدی آرادان

بیت الاحزانه نه یوزلن دینن آیا قیودوم

سنی مندن خبر آلسا بالالار من نه دیوم

ناگهان خوابه گیدوب نور خدای ازلی

گوردی رویاده علی فاطمه نی بلده الی

دیدی دور گیت ایوه تز قالما بو مأواده علی

دوردی فورا قیودوب منزله اطفاله گوره

گوردی هر گوشه ده آغلور هره بیر حاله گوره

بیری دی سیلی اونا ثانی ویراندا واریدیم

بیری دی پشت دره قانی آخاندا واریدیم

بیری دی محسنه حسرتله باخاندا واریدیم

بالالار ناله سی قلب فلکی داغلوردی

هامیدان چوخ ولی بیچاره حسن آغلوردی

شاعر : کربلایی نویدآسال اردبيلی

--------------------------

شجاعت حضرت قاسم (علیه السلام) در جنگ با ازرق

الغرض جامه جنگی گیینوب ازرق دون

بیر یل نامی اوزی صاحب ابزار و فنون

نعش اولادی گورنن بو تاپوب حال جنون

قصدی وار تا ایده حیدر بالاسین غرق به خون

منتظر دور هامی ،تا بو نجه جولان ایلیور

باشلادی یاوه سرای اموی یاوه سخن

چوخ تبسمله باخوردی اونا دلبند حسن

آچدی لعل لبینی سسلدی ای اهریمن

منه عباس ویروب درس ادب سن کیمسن

ادب ساقیه فخر عالم امکان ایلیور

بویوروب کیم سنه عالمده دیور شیر ژیان

باغلاماز مرکبینون تنگینی شجعان جهان

اگدی تا قدینی ازرق باخا تنگه ،اوجوان

ویردی بیر ضربت اونا جسمینی بولدی آرادان

یاحسن گورنه بالون عرصه ده طوفان ایلیور

شاعر : کربلایی نویدآسال اردبیلی

---------------------------

وداع حضرت امام حسین (علیه السلام)

حسین سندن سورا زینب قالار آواره آی قارداش

گونوم قاره اولار دگسه سنه بیر یاره آی قارداش

بو چولده   قانه غرق اولدی وفالی لشکرون گیتمه

بو چولده قاسمون  یاتدی  أولوبدی اکبرون گیتمه

بو چولده اوخلانوب قارداش الونده اصغرون گیتمه

ابوالفضلین غمی عرشه چکوبدی قاره آی قارداش

آتورسان   زینبین  داشین  وصال دلبره  خاطر

منی  قویما  آدامسیز ای  امیدیم  اکبره  خاطر

حرم اهلی یاشار راحت بو دوزدی رهبره خاطر

حرم اولسا اگر باشسیز قالار آواره آی قارداش

سنون خوش حالووه قارداش گیدورسن بزم دلداره

ولی   سندن  سورا   زینب  اولار بختی گونی قاره

اسارت بندی بوینوندا   گزر    صحرانی   آواره

بو درده کیم ایدر آیا جهاندا چاره آی قارداش

حسین  اصغر ویران   لشکر سنه رحم ایلمز قارداش

اوتوز مین لشکر اولدی تک سنی یخماقه حاضرباش

قوتارسا   اوخ   سنه  لشکر  بو دعواده ویراللار داش

یارا سایسیز ویرار لشکر گل کراره آی قارداش

بو لشکر اهلی سرتاسر رذیل و پست و جاهل دی

بولاردی  بندۀ  درهم   جفاکار  و   سیه دل دی

بولار مرجانه نون اوغلی   دیین  آئینه  قائل دی

بولار دین خدائیلن چیخوب پیکاره آی قارداش

حسینجان گیتمه میدانه بولار خصم ولایتدی

بولار  کان  خیانتدی   دیانت سیز جماعتدی

بولاردی کلب  سفیانی  بولار   مأمور غارتدی

بولار دینین ساتانلاردی نچه دیناره آی قارداش

سنی گورسه اگر یالقوز آلار اطرافووی دشمن

سلیمانی   سالار دلدن   سپاه  پست اهریمن

بولار بدر و احد قانین آلار بو دشتیده سندن

سنون گول جسمووی ایلر بولار صدپاره آی قارداش

جهاندا ای کرم شاهی   سنون تک بیر غریب اولماز

شهادت   امری بی شبهه   هر انسانه  نصیب اولماز

ولی سندن سورا قارداش منه یاخجی طبیب اولماز

مریض عشقه هیچ یاندا تاپیلماز  چاره  آی قاارداش

دیدون  الان کی  قیزلارین آلوم زیب و زرین یکسر

دیدون کی   زیوره   خاطر   ویرار  قیزلاری غارتگر

حسین سندن سورا یعنی قوپار بو عرصه ده محشر

دگر   قمچی  بو صحراده   بالا قیزلاره آی قارداش

بیابانی عرب قارداش خیامه گلسه بیر لشکر

مروری صبریمی آلدی منه   رحم آی رهبر

اوتوز مین لشکرون آیا قباقینده باجون نیلر

گیدر الدن علی اکبر ،آلان گوشواره آی قارداش

باجی قارداشلیقین رختین بو صحراده سویوب گیتمه

حسین من دویمادیم سندن اخا مندن دویوب گیتمه

سنی   زهرا    ننم جانی  منی باشسیز قویوب گیتمه

اولا   لعنت   سنی   مندن    آلان غدّاره آی قارداش

شاعر : نوید آسال اردبیلی

---------------------------

حضرت امام زمان (عج)

قاشلاری چون تیغۀ شمشیریدور

کیپریگی دل پارچالیان تیریدور

خالین اوپه کعبه نون حاجی لری

دای حجرالاسودی اوپمز بیری

سروی   تحیّرده قویار قامتی

داغلاری مبهوت ایلیر هیبتی

صورتی خورشید درخشانیدور

غیرتی دریای خروشانیدور

بوردا ولی ایلدیم عمده خطا

غیرت مهدی هارا دریا هارا

بیرده‌گرک بو سوزی منظوم ایدم

غیرتینون حدینی    معلوم   ایدم

پیکری سرچشمۀ احساسیدور

غیرتی چون غیرت عباسیدور

شاعر : کربلایی نوید آسال اردبیلی

********************

حضرت امام حسین (علیه السلام)

شمس پر نور هدایت نور مناندور حسین

وارث قرآن ناطق  روح قرآندور  حسین

مظهر ذات  الهی  کان  ایماندور  حسین

منصب   اولاسینه   غبطه   ایدر   حور و ملک

گورمیوب گورمز داخی مثلین بونون چرخ فلک

آدم     اول    نبی و احمد    ختمی مآب

هم خانم زهرای اطهر هم علی  بوتراب

هم زبورومصحف و انجیل وهم ام الکتاب

بوشهون مدیونیدور غار حرا سعی و صفا

دینی   احیا  ایله دی  سلطان  دشت کربلا

بو حسین بی کس لرین غرا اولان فریادیدی

حامی    حق و حقیقت   دشمن     بیدادیدی

عشق و ایثار و شجاعت مکتبون  استادیدی

بیله استادین بلی شاگردی یتمیش جان اولار

بیر   اشاریلن   هامی استادینه قربان اولار

روز عاشوراده بو سالار صحرای بلا

یوز دوتوب کفاره سسلندی ایا قوم جفا

من پیمبر زادیم   ابن  علی المرتضی

هر یارا دگسه    منه ای جاهلان بد سیر

قان آخاندا یاره دن یارب رضیت سسلیر

دوزدی دولمیش کربلا یه مور مثلی لشگروز

توکمگه خون خدانی تیز اولوبدور  خنجروز

لیک لازمدور بو سوز اولسون جهاندا ازبروز

درک ایدون بو مطلبی بی پرده و واضح دییم

ذره یوخ سیزدن هراسیم چون علی شاگردییم

وار الیمده   تیغ حیدر   دلده  احساس علی

یوز مین انصاره قاباخدور تیغ الماس علی

من   علی   شاگردییم   استاد عباس  علی

من   چراغ   رهنمایم  تا جهان وار سونمرم

نیزیه باشیمده چیخساحق یولوندان دونمرم

یول   تاپارسوز خیمه گاهه   ای   سپاه کج روش

چون سیزی ناپاک آنوز غاصب ویروبدی پرورش

غارت ایلون هرنه  واری گورمیون اما بیر ایش

جهلیلن ای قوم عصمت شیشه سین سیندیرمیون

نوعروسون سیز بیل الله خیمه سین یاندیرمیون

ملت   نافهمه   نا حق    سوزلری آندیرمیون

قلبیمی   بوندان   داخی   نار غمه یاندیرمیون

باشیمی دالدان کسون قیزلاره قمچی ویرمیون

قلب   آفاقه   داخی   تیر جفانی ساچمیون

ویرماقا قیزلاریمی قمچی بیلوزدن آچمیون

قانمادی مولا سوزون اعراب پست و کینه دل

تیغینی   چکدی    بلیندن عالم  اولدی  مشتعل

ذوالفقارین برقینی گورجک اولوبدور گون خجل

شیری گورجک چولده هر انسان نجه قبر آختارور

برق  شمشیری گورندن  گویده گون ابر آختارور

صوته   گلدی طبل هیجا تیتره دی قلب جهان

سیریدن دوشدی کواکب راکد اولدی کهکشان

سیل    پهناور   کیمین  فرشه گلور  کروبیان

غیرت سرشارینه احسن دیور دشت و فلات

ال چالور  داشلان اولاندا روبرو نهر فرات

هرز علف مثلی بیچور باشلاری شاه عالمین

هر باشا خنجر ویرور   غبضیله  میر قبلتین

باش بدندن آیریلور سسلور سنه احسن حسین

جسمیلر بی سر دوشور لر لاشه مثلی تپراقا

گوئیا   حیدر گلوبدو ر بت لاری  سیندیرماقا

قبض روح ایلور عدونی ختم پیغمبر کیمین

ذوالفقاری  اوینادور  گویده   حسین حیدر کیمین

صفلرین نظمین پوزوروبدور حیدر صفدر کیمین

برگ   پائیزان   کیمین لشکر هراسیندن اسور

هر یریشده اون باشی شاه عشقینه قربان کسور

خوفیدن   سرداریلر   آتمیش   یره  خنجر قاچور

لشکری باشسیز قویوب صحرایه سرلشکر قاچور

چوخلاری   بومطلبی   ایلوب  دیله  ازبر  قاچور

سسلنوللر بوحسین مین فارسی خوار ایلیر

هانسی قارداشی ئولن بو نوعی  پیکار ایلیر

شاعر : نوید آسال اردبیلی

-----------------------

زبانحال حضرت زینب (سلام الله) در ورود کوفه

سیز  مسلمانسوز   نیه  قرآنی   پامال ایله دوز

أولدوروب زهرانون اوغلون خصمی خوشحال ایلدوز

قافیدن  عنقانی   سالدوز   بی پر وبال ایلدو

کوفه ده   گویا   دوباره  جاهلیّت   باشلانوب

شهر قرآندا دیون سیز هانسی قاری داشلانوب

نخل   قرآن و  ولایت اولدی  بوردا بی ثم

رگلرینده کوفی نون یوخ خون غیرتدن اثر

فکر ایدورسوز خون آل مصطفا اولدی هدر

من حسینون حقینی عالمده احیا ایلرم

دشمنان   حیدری  هر یرده رسوا ایلرم

من نشان ویررم جهانه آل هاشم عزتین

کاخ  استبداده ویررام کربلانون رأیتین

نطقیلن  محو  ایلرم  آل امیه   قدرتین

خلق ایدوبدور زینبی خلّاق جان بی واهمه

مشکله هر یرده دوشسم سسلرم یا فاطمه

شاعر : نوید آسال

**********************

زبانحال حضرت زینب (سلام الله)

یدی معصوم زمان عشقیمی تائید ایلیوب

نقصی یوخ خلیقتیمون بطن حیا گوهریم

بو   زمان   سید   سجاد   پیمبردی    اگر

منده بو عصریده پیغمبریمون حیدریم

چون حسین حق دانیشوب باشی قفادن کسیلوب

من همان حق دینون حق دانیشان خواهریم

من حسین مسلکیم غربی ندی شرقی ندی

آلنوون پینه سیلن پای شتر فرقی ندی

من پیمبر نوه سی فخر نساء دختریم

بزم عشق و ادبین مشعل روشنگریم

عالمون زیوری گر خیبر آچان مولادی

بو جهانون ولی من زیورینون زیوریم

وار یوخوم گئتدی الیمدن ولی صبر ایلمیشم

صبریده   حضرت   ایوب   نبی    افسریم

عصمت فاطمه حیرتده قویوب حورانی

من ننم فاطمه نون عصمتینون مظهریم

شاعر : کربلایی نویدآسال اردبیلی

*************************

احوالات تنور خولی

 عالمون داشینی سلطان جهان آتدی گئجه

 شمس دین خولی تنورینده نیه باتدی گئجه

 جسمی صحراده تنور ایچره باشی یاتدی گئجه

 گوردی بو صحنه نی فریاد ایلدی حور و ملک

عرشیدن فرشه نزول ائتدی نچه قاره لچک

 ائتدیلر دوره تنوری او برازنده زنان

 هاموسی ایلدیلر اشکینی رخساره روان

 کیم باخوب قعر تنوره ائلدی آه و فغان

 بیری سسلندی حسین آدوه موسی قربان

 دئدی مریم کسیلن باشوه عیسی قربان

 بیر خانم گلدی قباقه آغاروب باش قاراسی

 سورونور یرده عباسی سینه ده وار یاراسی

 آغلادوب اهل سماواتی اونون اوخشاماسی

 تا گوروب کوللرین اوسته بالاسین فخر انام

 دئدی ای وای منه گور هاردا یاتوب نازلی بالام

 بالانون باشینه باخدی آناسی ناله کنان

 سسلدی آچ گوزووی فاطمه گلدی بالاجان

 غم بی حدون ائدوب قامت زهرانی کمان

 بیلمورم ظلم و ستم ائتدی سنی خسته اوغول

 قوجاقیم بوشدی یاتوبسان نیه کول اوسته اوغول

شاعر : نوید آسال اردبیلی

*********************

حضرت امام جعفر صادق (علیه السّلام)

آسمان یثرب امشب داغدار صادق است

دیدگان اهل عالم اشکبار صادق است

تک بشر در محنتش رخت عزا بر تن نکرد

حضرت خلاق عالم سوگوار صادق است

حرمت قبرش فزون از کعبه ی جانان بود

چون مزار پاک زهرا همجوار صادق است

مال دنیا را چه خواهم گفت ای خلق جهان

باشرف بودن به عالم افتخار صادق است

تیغ حیدر گر شده ورد زبان فارسان

این محصل های مکتب ذوالفقار صادق است

انبیا یکسر به جز احمد ختام المرسلین

بی گمان در خان رحمت ریزه خوار صادق است

گرچه در دنیا شده کفار جاهل تاجدار

تاج ایمان و شرف در اختیار صادق است

مجتبی و باقر و سجاد زین العابدین

همچو گلهای معطر در کنار صادق است

کس نباشد در کلاس معرفت بر او دبیر

ربی الارباب خود آموزگار صادق است

نام ما گشته به عالم شیعیان جعفری

آری این نام مبارک یادگار صادق است

گر ببیند ماه رخشان روی او پنهان شود

چون چراغ لیل ظلمت مه عذار صادق است

جان خود را کن فدای نام صادق ای نوید

تا بگویند اهل عالم جان نثار صادق است

شاعر : کربلایی نوید آسال اردبیلی

************************ 

حضرت امام زمان (عج)

آچ گوزون بیرباخ منه ای روح ریحان

مظهر جود و سخا هر درده درمان

سسلیور حی تبارک

مقدم صاحب زمان اولسون مبارک

قامتون سرو صنوبردی گوزلدی

قاشلارون ای نازنین بیت الغزلدی

بوس ایدر کیم لبلرون سسلرعسلدی

کیم گوره گول صورتون اولماز پریشان

سسلیور حی تبارک

مقدم صاحب زمان اولسون مبارک

صورتون بدر دجادی ماه تابان

شمس رخشانی یوزون ایلوبدی حیران

گورمیوب چرخ زمان سن کیمی جیران

اوج حیرتده قالوب حوری غلمان

سسلیور حی تبارک

مقدم صاحب زمان اولسون مبارک

شاعر : کربلایی نوید آسال اردبیلی

*********************

حضرت امام زمان (عج)

ای گوزل یوزده کی خال سیهه جان قربان

ماه رخسارووه مین شمس درخشان قربان

سنی الله یارادوب یوسفی مات ایلمگه

تلوون بیر توکونه یوسف کنعان قربان

اوخلیار قلبلری لشکر مزگانون اوغول

اوخ کیمین کیپریگووه مین یل دستان قربان

قاشلارون خنجر حیدر کیمی زیبا یارانون

قوس ابرولرووه خون و رگ وجان قربان

گورسه حورا یوزووی اوج تحیرده قالار

نقشه ی صورتووه حوری و غلمان قربان

یوزووی اوپدوگیجن زاده زهرا سسلر

مهدی جان گول یوزووه سرور دوران قربان

بوسوزی لیک دییر عشقیله هر ایرانی

گل آقا گول یوزووه ملت ایران قربان

سن حسین گلشنینون بلبل زیبا پری سن

ملکوتی سسووه بلبل دستان قربان

اوخشیور گول یاناقون لاله ی حمرایه اوغول

غنچه تک لبلرووه باغ و گلستان قربان

صورتون کعبه ی عرفاندی اوغول شیعه لره

هاشمی خالووه مین کعبه ی عرفان قربان

سن آنون فاطمه نون قانین آلانسان گوزلیم

سن کیمین منتقمه عالم امکان قربان

بوسوزی سنده دئنن دمبدم عالمده نوید

ای گوزل یوزده کی خال سیهه جان قربان

شاعر : کربلایی نوید آسال اردبیلی

------------------

میلاد شاهزاده حضرت علی اکبر (علیه السلام)

عالم تاپوب سنلن صفا اکبریم

شادلیق ایدور ارض و سما اکبریم

عیدیانه شیعیانه ویر اوزون

زیارت کرب و بلا اکبریم

آیدان گوزلدی آی بالا مه یوزون

بالدان شیریندی لیلیه هر سوزون

بحرالغزلدی اکبر شهلا گوزون

ای اللری مشگل گشا اکبریم

آی عمرومون بو عالمده صفاسی

آتسون منی آرتار قلبیم یاراسی

گورن دیور یوزوندی آی پارسی

بدر دجا شمس ضحی اکبریم

جنت الاعلادی سنون اطاقون

جانیم آلار لحظه سنون فراقون

حور و ملکدی یکسره قوناقون

روح سخا نور خدا اکبریم

گورجک سنی حوری قالوب حیرتده

چاتماز سنه مین قهرمان غیرتده

سروه بنذرسن آی بالا قامتده

گوزی شهلا قدی رعنا اکبریم

سالار ملک مقدمووه شهپرین

قاشلارون یاد ایلر حیدر خنجرین

گورسه سنی یوسف کسر اللرین

ای منبع مهر و وفا اکبریم

ای گلشن پیغمبره ریحانه

باخسون اگر هر عاقله مستانه

بیر باخیشلان والله اولار دیوانه

سن سن بوتون درده دوا اکبریم

شاعر : کربلایی نوید آسال اردبیلی

---------------------------- 

 زبانحال حضرت رقیه (سلام الله) در کوچ اسرا

اُسرائیلن گیدورم بابا منه کربلا وطن اولمادی

نه واریدی غارت ایدوبدیلر سنه لااقل کفن اولمادی

سنی اصغرین جانی بیر منه او گوزل گوزونله نظاره قیل

بو دیاری ترک ایدورم اویان او کسوک الونله اشاره قیل

بو رقیووه ایله بیر نظر غم ومحنتینه دو چاره قیل

کیمی من چاغیردیم هرائیمه ولی دادیمه گلن اولمادی

نجه صرصر ستمیله گور داغیلوبدی گلشن حیدری

فلکین نه رحمی گلوب بیزه داغیدوبدی چوللره ایللری

نه قضا حمایت ایدور بیزه نه قدر ایدور بیزه رهبری

اوقدر فراقیدن آغلادیم گوزومون یاشین سیلن اولمادی

بابا سن گلنموسن اکبری ایله طول راهیده رهنما

بیزه شمرقمچی ویران زمان داخی قویمیا ویرا اول دغا

بیزه پاسبان اولا اکبریم داخی ویرمیا بیزی اشقیا

یوزه گوز یاشین اَلَدیم بابا ولی دردیمی بیلن اولمادی

زمن و زمانه نی آغلادوب غم و ماتم والمون سنون

اوتا خیمه نی چکوب اشقیا چوله قاچدیلار حرمون سنون

بس هایاندا قالدی او لحظه ده بابا صاحب علمون سنون

بالا قیزلاری ایله ویردیلار ولی بیر نفر دینن اولمادی

بابا گوشواره می آلدیلار قولاقیمدا واردی علامتی

ایله بیل بو لشکر کافرون یوخوموش اقللی شرافتی

گوگروبدی ظلم سنانیلن قیزوون بو دشتیده صورتی

نچه مین سپاه جهولیدن بیزه یاوری ایدن اولمادی

گیدورم خرابه ده گوزلرم سنی بیر گجه یاتا بیلمرم

گوزومی هرآن تیکرم یولا سنی قلبیدن آتا بیلمرم

من أوزوم کی نجم منوّرم گونی گورمسم باتا بیلمرم

گیدورم دمشقی وطن ایدم منه کربلا وطن اولمادی

ایاقیمدا واردی یارا ولی اونا قویماقا یوخوموز دوا

حرم اهلی سربه سر آغلاشور هاموسی اولوبدیلار هم نوا

بو عطش جانیم اولا هر زمان اورگونده اوخ یارووا فدا

باشا سالمیشوک هامیمیز قرا بیزه تسلیت دیین اولمادی

شاعر : کربلایی نوید آسال اردبیلی

 

اين مطلب 2188 بار مشاهده شده است