احوالات حضرت علی اصغر (علیه السلام)

سلطان کربلا چو تمنای آب کرد
دشمن به تیر حرمله او را جواب کرد
ناخورده آب طفل رضیع حسین را
آن تیر ظالمانه ی او سیر از آب کرد
از سوز تشنگی که علی جانسپار بود
دشمن ندانم از چه به کشتن شتاب کرد
بگرفت خون حلق علی را حسین به کف
با خون او محاسن خود را خضاب کرد
از آن همه شکوفه به گلزار کربلا
این بود گلپری که شهادت گلاب کرد
خون می چکد زخامه ی زرین کلام تو
بس کن حسان که شعر تو دلها کباب کرد 
شاعر : مرحوم حبیب الله چایچیان (حسان)
***
احوالات حضرت علی اصغر (علیه السلام)
بعد از اصابت تیر
او طفل گوزلرین آچدی حسین قوجاقینده
تبسمی واریدی گل کیمی دوداقینده
یقین تبسمی شکرانه شهادتیدی
ولی باباسینه اول خنده رفع خجاتیدی
او حال اصغره چونکه حسین ایدوبدی نگاه
تعجبیله دیدی لا اله الا لله
چکوب او تیری حسین حلق پاک اصغردن
فغان اولدی بلند اوج عرش داوردن
قد چو سرو حسینی خم ایلیوب او خدنگ
اولوبدی گوز یاشی اول خون اصغره همرنگ
دوتوب او قانی گلوب دمبدم فغانه حسین
او خون پاکی سپوب سمت آسمانه حسین
اوقانه صاحب قان یعنی خالق داور
ایدوب تبرکا امر اخذ ایدوب ملائکه لر
او قانیله ویریلوب عرش اعظمه زیور
افقده ایمدیده واردورنشانی شام و سحر
ایدردی عرض الهی سن اول گواه حسین
که کربلاده داخی قالمادی پناه حسین
منای عشقیده کسمزله چون قوزی قربان
گرک که عاشقه معشوق اولا اوزی قربان
شاعر : مرحوم آمل سرابی
***

احوالات شاهزاده حضرت علی اصغر (علیه السلام)

اگر غبار گنه دوتسا چشم بینانی
بشر حقیقتی گورمز جهاندا بیر آنی
دیر بو عالم ایله ختم اولار بو عالمده
دوباره گورمیه جاق کیمسه آیری دنیانی
قاتار حرام و حلالی ایشینده بیر بیرینه
جری ایدر بیله ثروت جهاندا انسانی
علاوه بولسه اگر دینینی آلان واردور
عجب دگور که ایده دین حقی ارزانی
ساتوبدی دینینی دنیایه چوخ منافقلر
نمونه سین خبر آلسان گروه سفیانی
که سالدی دایرهء ظلمینه حسین حرمین
سوسوزلوق اَلدن آپاردی توان طفلانی
سمایه اوج ایلیَردی نوای اهل حرم
چیخوردی خیمه ده بیر شیرخواره نین جانی
آنا دیردی سوسوز لبلره ئوزوم قربان
سو اوسته اشکیله دولدورما چشم گریانی
غریبه عالمیمیش کربلا دیارینده
عجیبه حیرته سالمشدی چرخ مینانی
فرات آخوردی ولی اصغرین آناسی رباب
یانوردی اصغره باخدوقجا قلب سوزانی
همان او حالیده که درد دل دیردی آنا
آلوبدی اصغری ، هل من معینِ مولانی
اوزونی سالدی یره گاهواره دن ناگه
که یعنی باغلامشام سنله عهد و پیمانی
رباب ناله سین آرتوردی ، فعل اصغردن
حقیقتیله تاپوپ عشقیدن گران جانی
باسوبدی باغرینا جان تک آنا محبتدن
بویوردی اصغره ای شاهباز سلطانی
جهان جهان اولالی سن کیمین نگار اولماز
ملایکه ایدوری درگهونده دربانی
گواه نهضت عاشور خون حلقوندور
که خون حلقون اولار زیب طاق کیوانی
شفقده سن فلقی ماهیسن اوغول مهره
خسوفه اوخ سالاجاخ ماهِ مهرِ رخشانی
دیه دیه سوزونی یتدی زینب زاره
ادبله عرض ایدوب ای دُرّ ِ عصمتین کانی
علی اصغر اوزون گاهواره دن سالدی
نه سری وار که اوجالدی سمایه افغانی
تمام درد دلون زینبه بیان ایلدی
یتوردی دخت علی شاهه غملی عنوانی
امام امر ایلدی گیت باجی گتور بالامی
سقایت ایلیه بلکه قلوب ظلمانی
گلوب تکلمه زینب عزیزهء زهرا
ایدوب مخاطب او دمده رباب نالانی
رباب گل بالاوی راهی مِنا ایله
امام ایستور آپارسون مِنایه قربانی
کمال عذریله عرض ایلیوبدی یازینب
اجازه ویرسن اگر عرض ایدوم بو عنوانی
بویوردی دخت علی آچ گیلن اورک سوزیوی
رباب گوردی قبول ایلیوب تمنانی
ددی خانم منه بیر آز خیمده مهلت ویر
بغشله زحمتیم اولسا بو یرده طولانی
بالاما زیب ویروم، زیب خوشدی مهمانه
بالامدی کوی محبتده حقّ مهمانی
علی اصغریمی تازه رختینه بَلییُوم
گیدور نه چون دولانا بزمگاهِ جانانی
خیمده گوگلون آلوم دیندیرم مسافریمی
توکوم بولود تک عذاره سرشک غلطانی
منیمده یوخدی سوزوم یا عزیزهء حیدر
ایدوبدی صادر فرمان لسان رحمانی
آنا محبّتی گلمز اگر چه تقریره
نه ابتداسی عیاندی نه حد پایانی
علی اصغریمون دلده نیسگیلی چوخدور
دئسم داغا ایلییَر داغلار آتش افشانی
بیری بودور بالامون باغلادوم سو اوسته اَلین
که حلّ ایدنمدیم آخر همین معمّانی
بیری اولونجه منی یاندوروب یاخا یری وار
تاپوپدی سینه پر غصه حالِ ویرانی
اودا بودور که سالوب سینه مه امیشدیردیم
سودوم که اولمادی اَمدی بالام جگر قانی
طریق عشقیده هجران عشقیمه دوزرم
نه چون رضا اولاجاقدور خدای رحمانی
عروس فاطمه ده باخ کمال معرفته
که قویمادی اولا تا انتظار طولانی
علی اصغرینی تازه رختینه بلدی
ادبله ایلدی تقدیم نجلِ زهرانی
باسوبدی باغرینا جان تک علی قیزی زینب
یتیردی قارداشنا غنچهء لب عطشانی
آلوب او غنچه گولی باسدی باغرینا شه دین
مصمم اولدی منور ایده بیابانی
گوروبله مرکز میداندا مهرِ عالمتاب
آلوبدی اللری اوسته او نجمِ رخشانی
بویوردی سو یولون آیا روادی باغلیاسوز؟
ندن مضایقه ایتدوز نعیم یزدانی
بو گون خیامیده اوچ گوندی که سوسوزدی بالام
ایشقلی گوندوز اولوبدور گوزونده ظلمانی
بو چولده رحمه گلون سو یولون آچون لشگر
همین بو خیر عمله لااقل اولون بانی
سوسوزلقون اثریندن هلاکتی گورونور
بو ظلمه قویمسوز آخر سیز هانسی عنوانی؟
امامین اللری اوستونده اصغرین حالی
گتوردی رِقّته میداندا قوم عدوانی
باخوب یمین و یساره اودمده سعد اوغلی
چاغیردی حرمله نی اولدی ظلم خواهانی
دیدی حسینون الی اوسته اوخلا سود امری
دوباره غم دوتا تا قلبِ سبطِ طاهانی
او دمده حرمله آیریلدی قلب لشگردن
بو فکریلن یتوره حاصله قضایانی
دیزین ویروب یره آلدی کمانی بیر الینه
دوتوب بیر الده ده اول جانشکار پیکانی
نشانه دوتدی علی اصغرین سوسوز بوغازین
خلاص ایتدی کماندان خدنگِ برّانی
گلوب اصابت ایدوب اصغرین بوغازیندن
قیریلدی رگلری گوز گوز اولوبدی شریانی
ایدوبدی خونِ گلو زرد چهره سین اَحمر
سپهرِ چاریده گتدی نوایه عیسانی
رباب او منظره نی چشم ِجانیله گوردی
علی دیه دیه عرشه اوجالدی افغانی
اورگینون ایله بیر بندی بندیدن اولدی
ممات درک ایلدی گو عروسِ زهرانی
آنا خیامیده سسلندی وای بالام ای وای
حسین نواسیده تیترتدی جسم سقانی
چکنده اوچ پر اوخی سسلنوبدی یا عباس
هراییمه یتیش ای چرخِ عاطفه کانی
او اوخ که ییخدی سنی اصغریمی ذبح ایتدی
بالامدا حیطه یِ شرحه چکوب فَدَینانی
جواب اولمادی مهره مهِ فرات اوستن
سرشک ِچشمیله دولدوردی شاه دامانی
امام اوجونی دولدوردی خون اصغردن
توکولمیه یره بلکه او سود اَمر قانی
توکولسه قانی یره عالمی خراب ایلر
علاوه قهر خدا دولدورار بو غبرانی
سپوپدی گویلره گویلر تاپوپدلار زینت
دوباره چرخ گورنمز بو لطف و احسانی
کمال عجزیله عرض ایتدی ای شهید شهید
قرینِ منّت اِله خسروِ شهیدانی
واریم یوخوم بویودی ایلدیم نثارِ قدوم
قبولِ حقدی حسینون بو تشنه قربانی
گلوبدی سس او زمان بارگاهِ عزّتدن
عجیبه زیب ویروب عرشیمه علی قانی
بو زیبه غبطه ایدور کلّ ِ عالمِ لاهوت
ملائک ِمتقرّب اولوبدی حیرانی
قئیت خیامه زیارت ایده آنا بالاسین
که اوغلی شرح ایدوب آیه ی فَتَحنانی
سرادقاته گلوب سسلنوبدی یا اُختا
الیمدن آل باجی بو زیبِ عرشِ اَعلانی
مدالِ سینه ایدوب اصغری منه یکتا
گرکدی شاکر اولام قادرِ جهانبانی
غریبه حسن ِختام اولدی شعر نهضتیمه
بو حسن محبسه سالیمش عزیزِ کنعانی
چخوبدی زینب او دم پیشواز سلطانه
ایدوبدی عرض که ای جوهرات ایقانی
تعیّناته ویروب حسن جوهرین جوهر
بو جوهرینده عیاندور کمالِ اَعیانی
گتیر منه بالاوی خشک بند ایدوم یاراسین
فلک منه بو ایشی ایلیوبدی ارزانی
رباب اصغرینون گوز تیکوب گلن یولونا
چوخ انتظاریده قویما ربابِ نالانی
امام ویردی بالاسین شهیده یِ عشقه
شهیدی ویردی شهیده شهیده یِ ثانی
گورنده اصغری اصغرده محسنی گوردی
بو یرده یادینه دوشدی تظلّمِ ثانی
قاپی دالیندا اولان سقط قارداشیم ای وای
معاینه گورونور گوزده نارِ سوزانی
(عتیق) جفّ ِ قلم لازم خیالیمدور
آنام ویروبدی سیزه گر چه نطقِ گویانی
شاعر : استاد طهمورثی (عتیق)
***

احوالات شاهزاده حضرت علی اصغر (علیه السلام)

بیر وقته گوزین اصغره شوریده سرآچدی
پیکانه باخوب شوره گلوب بال و پرآچدی
عاشق نه کی بیر کلمه قیلار عشق نمازین
دل آچمادی آندیردی اودا راز و نیازین
جانان اوخونی گوردی نشان ویردی بوغازین
تیر سه پره گورنجه نازک بوغاز آچدی
اوخ دوردی هوا اوسته دیدی آچ گوزون اصغر
مظلوم آتاوا ایندی ده وار هر سوزون اصغر
هاردان ئوپوم الساعه اوزون ویر نشان اصغر
سنلن منه بو فالی قضا و قدر آچدی
سوز یوخ هامی صید اولمالیدی مرگین الینده
بیر کاسه اجل زهری گلیر هرگون الینده
پیکان بویادی قانه هلالی گون الینده
دیسکیندی گوزل گوزلرین اول خوش سیر آچدی
گولدی او بالا گردش ایام زمانه
دل آچمادی آندیردی سوزین اهل جهانه
چکدی اوخی مظلوم آتا آتدی یانه یانه
دل حمد وثنایه او شه خون جگرآچدی
قانی سپوب افلاکه دیدی ساخلا امانت
محشر گونی بوقان ایدجاق یاخشی شفاعت
هر یرده عزاداریمه بو قاندی ضمانت
جنت قاپسون شیعمه بو صود امر آچدی
دنیاده قوی دشمنی سرکوب الدیم من
ظلمون ایوینی یکسره مخروب الدیم من
غالب اوزومم دشمنی مغلوب الدیم من
اصغر منه خوش پرچم فتح وظفر آچدی
یوز خیملره قویدی ولی چوخ اوتانوردی
علت اوییدی گاه گیدیب گه دایانوردی
خیمه دالیسندا ایله آغلوردی یانوردی
ناله سسی غم صحبتینی مختصرآچدی
شاهی حرم اهلی تانیدی آغلاماقیندان
قیزلار باجیلار چیخدی اودم غم اتاقیندان
گوردولر اومظلومون آخور قان دوداقیندان
اولده سوزی زینب ولا گوهر آچدی
عرض ایتدی حسین دینمویور اوغلون قوجاقیندا
سولدوردلار اولما گلوی اوز بوداقیندا
کول باشمه قارداش بونه قاندور دوداقیندا
اخر گئجون اخر سنه خونین سحر آچدی
قیزلار هامیدان چوخ الیدی شیون وناله
ووردولار اوآی پارچاسینون دورینه هاله
قویدیلا سارلمیش یوزی اول قانی دوداقه
دیل وای علی وای ذکرینه هر نوحه گرآچدی
بعضیسی دیور اوغلی ئولن ماتمه گلسون
بعضیسی دیور اولمویوب چاغرون عمه مه گلسون
بعضیسی دیور یاره ن علی سینمه گلسون
آخر بونه اوخویدی بوقدر یاروی آچدی
کیم آلدی باسوب باغرینا الدن اله ویریدی
بوطفله عجب سودیدیلر حرمله ویردی
ساچلارینی یولدی بالا قیزلار یله ویردی
قانلی بلگی قویدی یره عمه لر آچدی
قنداقی اولوب داغ جگر آل ترابه
بیر بوش بشیگه قویدولا گتدیله ربابه
قانلی بلک اولدی ایله نسگل اوجنابه
بیر عمر دیگولر،،گجه بوکدی،،سحرآچدی
طبعونده سنون((منزوی))وار ذوق ولطافت
هریرده اوخوندوقجا ایدر جلب محبت
من باب مثل فوری دیر اهل فصاحت
بوقافله مصریدی بار شکر آچدی
شاعر : مرحوم منزوی اردبیلی
***

در احوالات حضرت علی اصغر (علیه السلام)

دیده ریزد اشگ ماتم زار زار
از ملال عترت پروردگار
آید از نایم نوای حزن و غم
در گلستان عزا همچون هزار
شد خزان گلهای باغ سرمدی
زین مصیبت گشته دلها بیقرار
کشته شد در کربلا انصار دین
ازجفای کوفیانه کین شعار
روز عاشورا خدیو کائنات
آن رضا برحکم حی کردگار
بهرحجّت، حجّتِ ارض وسما
از خیم آورد طفل شیرخوار
عرشیان در عالم بالا غمین
نوحه سر می داد جِبریل اشگبار
رو به سوی لشگر کفر و نفاق
گفت آن شاهنشه گردون مدار
من حسینم پارهء قلب رسول
پورحیدر شهریار باوقار
مادرم امّ الائمه  فاطمه
آنکه خلقت از وجودش برقرار
علّت غایی کلّ ِ ممکنات
باعث ایجاد هـر لیل و نهار
حجّت روی زمینم کز جفا
روز روشن شد برایم شام تار
اصغرم لب تشنه در آغوش من
آرمیده از عطش بی اختیار
هرم سوزان نفسهایش مدام
میزند بر قلب بابایش شرار
جرعه ای آب از ره صدق و ثواب
اصغرم را بس گروه نابکار
شاعر : موسی جوانی تبریزی
***

احوالات حضرت علی اصغر (علیه السلام)

همیشه عارف اولان دور روزگاره گولر
حکیم آدام اوتوروب چرخ کجمداره گولر
طبیعتون ایشی جدا همیشه گولملیدی
بجا گولر ايله هر کیم که روزگاره گولر
فلک یتورمدی سهرابه نوشدارونی
النده زهر اجل چشم انتظاره گولر
کیمون مگر سر وقتینده دادینه یتشوب
الیکه سالدی بیرین دوره دن حصاره گولر
بشر محالیدی مین جانیدن بیرین قوتارا
اوقدر دام قوروب جمله رهگذاره گولر
نه آه بلبلبه قلبی یانار نه حسن گله
هزار مرتبه فصل خزان هزاره گولر
نقدری بلبلی خار اینجیدر فلک سویونر
او آغلاوقجا مرتب جفای خاره گولر
گل اوسته شبنم اولان اشگ شوق بلبلبدور
گجه باخار گله آغلار سحر دوباره گولر
محبت اهلی ولی چرخه اعتنا ایلمز
مدار کاینی سایماز او کجمداره گولر
النده کاسه ی زهر اولسا شهد ناب بلر
آپارسالار اونی هر لحظه پای داره گولر
کتابی یوخیدی بو عشقین ولی معلمی وار
معلم ایلسه شاگرده بير اشاره گولر
خیانت ایتمسه عشق ئورگدن دوز ئورگتسه
گوررسن اوچ پر اوخا طفل شيرخواره گولر
بیلر کیمون طرفیندن گلور او زهریلی اوخ
اودور اوشاقدا همین تیر جانشکاره گولر
باخور گوی اهلی همین عشقه حال حیرتیلین
باسوبدی باغرینا ماه آغلیور ستاره گولر
که یعنی ایستمه سو اوچ پر اوخ سوورادی منی
آگر آنام باخا بو لعل آبداره گولر
آنام فقط بونا آغلوردی من سارالمشدیم
بو یاندی قانه یوزوم گورسه گلعذاره گولر
بابام منی یتوری آناما جان ویریم قوجاقینده
اگر باخام اوزینه دیده ی خماره گولر
چوخ آغلاما باباجان بلگیم بندين آچما میداندا
چالاندا چون ال ایاق اوچیلار شکاره گولر
چوخ آغلاما باباجان غیرتیم قبول ایلمور
دایانما حرمله بو چشم اشگباره گولر
جفالی حرمله بو ننگی افتخار بیلور
سن آغلوسان اودا الان بو افتخاره گولر
شاعر : مرحوم استاد رحیم منزوی اردبیلی
***

در احوالات حضرت علی اصغر (علیه السّلام)

سبک : بخدا دنیا رو نمیخوام بی ابوالفضل
ای اولان دردلر دواسی شاه مظلومان بالاسی
جانیمه اوت سالدی الله بوغازیندا اوخ یاراسی
الیم اوسته چیخدی جانی الله الله
بوغازینان سوزدی قانی الله الله
اوچ گجه گوندوزدی یارب ایچمیوب سو نیمه جاندی
اوخلانوب نازیک بوغازی پیکری پیوسته قاندی
خیمه ده بی کس آناسی یول گوزتلور ناگراندی
هی دیور الله نظر اِئت اولماسین باشدا بلاسی
الیم اوسته چیخدی جانی الله الله
بوغازینان سوزدی قانی الله الله
آناسینان من آلاندا واریدی چوخ سوز و سازی
الیمین اوستونده ایندی پارچالاندی گل بوغازی
قانه باتدی اکبریم تک چوخالوبدور امتیازی
اصغریم اکبر نشانی عشقوون قاندی بهاسی
الیم اوسته چیخدی جانی الله الله
بوغازینان سوزدی قانی الله الله 
بو گلی دردیم گتیردیم دُوندرم بلکه گلابه
اوخلانوب اما الیمده دوشدی جانی پیچ و تابه
جان وئریب شش ماهه اوغلی صبری وئرالله ربابه
قانه باتدی چون الیمده صود امر دیلسیز بالاسی
الیم اوسته چیخدی جانی الله الله
بوغازینان سوزدی قانی الله الله
حرمله بولدی سوسوزدی اوخلادی عطشان بالانی
یوخدی الله اللریمنن قوزی قربانی آلانی
نه آلان واردی الیمنن نه ده وار قبره قویانی
نیلیک دیلسیزلرینده واردی گویده بیر خداسی
الیم اوسته چیخدی جانی الله الله
بوغازینان سوزدی قانی الله الله
شاهد اُول یارب بو حالدا بالامون قیلدیم نمازین
عرشیده سن ساخلا الله بو شهیدین امتیازین
گویللره یاز بیشدی پیکان بالامون عطشان بوغازین
نه اوتاندی اوخ آتان اَل نه اوخون اولدی حیاسی
الیم اوسته چیخدی جانی الله الله
بوغازینان سوزدی قانی الله الله
چشمه تک رخساره آخدی گوزلریمنن دیده یاشی
قالدی انگشتر الیمده پارچا پارچا اولدی قاشی
توتماسیدیم اللریمنن اوزولردی فـوری باشی
اصغریمده اولدی یارب دینوون قانلی فداسی
الیم اوسته چیخدی جانی الله الله
بوغازینان سوزدی قانی الله الله
شاهین ئولسه بیرجوانی دردین هش وقت چوخلامازلار
تک قالان بیر شاهی آیا یاد ائدوب هش یوخلامازلار؟
رسمیدور دریا یانیندا تشنه آهو اوخلامازلار
حرمله سیندیردی رسمی واردی یارب چوخ جزاسی
الیم اوسته چیخدی جانی الله الله
بوغازینان سوزدی قانی الله الله
شاعر : کربلایی رامین محمدزاده ( پریشان)
***

احوالات دفن حضرت علی اصغر (علیه السلام) توسط حضرت امام حسین (علیه السلام)

قانه بلنمیش تللری یللر کیمی پهن ایلدی
شش ماهه طفلی شاهیمیز گورسن نیه دفن ایلدی
نافذ دلیلی بوردادی قبرین حسین قازدی درین
عطشانیدی چوخ،(منزوی) یازدی اولا قبری سرین
یازدیم دلیل عمده سین گورسه آناسی یانماسین
آت دیرناغی آلتدا حسین ایستوردی دیرناخلانماسین
یللر اسنده ایستیسی حلقومینه چوخ اسمه سین
شش ماهه طفلین حنجرین یل شمره بنزر کسمه سین
یوخ یوخ تخیلدور بوسوز قوی اصلی منهاجین یازیم
حاشا بو دیلسیز یاهینین نیلرده معراجین یازیم
کیم یازسا اصغر ذبح اولوب اولماز بو شعری مستند
مقتللری چوخ گزمیشم یوخدور بو بابتده سند
هرکس یازوب رد ایلیون یوخدوراساسی بیرخبر
علم حدیث ایستور بیله هانسی خبردور معتبر
شش ماهه نی دفن ایلدی ،سودی بیرآز قاش سیز قالا
سوموردی باش سیز سینه نین اوستونده بیر باش سیز قالا
چونکه امامیدی حسین علم لدنی سینه ده
مقتلده باش سیز یاتماقین گورمیشدی پس آئینه ده
شاعر نجه الهام آلا وحیی اوخوردی خامه دن
پس پادشاه کربلا آگاهیدی برنامه دن
علت بودور که اصغرین دفن اولماقی فرق ایله دی
کشتی اوگویچک قایقین دریاسینه غرق ایلدی
دفن ایلدی ذبح اولمیا،تللر یرینده پهن اولا
اوز قتلگاهینده علی ایستوردی آخر دفن اولا
فرمایش ایتدی عالم معناده سجاد اوغلینا
ایتدی ملک لر فرض قیل مقتلده امداد اوغلینا
انگشترم قاشسیز ددی قویما منی قاشسیز قالام
من باشسیزام قوی سینمین اوسته قاشیم اولسون بالام
شش گوشه قبریمده منیم زیباتریم اولسون علی
اکبر ایاقدا دفن اولوب بالاسریم اولسون علی
گویچک دلیلی بوردادور طبعیم عجب دقت ورور
روح القدس چون عرشیدن بوشعریمه زینت ورور
خورشید عاشورا بودور علت ستاریلن یاتوب
قبرینده شاه کربلا حلقومی یاریلن یاتوب
(مجنون) یازوب بونوحه نی اما اولوبدور منجلی
بو نوحه نی فرض ایله سن یازدی حسین بن علی
اکبر کیمی اوغلوم اولوب سینمده واردور چوخ یارا
بوطفلی مرهم قویمیشام قلبیمده یارم توختیا
قوی کربلایه کیم گلور شش ماهیه ای وای دیسون
اصغر ربابدان آیریلوب زواری قوی لای لای دیسون
شاعر : کربلایی ساسان آقایی
***

احوالات حضرت علی اصغر (علیه السلام)

اودَم که حرمله ننگین تیر و کمان آلدی
ملک لر ضَجّه چکدی شیعه لر خطّ امان آلدی
خبر ویر هر مریضه نا امید اولسا مُعالجدن
بو طفله آغلاسون تا بهره مند اولسون نتایجدن
عَلاجین آیستَسون بو سودامر بابَ الحوائجدن
کیمه ایتدی طَبابت مزدینه اََشگ روان آلدی
حقیقت گورسَنَر قلب سلیم و چَشم بینایه
اَزَلدن حرمله کور اولدی ساتدی دینی دنیایه
خریدار بهشته بیر اووج قان اَلده سَرمایه
حسینون سوداَمر سَربازی جان ویردی جنان آلدی
دیزین بَرگیتدی یرده اوخ آتان بیر پهلوان مثلی
کمان پُرتاب زِه تابیده اوخ بَرقِ جِهان مِثلی
هدف بیر آلتی آیلق سودامر بَرگ خزان مثلی
حسینون خیری اولسون غنچه ویردی گلستان آلدی
گوراوچ پَر اوخ سودان آیری دوشَن بیر ماهیه نِیلر
دَگه دیوار مسجدده قنادسیز یاهیَه نیلر
ابوالفضلی یخان بیر اوخ گورون شِشماهیه نیلر
باش آیریلدی بدَندن قلب زهرادن توان آلدی
اوخی چکدی بوغازیندن آتوب قان مثل فَوّارَه
دمادم دولدوروب او جین ایدوب عَرضَه خریدارَه
جَنازه اَللَری اوسته قالوب میداندا آوارَه
ندای احسن احسن ذاتِ حَقدن ناگهان آلدی
آتانون اللری قان، یوزگوزی قان، آغ مُحاسن قان
بالانون ایسلادوب آغ دوشلوگین زیبا لباسین قان
اولوب بابَ الحوائج ایلدی تضمین بقاسین قان
عَموسی حضرتِ عبّاس تک نام و نشان آلدی
نَظَر اطرافنه سالدی ئوزین تَک گوردی میداندا
دیدی قارداشلاریم اوغلون خدا غرق المش اَلقاندا
قالان بیر سودامر سربازیمیدی ذِیل پیماندا
اودا صد ساله درسی آلتی آیدا بیزَبان آلدی
بو غمدن پارچالانمشدی نه طاقتده داغ اولسیدی
بهارون فصلی سولمشدی نجه عالی باغ اولسیدی
بالام اَل اوسته قالمازدی ابوالفضلیم ساغ اولسیدی
گوروب قارداشسیزام اَطرافمی بو کوفیان آلدی
ئوزون مَحشَر گونی ای منتقم قیل عدلیلن دیوان
بو من او حَرمَله بو اصغر مظلوم او ناحق قان
ساتان من مشتری سن قان مَتاعیم قیمتی رضوان
ئوزون ویر خیرینی یا رب ساتان ساتدی آلان آلدی
بالا از بسکه چرپندی آتانون سینه سی اوسته
ویروب جان مُرغ بِسمِل تک و لیکن قول قَناد بسته
قویوب یوز خیمیه ساری آتا خسته بالا خسته
اوزاقدان رَمزی اوّل زینب بی خانمان آلدی
اورَکلندی دیدی قارداش گلِ خندانوه قربان
سوا عطشان گیدوب عطشان گلن مِهمانوه قربان
اَلون اوسته مَلکلَر آغلیان قربانوه قربان
بو دلسیز نیلَمشدی دشمن آخر قانه قان آلدی
دیدی سَن اولماسیدون خِیمیه باجی گَلمَزدیم
آناسی خیمه دن باخسیدی من تلّی اننمزدیم
بو حالیلن که سن گوردون گوزینه گورسنمزدیم
ربابه درسی سن ویردون فلک سخت امتحان آلدی
وداعین وقتیدور باجی فراقه قوی ایدیم تَمکین
عیادت ایلیوم سجّادیدن دردی تاپا تسکین
مریضون یاننه گیتمکده امّا وار گوزل آئین
گوررسن هرکسی بیر هدیه در حد توان آلدی
مریضه دسته گل باغلالا بیر خوش رسم و عادتدی
اودور سَجّاده گتدیم بو گلی وقت عیادتدی
آپار ویر ئیلسون ویرسون سیزه بو یاخشی فرصتدی
مریض ئیلر گلی اوندان گوررسن دیگران آلدی
ویرنده هرقزا اما دینن آرام آل آغوشه
یواش باس باغروا دیسگینمسین الان گیدوب هوشه
آتوب دوتما بوغازیندن دوباره قان گلر جوشه
ویرون الدن اله بلکه رباب مهربان آلدی
آلوبلار قانلی قنداقی ئوپن الدن اله ویردی
بوغازینون یاراسین کیم گوروب زلفین یله ویردی
ربابه نوبه چاتدی شاعره مولی صله ویردی
سیزیلتیلان ایله نوحه دیدی فیض کلان آلدی
دیدی گرچه غموندن ئولمدیم من زنده ام اوغلوم
نقدری که آدون اوستومده وار پاینده ام اوغلوم
قصوریم اولدی سندن حشره جک شرمنده ام اوغلوم
منیم سینمده سن بخت اولدوزیندن آسمان آلدی
یقینیمدورگجه چوخ اینجیمیشدون ایندی دینجلدون
یانوردان صبحه جک آهون اوخیلان قلبیمی دلدون
ایون آباد کوسمشدون گنه آغوشه گلدون
کانّه آلتی آیلق دستمزدین باغبان آلدی
شاعر : مرحوم استاد منزوی اردبیلی
***
احوالات حضرت علی اصغر (علیه السلام)
سس دوشدی حرمخانه ده گریان اولان اولسون 
بیچاره ربابیله نواخوان اولان اولسون 
قاسم طویونا یاخچی حنا ایتدی تهیه 
کیم یاخسا حنا اصغره مهمان اولان اولسون 
دقتله و لیکن یاراسین باغلیون اول 
خشگ ایلمگه زلفی پریشان اولان اولسون 
دسمالیله آهسته سیلون قانی یوزیندن 
سو یوخدی اقلا سر و سامان اولان اولسون 
نسوان حرم آلدیلار اطراف ربابی 
سسلندیله غمدن ئورگی قان اولان اولسون 
بیر اوخشاما قیلان ئوزین ئولدوردی سکینه 
درد اهلنه همناله و افغان اولان اولسون 
باش یولماقا گوردیله تلاشیله آچور یول 
سسلور چکیلون اصغره قربان اولان اولسون 
بیر نخبه روایت اوخودی فلسفی بیر گون 
قوی عرض ایلیوم صبر ایوی ویران اولان اولسون 
فرمایش ایدوب گورجک او احوالی اوشاقلار 
سسلندیلر آماده طوفان اولان اولسون 
دوغراندی جوانان بنی هاشم و انصار 
نوبت یتوب اطفاله گریزان اولان اولسون 
ششماهیه رحم ایلمین گور بیزه نیلر 
مخیمده قالوب قاننه غلطان اولان اولسون 
گورسه بیزیده حرمله اوخلار دیری قویماز 
تز دالدالانوب خیمده پنهان اولان اولسون
 شاعر : مرحوم استاد منزوی
***
احوالات حضرت علی اصغر (علیه السلام)
گتوردی اصغری میدانه بادشاه حجاز
ال استه دوتدی او طفلی صغیری چون شهباز
بویوردی سیز دیوسوز جمله اهل ایمانوق
بو ادعانی ایدورسوز که بیز مسلمانوق
بو طفل زلری گورورسوز علی اصغردور
بلون بو قدرکه ذریه بیمبردور
گلون ویرون بیر ایچیم سو بو طفل عطشانه
ویرله رسمیدی سو چون کسنده قربانه
بو قدر ایلمیون دیده می منیم بر اب
رضای الله ایچون ایلیون بونی سیراب
ایچون سرین سو قویون بالام باخسون
بیر از ویرون دوداقی لامحاله ایسلانسون
مشوش ایتدی عمر سعدی بادشاه حجاز
دونوب اویان بویانا اختاروردی تیر انداز
نه گوردی حرمله دورموش الینده تیر و کمان
اشاره ایتدی علی اصغری اویات یوخودان
چون الدی وعده انعام اولدی چوخ خوشنود
قویوب کمانه اودم بیر خدنگ زهر الود
دگوب بوغازینه اوخ رنگی سربسر قاچدی
ازلده بیر ال ایاق چالدی گوزلرین اچدی
اچوب گوزینی گوروب قورتولوب ملالتدن
ولی اتا سی اونا باخموری خجالتدن
گیدوبدی هوشه او دمده او طفل دلخسته
چکوب اوخی بوغازیندان امام اهسته
بو رسمیدور گوویرن وقته هر گل و سنبل
نگار محضرینه گوندرله قرمزی گل
بو رسمی کرببلاده حسین دوندردی
گوروب که قرمزی گل یوخدی غنچه گوندردی
جهاندن کیمسه بلنمز بو سر بنهانی
نه یاخشی تحفه دی معشوقه عاشقین قانی
گوروب حسین علی اصغری دوشوب دلدن
دیدی بونون قانی خوشرنگیدور هامی گلدن
دوتوب او قانی اتوب سوی عرش اعلایه
که یعنی سیر ایلیون راضیم بو سودایه
وارام بو معره کده تا نقدری جانیم وار
گتورموشم قابووا بیر بونا گمانیم وار
گوروب که چیخدی قوجاقینده اصغرین جانی
خیامه گلمدی اول دولاندی میدانی
نچونکه ایتموشیدی شرمسار او حالتدن
خیامه گیتمدی چون کثرت خجالتدن
یارالی اهو کیمی یوز قویوب بیابانه
کمال حسرتیله چون باخاردی هر یانه
گزردی قتلگهی اول امام دلخسته
گذاری دوشدی یارالی جنازه لر استه
یوزین دوتدی علمداره خطاب ایتدی او سرداره
که قارداش قالدیم اواره الیمده اصغر اوخلاندی
دور ای قولسوز علمداریم بوزولدی گور نه برگاریم
داخی یوخدی هواداریم الیمده اصغر اوخلاندی
دور ای سردار صد باره ایله بو دردیمه چاره
قالوب قارداشین اواره الیمده اصغر اوخلاندی
دوروب اول شاه غم برور توکوب گوزدن در و گوهر
بویوردی دور علی اکبرالیمده اصغر اوخلاندی
اوغول دور گور نه حالتدورخیامیمده قیامتدور
منه وقت قیامتدور الیمده اصغر اوخلاندی
شاعر :  مرحوم  ذلیل تبریزی
***
در احوالات شاهزاده حضرت علی اصغر (علیه السلام)
شیر خوار عشق
باز در میدان به اتنصار شد
خواستار از خفته و بیدار شد
حق جوابش دادو هم مخلوق حق
ممکنات از ماسلف تا ما سبق
آن اجابت ها قبول حق نشد
هیچ یک مقبول آن درگه نشد
جز علی اصغر گل گلزار عشق
شیر خوار عشق آمد یار عشق
این ندای عشق و بود و پر شرار
کرد عشق شه اثر در شیر خوار
شیر خوار عشق اندر مهد عشق
یادش آمد از الست و عهد عشق
چون زبان عرض لبیکی نداشت
لا جرم گردن به نصرت بر فراشت
دست و بازورا برون کرد از قماط
آمد آن افسردگی در انبساط
غنچه پزمرده بشکفتن کرفت
تشنگی از یاد بردی ای شگفت
پرده و رو پوش از رخ بر فکند
خویش را در دامن مادر فکند
از ندای شه زتن تابش برفت
شوق میدان آمد و خوابش برفت
خواست گوید ای ولی کردگار
سوی من لختی عنان معطوف دار
عشق را گر خود منادی آمدی
عاشقان را گرچه هادی آمدی
اینک اینک مشتری تو منم
شیر خوارم لیک من شیر افکنم
 بانگ عشقت شورم اندر سر فکند
پرده ای خوابم ز صورت بر فکند
جان بابا اصغر از سوز عطش
کرده بود امروز در گهواره غش
حالیا از صیت و صوت شاه عشق
آمده بی دست و پا در راه عشق
فکر آبم شد برون بابا زسر
تشنه ام من تشنه ای آبی دگر
زان مئی کاو عون و جعفر خورده اند
قاسم و عباس و اکبر خورده اند
آخرین جامش به کام من فشان
تا صغیرت باشد از دردی کشان
گر ندارم دست و بازو و تنی
دارم اینک من گلو و گردنی
تا هدف سازم به پیش تیر عشق
تا ببوسم مرد سان شمشیر عشق
زود باز آ سوی میدانم ببر
بر سر کوی شهیدانم ببر
من نخواهم اسب و شمشیر و زره
غرق خون گشتن در این قنداقه به
گرچه طفلم مرد این میدان نیم
خردم و در خورد این عنوان نیم
لیک از مردان صد میدان به ام
باز عشقم در کف شا هنشهم
هست آغوش تو قربانگاه من
در کف دست تو جولانگاه من
خون من هر چند مقدارش کم است
قطره ای زان خون برابر با یم است
گر زمن خالی شود گهواره ام
یا که مادر بنگرد صد پاره ام
تیر اگر بر حلقم آید جای شیر
جای پستان گر ببوسم نوک تیر
به که خشکد شیر در پستان عشق
یا جنین مانند فرزندان عشق
نی مرا حاجت به پستان رباب
نی مرا چشم است بر یک قطره آب
آرزو دارم بسی از حد فزون
کاین نهالی را که بنشاندی کنون
خون پاکان پاش جاری میکنی
هم به خونت آبیاری میکنی
از کمی خون من ای جان پدر
آب ده تا زودتر گیرد ثمر
بلکه بابا زودتر بار آورد
میوه های خوش ببازار آورد
چون تورا شاهنشهی در محشر است
هم تورا تاج شفاعت بر سر است
تاج شاهان تا بیابد زیوری
میکنند آویزه ای او گوهری
من که در بزم شهیدان اصغرم
بر سر تاج شفاعت گوهرم
گر زخون قندا قه ام رنگین کنند
سینه ام آماج تیر کین کنند
روزی این قنداقه پرچم میشود
بیر قی بر فرق عالم میشود
بند قنداقه بود حبل المتین
تار و پودش با شرف گردد قرین
بارگاه ظلم میکوبد بهم
ما شویم اندر جهان فخر امم
باری از گهواره خودرا بر فکند
شور وشین از آل طاها شد بلند
ناله و شیون بگوش شه رسید
شاه از میدان عنان وا پس کشید
باز گشت آندم سوی اهل حرم
بانگ زد ای ساکنان کوی غم
من نگفتم گریه ها آهسته تر
تا نخندد خصم بر ما بیشتر
از چه رو نالیدن و شیون کنید؟
ناله اندر سینه دشمن کنید
از برادر زینب استقبال کرد
شه زنانرا پرسش احوال کرد
سر فریاد و فغان پرسید باز
گفت زینب ای تو خود دانای راز
تا ندای غربتت آمد بگوش
اصغر آمد چون دل من در خروش
طفلکی کز تشنگی بیتاب بود
نی بکامش شیری و نه آب بود
این سه روز این قدر بیتابی نکرد
ناله ای از درد بی آبی نکرد
بس که کام و حلق او افسرده بود
ناله ها اندر گلویش مرده بود
لیک در ان دعوت عالم رسا
کاتشی افکند اندر ماسوا
اصغر بی شیر غوغا کرده است
در اجابت دست بالا کرده است
شاه فرمودش که اصغر را بیار
تا دهم اندر دلش صبر و قرار
تا که سوی مکتب عشقش برم
در کف استاد عشقش بسپرم
جایش اندر دامن اکبر دهم
آبش از سر چشمه کوثر دهم
عشق ما در جان او تاثیر کرد
خود نشاید امر او تاخیر کرد
طفل کم صبر است و عشق آتش فشان
عشق نیرومند و اصغر ناتوان
اصغر آمد در کف سلطان عشق
نام او شد ثبت در دیوان عشق
کرده با تجلیل عز فائقه
بانوان قنداقه اش را بدرقه
مادرش در سوز دل جان میگداخت
بوسه بر لبهای اصغر مینواخت
عمه هایش حلقه گرد شه زدند
هله پیرامون مهر و مه زدند
رفته از اصغر کنون افسر دگی
با طراوت گشته آن پزمردگی
غنچه نشکفته از هم واشده
چون گل سیراب بس رعنا شده
مرغ بی پر میل شهبازی نمود
بر سر دست پدر بازی نمود
قوم دیدند ان زمان سلطان دین
جلوه ای دیگر کند بر صدر زین
بر کف دستش مهی عالم فروز
مه چه بودی شعله ای آفاق سوز
دست شه جای ید بیضا شده
ذولجناح اش سینه سینا شده
گلبنی گل غنچه بار آورده است
بر سر بازار یار آورده است
بین شاه و اصغرش با ان سپاه
بود قدر فاصله یک تیر راه
شیر و خوار و دست شه آن منظره
بشت ره در فکر دشمن یک سره
چون برای شیر خوار تشنه لب
زان جماعت آب بنمودی طلب
شد بلند از هر کناری زمزمه
اوفتاد اندر سواران همهمه
کاین حسین با شیر خواری تشنکام
آمده تا خود کند حجت تمام
در قیامت ما چه گوئیمش جواب
بهتر آن باشد که در این انقلاب
ما به ترک جنگ بااو تن دهیم
زین بیابان روی اندر ره نهیم
بعد از این مارا باو پیکار نیست
با چنین حجت به جنگ اصرار نیست
در میان ان خروش و ولوله
تیری امد از کمان حرمله
تیر بر حلق علی اصغر رسید
لرزه بر ارکان عالم در رسید
أن هیاهو و صدا آرام شد
مقصد شه زان میان انجام شد
بود شاه عشق اندر فکر او
داشت برلب گاهگاهی ذکر او
که مبادا شیر خوار شاه عشق
خود شود امروز سد راه عشق
چون پی ایفای آن عهد الست
دست باید شستش از هر چه  که هست
گر بماند در خزانه گوهری
قاسمی یا اکبری یا اصغری
آن هدف را صورت اتمام نیست
عهد شاهنشاه را انجام نیست
لا جرم چون شیر خوارش شد شهید
اندر آن ره شه دگر سدی ندید
گوش تا گوش صغیر بیگناه
پاره شد از نوک تیر ای آه آه
بازوی شه نیز باان تیر دوخت
خرمن صبر جهانی پاک سوخت
تیر دشمن چون ورا سیراب کرد
بی تامل رو بسوی باب کرد
در تبسم رفت و زد لب خنده ای
خنده ای پر معنی و ارزنده ای
کای پدر عهدت نشد پایان پذیر
جز به خون حلق من طفل صغیر
در کف دست خدا شد جای من
شد کتابت ختم با امضای من
گر به من دل بسته بودی اندکی
وز عزیزان مانده بودم من یکی
من هم اینک گشتمی قربان عشق
طفلکی شد همره مردان عشق
کی ما کن قبولشتگانت را من اینک اصغرم
اصغرم اما به معنی اکبرم
بر سر دستت شدم از اب سیر
خوردمی از کوثر و از جوی شیر
کامیاب از ساقی کوثر شدم
هم به کوثر غرق پا تا سر شدم
شاه نعشش را زخون رنگین نمود
گوهری را با عقیق آئین نمود
پس نیاز اورد ان سبط رسول
کای خدا قربانی ما کن قبول
شد برون با اصغر از قلب سپاه
برد ان قنداقه را در قتلگاه
کرد خود بر کشته اصغر نماز
این چه سر است این چه رمز است این چه راز؟؟
شاعر : مرحوم شمس اصطهبانی
***
احوالات حضرت علی اصغر (علیه السلام)
بلا چولینده شهنشاه آسمان درگاه
یگانه گوهر گنجینه فنا فی الله
گوروب که یوخ کمکی تحت چرخ میناده
گمانی بیر کسه گلمزبو دار دنیاده
ایدوب او شمس حقیقی شرف و غربه نظر
نه بلکه ذره بذره جهان ایجاده
سوای اصغر لب تشنه گورمدی بیر کس
او قابلیتی یوخدور که گلسین امداده
اسوب امام زمانین نسیم مرحمتی
او طفل تشنه لبین گیتدی طاقتی باده
هوای عشق دوتوب بند بندینی نی تک
باشیندا شور حسینی گلردی فریاده
یوز اضطرابیله گهواره مرصعدن
اوزین آتوب یره اول شیر خوار شهزاده
او شیر خواره نی ایله چکردی جذبه عشق
که شیر بچه نی چکمز او نوع قلاده
سیزیلدیوب جگری اود دوتوب کباب کیمی
گلوب نوایه رگ و ریشه سی رباب کیمی
دیردی قانه بو گون تشنه ام نه تشنه شیر
که قان ایچر سودی ترک ایلینده بچه شیر
تمام عشق حسینی بروز ایدر مندن
نجه که ذره دن ایلر ظهور مهر منیر
اگرچه طفل صغیرم دگل منیم قتلیم
خدای اکبر و اعظم یانیندا جرم صغیر
اگرچه تشنه ام آب فراته یوخ میلیم
که اشک زینب ایدوبدور منی جهاندان سیر
بلانی قسمت ایدنده من اولموشام مغبون
که با تفاوت اولوب حصه صغیر و کبیر
من فدای حقه اوخ ویروبدولر قسمت
علی اکبره مین زخم نیزه و شمشیر
آناسی آلدی او طفلی قوجاقه چکدی فغان
گلوب مقابله عرض ایتذی ای امام زمان
چشم خماری لعل لبی می پرستیدی
اول تشنکام شیر عجب شیر مستیدی
مدهوش اولوبدی بیر دم آیلماز بو نشئه دن
از بسکه مست باده جام الستیدی
قارداشینین دالنجا گید ر آه و زار ایدر
زنجیر زلفینه  دیه سن پای بستیدی
بو طفلی من جنابووا قربان گتورموشم
هر چند اوشاقدی جاه و جلاله شکستیدی
هر چند بو صغیریدی گوگلوم ایوینده لیک
مهر علی اکبریله هم نشستیدی
آچموش چو شاهباز قضا پنجه ستم
(مضطر) قالوب کبوتر دل زیر دستیدی
شاعر : شکوهی مراغه ای
***
قسمتی از اشعار حضرت علی اصغر (علیه السلام)
اوخ دگنده دست حقین مرغ دست آموزینه
بیر قانادلاندی عدونین ناوک دلدوزیته
قرص مه تک قان سپیلدی  چهر چرخ افروزینه
آخدی دینین نجم رخشانی حبینی یا حسین
اوندا که میداندا محو عشقیدی بو شیر خوار
انبیا ایلردی حیرتله او احواله نظار
نقد جانین گوردولر جانانینه ایتدی نثار
قالدیلار بو عشق حیرانی حبیبی یا حسین
مکتب گهوارهده قورتاردی تحصیلاتینی
ألدی اوز تصدیقینی گوستردی معلوماتینی
وزدی معلوماتی آل هند تشکیلاتینی
وار بونون تحسین شایانی حبیبی یا حسین
ای وجود نازنینی یرده رحمت سایه سی
صبر ایله ای انبیادن سخت صبرون پایه سی
وار بهشت عدنیده بو شیر خوارین دابه سی
حور دور گهواره جنبانی حبیبی یا حسین
ایلینمور اوخلانان حلقین نشان ویرسین بالان
صورت حالین سنه شرح و بیان ویرسین بالان
قوی قوجاقیندن یره آسوده جان ویرسین بالان
کشف قیلسین حال معنانی حبیبی یا حسین
شاعر : مرحوم تائب تبریزی
***
احوالات حضرت علی اصغر (علیه السلام)
من ایسترم نه قدر دوندرم خطِ سیری
گوگل خیاله سالور یاده دوشمین خیری
ندا یتوردیله غم ذکری صبریمی آلدی
او عشق گلشنینون غنچه بیر گُلی قالدی
بو دیده ی دل غم دیده سیریدن دویمور
چخام کناره منی قتلگاهیدن قویمور
اولوبدی چشمه ی خون قتلگاهیدن جاری
سالوبدی خیمه گهه اود سوسوزلیق آثاری
قویوبدی حرمله اصغر آناسینی گریان
شکفته لَنمه میش اولدی اوغنچه گُل خندان
بصیرتیله بوغازینده اوخ یاراسینا باخ
ایکی اَلی اورکینده قالان آناسینه باخ
آنالیق عالمینی فکر قیل او حالینی گور
به سان برگ گُل زرد رنگ آلینی گور
تهاجم دل مجروحینی سود ایشدیردی
اورکینون باشینی دم به دم اوغوشدوردی
باخوب او حالینه اوغلی اُلن آنا قانوری
فقط سریّه و لیلا بُلور نجه یانوری
آپاردی گرچه آتاسی او طفل عطشانی
که بلکه سو ویره بیر شربه لشکر جانی
نه ویردیلر بیر ایچیم تشنه کام سروره آب
نه آلدی اوزلری قیلدی او غنچه نی سیراب
هامی قساوت قلبین او دمده یوخلادیلار
خدنگ حرمله ایله بوغازین اوخلادیلار
امام بند قُماطین کَسوب همان ساعت
چخارتدی اَللرینی تا که جان ویره راحت
بو نکته وار یری آتش هامی جهانه سالا
که آلتی آیلیق اوشاق اَللری بلکده قالا
دگلدی بیهده زیر قماطدِیدی اَلی
رباب ایلدی سون گونلرینده بو عملی
سو ایچمه میشدی نچون سینه سینده سود یوخودی
بو باره دن غم و درد و مصیبتی چوخودی
او سهلیدور که توکردی گوزیندن اصغر یاش
نچه گونیدی آنا سینه سین ایدردی خراش
دلی یوخودی قیلا اوز سوسوزلوقون اظهار
ایدردی هر کسه بیر نوع حالینی اخطار
آلوردی هر کس او گُل غنچه سین قوجاقینده
قویاردی اَللرینی اوز سوسوز دوداقینده
یاناردی حالینه عورت اوشاق، حیالی گَلین
آناسی قویموشیدی قونداق ایچره ایکی اَلین
کفایت ایلدی صافی بو مطلبی قورتار
او حاله ایمدی ده معناده قدسیان آغلار
اُلونجه آغلیاسان سنده، چوخ دگل، آزدی
نجه شقیدی او لشکر حسینه یانمازدی
او بوته ی گُلی اوز قونداقیله دفن ایتدی
قِییتدی گَلدی مَصافه، شهادته یتدی
مزارینی خبر آلسان چَک آهی آه اوسته
دیوم او قصّه ی جان سوزی منده آهسته
جفادن اهل عداوت او چولده دویمادیلار
چخارتدیلار اونی، اوز مدفنینده قومادیلار
کَسوبله باشینی، نعشین سالوبلا خاک اوسته
یانوبدی سینه ی مجروح چاک چاک اوسته
آلوب دوباره او طفلی آتاسی آغوشه
مزاردور اونا، اَل یتسه قبرِ شش گوشه
بو باره ده او قدر وار سوزوم تمام اولماز
گَلور بهار و خزان نامه اختتام اولماز
بو نامه ختم اولی بیر کلمه ی مُجرّبیله
سوزیمه خاتمه ویرّم کلام زینب ایله
شاعر : مرحوم صافی
***
احوالات حضرت علی اصغر (علیه السلام)
حرمله آلدی اله تیر و کمان
حلق علی اصغری ایتدی نشان
حرمله نابکار-ظلمین ایدوب آشکار
تیر جفا آچدی هوا اوزره پر
حلق علی اصغره ایتدی گذر
اوخ یتیشن وقته اولوب باخبر
دیسگنوب آچدی گوزونی ناگهان
بیر حرکت ایلیوب آرام اولوب
گل کیمی بیر آنیده رنگی سولوب
قدرت دامن حرکتدن قالوب
الومادی حالی ایده آه و فغان
گوردی بو احوالی شه کم سپاه
حسرتیله اصغره قیلدی نگاه
قلبی یانوب چکدی یانان دلدن آه
گوز یاشینی دیده دن ایتدی روان
چکدی بوغازیندن اوخی اصغرین
قانی آخوب اوخ یتیشن حنجرین
بیر حرکت ایتدی یوموب گوزلرین
اللری اوسته او شهین ویردی جان
خون علی اصغری دوتدی اله
سپدی هوا سمتنه گلدی دله
بار خدا عدلیله دیوان ایله
ظلمیلن الدوردی بونی کوفیان
هانسی گناهیله بو طفلین خدا
توکدوله قانین یره اهل جفا
ایله بو قانی سن اوزون ادعا
قویما قالا یرده خدایا بوقان
واردی (محقّر) قلمونده اثر
نخل امیدین سنه ویردی ثمر
هر نه یازارسان دله تاثیر ایدر
ویردیلر آخر بیله نطق زبان
شاعر : مرحوم حقیرخوئی 
مرقوم از کتب خطّی قدیمی
***
حضرت علی اصغر (علیه السلام)
شد چو خرگاه امامت چون صدف‏
خالى از درهاى دریاى شرف‏
شاه دین را گوهرى بهر نثار
جز درّ غلطان نماند اندر کنار
شیرخواره شیر غاب پر دلى
نعت او عبدالله و نامش على
در طفولیت مسیح عهد عشق‏
انّى عبدالله گو در مهد عشق‏
بهر تلقین شهادت تشنه کام
از دم روح القدس در بطن مام
ماهى بحر لدنى در شرف
ناوک نمرود امت را هدف‏
داده یادش مام عصمت جاى شیر
در ازل خون خوردن از پستان تیر
کودکى در عهد مهد استاد عشق‏
داده پیران کهن را یاد عشق‏
طفل خرد اما به معنى بس سترک
کز بلندى خرد بنماید بزرگ‏
خود کبیر است ار چه بنماید صغیر
در میان سبعه سیاره تیر
عشق را چون نوبت طغیان رسید
شد سوى خیمه روان شاه شهید
دید اصغر خفته در حجر رباب
چون هلالى در کنار آفتاب‏
چهره کودک چو دردى برگ بید
شیر در پستان مادر ناپدید
با زبان حال آن طفل صغیر
گفت باشه کى امیر شیر گیر
جمله را دادى شراب از جام عشق
جز مرا کم تر نشد زان کام عشق‏
طفل اشکى در کنار، افتاده‏ ام‏
مفکن از چشمم که مردم زاده ‏ام
گرچه وقت جانفشانى دیر شد
مهلتى بایست تا خون شیر شد
زان مئى کاکبر چو رفت از وى ز پا
با سر آمد سوى میدان وفا
جرعه ‏اى از جام تیر و دشنه ‏ام
در گلویم ریز که بس تشنه ‏ام
تشنه ‏ام آبم ز جوى تیر ده‏
کم شکیبم خون به جاى شیر ده
تا نگرید ابر کى خندد چمن
تا ننالد طفل کى نوشد لبن
شه گرفت آن طفل مه اندر کنار
یافت درّى در دل دریا قرار
آرى آرى مه که شد دورش تمام
در کنار خود بود او را مقام
برد آن مه را به سوى رزمگاه‏
کرد رو با شامیان رو سیاه‏ 
گفت کاى کافر دلان بد سگال‏
که به رویم بسته‏اید آب زلال‏
گر شما را من گنهکارم به پیش
طفل را نبود گنه در هیچ کیش‏
آب ناپیدا و کودک ناصبور
شیر از پستان مادر گشته دور
چون سزد که جان سپارد با کرب
در کنار آب ماهى تشنه لب‏
زین فراتى که بود مهر بتول‏
جرعه‏یى بخشید بر سبط رسول
شاه در گفتار و کودک گرم خواب
که ز نوک ناوکش دادند آب
در کمان بنهاد تیرى حرمله
اوفتاد اندر ملایک غلغله‏
رست چون تیر از کمان شوم او
پر زنان بنشست بر حلقوم او
چون درید آن حلق تیر جانگداز
سر ز بازوى یدالله کرد باز
الله الله این‏ چه تیر است و کمان
کس نداده این چنین تیرى نشان‏
تا کمان زه خورده چرخ پیر را
کس ندیده دو نشان یک تیر را
تیر کز بازوى آن سرور گذشت
بر دل مجروح پیغمبر گذشت
نوک تیر و حلق طفلى ناتوان
آسمانا باژگون بادت کمان‏
شه کشید آن تیر و گفت اى داورم
داورى خواه از گروه کافرم‏
نیست این نوباوه پیغمبرت‏
از فصیل ناقه کم‌تر در برت
کز انین او ز بیداد ثمود
برق غیرت زد بر آن قوم عنود
شه به بالا مى‏فشاند آن خون پاک
قطره‌اى زان برنگشتى سوى خاک
پس خطاب آمد به سکان ملاء
که فرود آئید در دشت بلا
بنگرید آن کودکان شاه عشق‏
که چه سان آرند بر سر راه عشق‏
بنگرید آن مرغ دست‏آموز عرش
که چه سان در خون همى غلطد به فرش!
ره که پیران سر نبردندش به جهد
چون کند طى یک شبه طفلان مهد
این نگارین خون که دارد بوى طیب‏
تحفه‏اى سوى حبیب است از حبیب‏
در ربائید این نگار پاک را
پرده گلنارى کنید افلاک را
کآید اینک مهر پرور ماه ما
یک دم دیگر به مهمانگاه ما
در ربائید این گهر‏هاى ثمین
که نیاید دانه‏اى زان بر زمین
باز داریدش نهان در گنج بار
کز حبیب ماست ما را یادگار
قطره‏اى زین خون اگر ریزد به خاک
گردد عالم گیر طوفان هلاک‏
تیر خورده شاهباز دست شاه
کرد بر روى شه آسیمه نگاه
غنچه لب بر تبسم باز کرد
در کنار باب خواب ناز کرد
ره چه گویم من که آن طفل شهید
اندران آئینه روشن چه دید
وان گشودن لب به لبخند آن چه بود
وان نثار شکر و قند از چه بود
رمز کنت کنز بودش سر به سر
زیر آن لبخند شیرین مستتر
رمز خلق آدم و حوا ز گل
وان سجود قدسیان پاک دل‏
رمز بعث انبیاى پر شکیب
وان صبورى بر بلایاى حبیب‏
رمزهاى نامه عهد الست‏
که شهید عشق با محبوب بست‏
پس ندا آمد بدو کاى شهریار
این رضیع خویش را بر ما گذار
تا دهیمش شیر از پستان حور
خوش بخوابانیمش اندر مهد نور
پس شه آن در ثمین در خاک کرد
خاک غم بر تارک افلاک کرد
آرى آرى عاشقان روى دوست
این چنین قربانى آرد سوى دوست
عشق را مادر ز زاد اِستروَنست
عاشقان را قاف وحدت مسکن است‏
اندر آن کشور که جاى دلبر است‏
نه حدیث اکبر و نه اصغر است‏
شاعر : مرحوم نیر تبریزی
***
احوالات حضرت علی اصغر (علیه السلام)
نازك بوغازون رگ لرى باريكدى مودن
مو تك او دامارلار قيريلوب تير عدودن
پيروزى سرودون اوجالوب قانلى گلودن
چوخ شكر ائدورم دشمنه تاپدون ظفر اوغلوم
اسماعيل اياقلارينى ويردى يره بير دم
الله اونا ايجاد ائلدى چشمه ى زمزم
هاجر كيمى بختيم يوخوموش اى گل خاتم
چالدون ال اياق وئرمدى اما ثمر اوغلوم
گر ائتسه فلك حرمله سيرتلرى ساقى
سو سهلدى وئرمز بويار القانه قوناغى
خياط قضا دوتسا گرامى هر اوشاقى
فورا اونا بير قرمزى دوشلوك بيچر اوغلوم
گلدون يارالى گوردوم اوزاقدان سنه يانديم
الدن اله گزدون الى قوينوندا دايانديم
ايستوردوم ئوپم ياره وى عموندن اوتانديم
زهرا بو ربابون عوضينده ئوپر اوغلوم
صود اممسه هر خوردا اوشاق رسمدى ياتماز
لايلايدا دئسون وئرمز اثر مقصده چاتماز
آخر گجه ون دردين آنون هچ غمه قاتماز
چالدون يارالى قوش كيمى هى بال و پر اوغلوم
صغرا سنه يثربده تيكوب يولادى جامه
آق دوشلوگيدى ، كوينگيدى خوردا عمامه
گلميدى اونون تحفه سى ايكاش خيامه
اولميدى ربابه اودا بير دردسر اوغلوم
تا وار نفسيم عشقووى ترك ائتمرم آنى
باران كيمى اشك تريمون وار جريانى
يل لر گله لايلاى دئسه هر صبح زمانى
منده سنه لايلاى ديه رم هر سحر اوغلوم
شاعر : مرحوم انور
***

در شهادت حضرت علی اصغر (علیه السلام)

ای غنچه گللر پاره سی لای لای علی لای لای
وی بوش قالان گهواره سی لای لای علی لای لای
دنیا سویونون داشینی آتدون آنان ئولسون
اکبر قانینــه قانیوی قاتدون آنان ئولسون
اوچ گوندور یاتموردون نیه یاتدون آنان ئولسون
اینجور بوغازون یاره سی لای لای علی لای لای2
تاپدی سنی پیک اجـــل دینجل بالا دینجل
حلقون یاردور وورمام ال دینجل بالا دینجل
سو ایچمدون سن لا اقل دینجل بالا دینجل
یوخدور سنه سو چاره سی لای لای علی لای لای 2
قالدون اوغول حسرت سویا صود اشتیاقینده
سولدون سارالدون گل کیمی بو غنچه چاغوندا
گیت استراحت قیل آنان زهرا قوجاقینده
اولما فرات آواره سی لای لای علی لایلای2
شامه گیدر بی کس آنان اصغر خداحافظ
آدون دلیمله ایتمیشم از بر خداحافظ
سویله دیلینجه اکبره اکبر خداحافظ
اولدون وطن آواره سی لای لای علی لای لای2
آخر اسیرم نیلیوم شمر جفا کاره
بزم یزیده یا چکر یا کوچه بازاره
منلن اولوب یول یولداشی لیلای بیچاره
باشینده اکبر قاره سی لای لای علی لای لای2
مضطر یانار بو سوز لره هر قلب اولان داشدان
آغلار یقین نائل اولور چوخ فیضه گوز یاشدان
چوخ آغلاماق ایستر دو گل باشلا سوزی باشدان
ای غنچه گوللر پاره سی  لای لای علی لای
***
احوالات حضرت علی اصغر (علیه السلام)
گورنده اصغری رنگی آتاسنون قاچدی
گورنده اصغر آتاسین ایکی قولون آچدی
بیرینی بوینونا سالدی گدوب قوجاقینه
قویوب اشاره ایچون بیر الین دوداقینه
که یعنی چوخ سوسوزام نطقدن دوشوبدی دلیم
اولور بو مطلبه شاهد دوداقیم اوسته الیم
اگر سوسوزدان اولم سهلیدور یوخومدور باک
غمیم بودور که آنام آغلاماقدان اولدی هلاک
بودور توقعیم ای پادشاه تشنه لبان
سوسوزلارون کیمی ایله منی سوسوز قربان
دگل منیم قانیم ارتیق علی اکبردن
 سو ایچمسم ایچرم آب حوض کوثردن
بو حسرتیله منی یار کویینه گوندر
الیب ال اوستوه اوزیمی فراته بیر دوندر
شهیدلر کیمی ای پادشاه مظلومان
باخوم فراته ویروم حسرتیله جان عطشان
***
حضرت علی اصغر (علیه السلام)
آلتی آیلیق بیر بالا مشکل لری آسان ائده ر
ائیله سه هرکیم توسل دردینه درمان ائده ر
قولاری قونداقیده باتدی اگرچه قانینه
او کیچیک بارماقلاریلا سائله احسان ائده ر
سوت امر دی لیک عالِم لر دوتار دامانینی
درگهینده مستمنده لطفی بی پایان ائده ر
حرمله ، آللاه سنه لعن ائیله سین ای بی حیا
کیم نثار سوت امر بیر زهریلی پیکان ائده ر
گوزلری یولدا آناسی خیمه لرده ناگران
شیرخوارین قونداقین کیم قانیلن الوان ائده ر
دیزلرین ویردی یئره چکدی زهی سیخدی بیر اوخ
عرش و فرشی سر به سر اوخ غصه دن نالان ائدر
آغلا یا زهرا غریب اوغلون حسینین حالینه
آلتی آیلیق اوغلونی دین اوسته کیم قربان ائده ر
اوخ نه اوخ پیکان نه پیکان تیغ و خنجر دن ایتی
یاره سین گورسه آناسی هر زمان افغان ائده ر
من امامه عرض ائده مم اولدی سرگردان ولی
ال لر اوسته جان وئرن انسانی سرگردان ائده ر
نه گدیردی خیمه یه نه واردی طاقت قالماقا
بو الستی عهدیدی ایفای اوءل پیمان ائده ر
مطمئنه نفسیلن معبودی گوزلور گلماقین
راضیه مرضیّه نی رضوانینه مهمان ائده ر
وئرمدی سو کسدی باشین شیرخوارین حرمله
بو قساوتده ایشی گور هانسی بی وجدان ائده ر
بو مصیبتده همیشه آغلیار صاحب زمان
گوز یاشی قانه دونر باغرین بو غملر قان ائده ر
ای ولائی آغلا یاز ای وای ربابین حالینه
وای بالام وای سسلنر غم گوزلرین گریان ائده ر
***
شاهزاده حضرت علی اصغر (علیه السلام)
ای حرمله این بچه سرِ جنگ ندارد
شش ماهه ی بی شیر که شمشیر ندارد
تیری که به عباس زدی؟! وای خدایا...
شش ماهه ی من طاقت این تیر ندارد
شادی نکنید این همه که مادرش افتاد
شش ماهه زدن این همه تکبیر ندارد
بیچاره ربابه جگرش سوخت و دیگر
کاری بجز اشک و غم شبگیر ندارد
گیرم که شکسته شده، بعد از علی اصغر...
...گهواره دگر حاجت تعمیر ندارد
خوابش شده دامادی اصغر ولی انگار
خواب دل هجران زده تعبیر ندارد
***
احوالات حضرت علی اصغر (علیه السلام)
صود اممسه هر خوردا اوشاق رسمدى ياتماز
لايلايدا دئسون وئرمز اثر مقصده چاتماز
آخر گجه ون دردين آنون هچ غمه قاتماز
چالدون يارالى قوش كيمى هى بال و پر اوغلوم
صغرا سنه يثربده تيكوب يولادى جامه
آق دوشلوگيدى ، كوينگيدى خوردا عمامه
گلميدى اونون تحفه سى ايكاش خيامه
اولميدى ربابه اودا بير دردسر اوغلوم
تا وار نفسيم عشقووى ترك ائتمرم آنى
باران كيمى اشك تريمون وار جريانى
يل لر گله لايلاى دئسه هر صبح زمانى
منده سنه لايلاى ديه رم هر سحر اوغلوم
***
در احوالات حضرت علی اصغر (علیه السلام)
به روی دست پدر عاشقانه جان می داد
گلی ز باغ لبش دست باغبان می داد
سپیدی گلویش شد نشان تیر ولی
شکوه خنده ی خود را به او نشان می داد
کمان ابروی او دل شکار بود ای کاش
کمان سرکش دشمن کمی امان می داد
تمام چارستون حسین را لرزاند
سه شعبه ای که علی را تکان تکان می داد
کمی ز خون گلو را به آسمان پاشید
نمی ز خون گلو غسل آسمان می داد
به لحظه لحظه ی سرخ غروب عاشورا
حسین در گذر عشق امتحان می داد
***

حضرت علی اصغر (علیه السلام)

با مقدمه شور و حماسی
عشقه کیم باغلادی پیمان دئدی لبیک حسین
سالکان ره عرفان دئدی لبیک حسین
یرده هر صاحب وجدان دئدی لبیک حسین
قدسیان گوگده پریشان دئدی لبیک حسین
خلقته نام حسیندور وئرن اعزاز بلی
اونی تنها یارادوب حسنیده ذات ازلی
عشقه بیر رتبه وئروب قانیله زهرا گوزلی
طوریدن موسی عمران دئدی لبیک حسین
عزّت آرتوردی حسین معرفتون عالمینه
ساتمادی شأنینی دنیا زرینه درهمینه
وردی تا روح الامین بوسه یاشیل پرچمینه
شور آلوب یوسف کنعان دئدی لبیک حسین
خون شاه شهدا دینه وئروبدی برکات
تربتینده آقامون وار اثر آب حيات
دوگمه ئوزگه قاپوسین ایسته حسيندن حسنات
اولدی گیم سائل سلطان دئدی لبیک حسین
فیض جنّاتی کمال اهلی مَحرَمدن آلوب
خلق اولوب نوحه سرا قاره علم لر اوجالوب
بو جلال و جبروته ملک حیرتده قالوب
اولدی کیم تابع قرآن دئدی لبیک حسین
دست حکمت یارادوب کرب وبلا منظره سین
انبیا شاه شهیدانون ئوپر مقبره سین
ساتمارام باغ بهشته من حسینون قره سین
حق ّحسینونکیدی وجدان دئدی لبیک حسین
مظهر بی مثل خالق سبحاندا بودی
آبرو وشرف ملّت ایراندا بودی
بی دوا دردون اگر وار اونا درماندا بودی
دل اسیر اولدی اونا جان دئدی لبیک حسین
شاه عشقون یولی، معنا یولی وحدت یولیدی
او گئدن یول بشریتده شرافت یولیدی
عاشقه، زینبینون تلّی سعادت یولیدی
زلف زینبدن آخان قان دئدی لبیک حسین
دردینون یوخدی حسین گوردی حدود وعددی
کیمدی سسلندی بو مقتلده حسینون مددی
بَندِ قنداقینی گهوارده تز پاره لدی
شوره گلدی قوزی قربان دئدی لبیک حسین
شاعر : سید تقی سیفی اردبیلی
***

در احوالات حضرت علی اصغر (علیه السلام)

اوخی چکنده  قویوب  فاطمه  الین  گوزینه
 یاراسین ئوپدی ساچین آلدی اولجناب النه
بوقان،او حرمله،سن منتقم،بالام مظلوم
قصاصی  تاپشرورام  مالک الرقاب النه
بو قان توکولسه یره کربلاده گل بیتمز
دوشر  بهانه  شرم و حیا  سحاب  النه
 بو قان توکولسه  فراته قورور قیامته جک
 دچار  ایدر   بو   بیابانی  قحط   آب  النه
بو قان آخورآنامون سینه سینده کی یارادان
 اوغول  اونوندی امانت  ویروب  رباب النه
شاعر :  استاد منزوی
***

حضرت علی اصغر (علیه السلام)

واردی بیر دنیا سوزوم بو سود امر سربازیله
یوز قویان گهواره دن میدانه یکّه تازیله
مرگی استقبال ایدن لبخندیله، مین نازیله
اوخلاناندا ایتدون اول سربازی رویت یا حسین
بعضی سربازون جهان دیده جوان، دل پیریدی
حلمیده دریا، شجاعتده آجیقلی شیریدی
دشمنه دعوا گونی بیر سینمیان شمشیریدی
سینماسین شمشیر سرباز شریعت یا حسین
بعضی سربازون سیه چهره غلام زر خرید
زر خریدی که قانیله ایتدی دنیانی خرید
هر ایکی دنیا سرافراز و سعید و رو سفید
شه لر اولسون بیله سربازه رعیّت یا حسین
***

احوالات مراجعت حضرت امام حسین (علیه السلام) بعد از تیر خوردن حضرت علی اصغر (علیه السلام) به خیمه گاه

دوشوب خیاله او ساعتکه باکیُ العِینِین
حرم سراسینه قِیتردی اصغرینی حسین
حرم امیری گتورموش الینده مایه ی غم
چخوبلا خارجه یکسر مخدّرات حرم
یوزی گوزی الی قانلی، او طفل شش ماهه
قوناق گلوبدی خواتین عرش خرگاهه
غریبه هوشه گیدوب، دینمور، ال ایاق چالمور
قالوب آتا الی اوستونده بیر نفر آلمور
آتاسینون یوزی گلمز آناسینه ویرسون
خیال ایدردی که بیر اقرباسینه ویرسون
بویوردی گل گینه ای غمکشیده باجیم گل
نه قدر فکر ایلدیم اولمادی علاجیم گل
گل آل الیمدن آپار، قویما چوخ گیده قانی
اگرچه قان آپاروبدور بو اوخلی قربانی
دیمه رباب داخی آه و ناله دن اوسانی
یاتوبدی دینموری، آهسته آل باجی بالانی
بویور آناسینه گلسون که زحمتی یوخدی
تمام زحمتینون اجرمزدی بیر اوخدی
وجودی راحت اولوب بیرده ایلمز شیون
گیوبدی قرمزی قانیله تازه پیراهن
آلاندا قارداش الیندن او طفله بیر باخدی
باخا باخا یوزینه اشک حسرتی آخدی
محلّ فکر تصوّردی نیلسون زینب
باخور گورور که مبرهندی، آنلاشور مطلب
آنا اورگی داش اولسا مگر بونا دایانی
گلون گوراق نجه ویرسون آنایه بو بالانی
گتوردی حضرت زینب، ربابی سسلندی
ایشیتدی بو سوزی اوّل آنا هوسلندی
دیدی یقین بالامی ایلیوبدولر سیراب
یاتوبدی، اوچ گجه گوندوز قالوب زبس بی خواب
گتورمزیدی خیاله بو ظلمین آفاقین
گوروبدی اصغرینون یرده قانلی قونداقین
چخوب اگرچه اوزیندن او چوخ وفالی خانم
حیا ایدوب گینه بوندان بیله حیالی خانم
اوتوردی اصغره باخدی چوخ انفعالیله
دیردی درد دلین بو زبانحالیله
اوغول قوجاقیمه گل سینم اود دوتوب یانوری
دوشوبدی قلبیمه آتش، وجودیم اودلانوری
دایانا بولمرم هرچند عالمون خوشدور
دوروب کناریمه گل سینه ده یرون بوشدور
قراریمی آلوب آخِر او ناله ی زارون
نجه دوام ایلیوم بوش قالوبدی گهوارون
باتوبدی قرمزی قانه بو گل کیمی جسدون
بو گوندن ازّل آنان کاش علی اولیدی سنون
ایدوب عجب سنی سیراب رحمسیز جلّاد
قویوب اوغول منی یاخشی ملر، ایوی آباد
سسون زبسکه قالوب روز و شب قولاقیمده
علی بیله بولورم آغلوسان قوجاقیمده
اولوب شهیدلر ایچره بو امتیازون اوغول
او بیر اوخیله بیچیلوش سنون بوغازون اوغول
بیر اوخ بیله علی باشدان باشا بیچوب بوغازون
دگوب امام قولیندان کسوب گیچوب بوغازون
قریبه راحت اولوبسان که آچموسان گوزیوی
کنار فاطمه ده تاپموسان یقین اوزیوی
همین بو کلمه نی خواهش ایدر بو محزونه
شکایت ایلمه مندن علی او خاتونه
اگرچه ایلسن هر قدر شکوه حقّون وار
من ایلرم علی ذیحقّ اولماقون اقار
نجه سوسوزلوق اودی آشکاردور سنده
نه ایلیِیدیم اوغول تشنه کامیدیم منده
لبون کیمی قوروموشدی هر ایکّی پستانیم
سوسوزلوق آتشینه ایمدیده یانار جانیم
سودیم یوخیدی ویرم من، بولوردوم آج قالوسان
گجه گونوز الیم اوستونده ال ایاق چالوسان
دیردیم عزّتیله سوددن آچماقون گورّم
ایاق دوتوب یریوب بلکه قاچماقون گورّم
بالا دل آچماقینا چوخ اولور آنا مایل
هزار حیف که سینمده قالدی بو نسگل
دل آچماقون علی بو اولدی سو دیدون یاندون
امام اللری اوستونده تشنه اوخلاندون
خیالیم عکسینی گوستردی روزگار دنی
غریبه گونلره قویدی اوغول زمانه منی
شاعر : مرحوم صافی تبریزی
***

احوالات حضرت علی اصغر (علیه السلام)

آل علی اصغری قارداش نجه گور شوره گَلوب
دیه سن زاده ی عمراندی گیده طوره گَلوب
ضعف دِیدی آیلوب ایمدیجه آچدی گوزینی
سسیوی آلدی بِشیکدن یره سالدی اوزینی
دلی یوخدور، علنی آندورا بُلمور سوزینی
سن بُلورسن باجون اُلسون که نه منظوره گَلوب
قورودوب سوز عطش گرچه بو گُل تک دوداقین
دوزماقی سختیدی بو زحمته دلسیز اوشاقین
اوزگه بیر نحویله امّا ایتیروب اَل اَیاقین
خبر وصل دیرسن که بو مهجوره گَلوب
آتدی نمرود اوخونی اوندا که آللهه طرف
ناامید ایلمدی حق، اونا گوستردی هدف
اصغرون جان به کف ای مهر و مه و برج شرف
بیر بیان ویرماقا اول قصّه ی مشهوره گَلوب
تنگ اولوب طائر جانبازینه بیر نوعی قفس
سسی گَلمور یغشور سینیه گیتدوقجا نفس
سارالوب رنگی، دوشوبدور چوخورا گوزلری بس
آفت باد خزان نرگس مخموره گَلوب
من گَتورماقدا علی اصغری هر چند اَخا
دگی درگاه سلیمان حقیقتده سزا
یالواروبدور آناسی بسکه محقّردی فدا
اونون امّیدیده بیر پیشکش موره گَلوب
چون شه تشنه لبین آلدی بو دللر دلینی
باجیدان اوز اَلینه آلدی او سولموش گُلینی
گوردی آثار عطش ساکت ایدوب بلبلینی
باسدی آغوشینه میدانه باخوب شوره گَلوب
گَلدی صفلر قاباقندا دوروب اول ماه تمام
اصغری اَللری اوسته اوجادوب شاه اَنام
بویوروب گوز آچون آخِر گورون ای لشکر شام
اَرِنی دلده بودا جلوه گه طوره گَلوب
نسل پیغمبر اکرمدی بو بیر قرص قمر
سودامر دور، ولی اوچ گوندی لب لعلین اَمر
بو لطافتده گُل اولماز، بو حلاوتده ثمر
نور وحدتدور نجات شب ویجوره گَلوب
نجه بو تشنه لیقا دلسیز اوشاق تاب ایلسون
بیر نفر آلسون اَلیمدن بونی سیراب ایلسون
جان ویرور، اوچ گئجه دور قویمور عطش خواب ایلسون
رنج بی خوابلوق اول قدر بو رنجوره گَلوب
ای جماعت نه علی اوغلیام عالی نسبم
نه حسینم نه آنام فاطمه دور منتخبم
سبط طاها دگلم من، بو قدر وار عربم
دیمورم جدّیمه آیات گَلوب سوره گَلوب
گوردی بو قصّه ی جانسوزی عمرسعد لعین
اَله دسمال آلوب آغلار، پوزولوب لشکر کین
اوزگه بیر دللریله دل دیور اول سرور دین
باخانون رحمی او بالی پری مکسوره گَلوب
دیدی آز قالدی که زحمتلریمیز باطل اولا
هامودان کیمدی اوخ آتماقدا اَلی قابل اولا
اوزی قابل، اوخی اوچ شعبه لی، سنگین دل اولا
بیر گمان حرمله ی کافر و مغروره گَلوب
رحمسیز حرمله مقصود عمرسعده باخوب
گوردی بیر کوکب رخشان گون اَلی اوسته آخوب
چکدی بیر نقشه خیالینده که دنیانی یاخوب
لعن حق حشره دین اول نحس آدی مذکوره گَلوب
بیر کمانیله بیر اوخ آلدی اَله همّته باخ
باخمادی حضرت پیغمبره، سن امّته باخ
اصغری ایتدی نشان آتدی اوخین، جراته باخ
چون گمان قلبه قساوت بیلَگی زوره گَلوب
قورتولوب تیر کماندان اوزی سسلندی کمان
یتدی بیر نوع نشانگاهه که تَربَندی نشان
اصغرین بیچدی بوغازین، گیچوب اوخ دگدی امان
شاه عطشان قولونا، صدمه ایکی نوره گَلوب
یتدی بو باره ده چوخ غم او شه محترمه
اوخلی قربانینی قِیتردی دوباره حرمه
سسلدی گَل باجی دوشدون گنه بیر تازه غمه
سبب کشف نکات غم مسطوره گَلوب
ایلدیم بیع و شری ای باجی جانانیله من
اصغر اوخلاندی، ولی حشره قالوب اخذ ثمن
تیره توپراقدا امانتدی بو بیر دُرّ عدن
اَلیم اوستونده سپرده اولا گنجوره گَلوب
خیمه دن دیشره چخوب غمکش عالم چکوب آه
بُلدی اصغرده او شوریله تاپوب خلوته راه
بیر اونا بیرده امامین قولونا ایتدی نگاه
گوردی بیر اوخ ضرری ناصر و منصوره گَلوب
دایان اَل ساخلا دایان صافی بویان گوزیاشنا
شاه بیتون بیله بُلمه یازیلوب اوز باشنا
گوئیا ختم مجرّبدی دوشوب سوز باشنا
آل علی اصغری قارداش نجه گور شوره گَلوب
شاعر : صافی تبریزی
 
 
اين مطلب 8113 بار مشاهده شده است